¹ Ra chindaabe layu para tribu xti José udizibeni de ranu Jordán ne Jericó, ladu rire' ubidxa de rarire' nisa' xti Jericó, cayu'u lu yu nda', caguiba' dede Jericó de lu ti guidxi de danni' xti Betel. ² ne dede Betel ne Luz cadidi de idubi Atarot, layu' xti ca arquitas. ³ Cayetebe neza ra riazi ubidxa dede layu' xti ca' jafletitas, dede layu' nachucu xti Bet Horón ne de raque de ranu Gezer; ne riluxe ni ndaani nisa ni que rihuini ra riluxe. ⁴ Ne zicari nga que ca' tribu xti José, Manasés ne Efrain ucuaca ni xticabe'. ⁵ La yu' xti tribu de Efraín ni bidi cabe ca binilidxi be' sicari nga sedani': ca layu ni xticabe' ladu rire' ubidxa uyeni dede Atarot Adar dede Bet Horón de luguia ⁶ ne dede raca' uzaru' nisa que'. Dede Micmetat, l guia', raque rudini bieque neza ra rindani ubidxa de ra chindani Tanat Siló ne udidini mma que ladu rire ubidxa de Janoa. ⁷ Dede Janoa bieteni' dede Atarot y Naarat dede ra chi ugandani Jericó, ziluxe ni neza Jordán. ⁸ Dede Tapúa, linda' xtini llendani' neza riasa ubidxa de rarire nisa lade dani xti Caná ne biluxe ndani nisado'. Ndi nga ni xti ca lisa' xti Efraín, ulicabe' caxpinibe', ⁹ ne ca guidxique' ni la ulicabe' para ca lisa' xti Efraín ndani xti ca lisa' xti Manasés, ira guidxi, casi ca' lidxi cabe' ¹⁰ lacabe que nibe dicabe' fuera ca cananeo ni la'a uleza Gezer,ngue runi ca cananeo nabezacabe' ndani xti Efraín dede dxi que', peru ca binni que bica'cabe' laca' gunica' dxiña xtale.