¹ Yana, nacaanda niru' dxi xti' ti semana, laaga nacahui ru, Maria Magdalena beeda ra ba', ne biiyabe' ma biduuba guie que'. ² Ngue' runi bixhooñe ne beeda ra nuu pedru ne xti' discipulu ni jesus gunaxhii que' ne raabibe' laaca: "zineecabe xcuerpu xaíquenu de ra ba', ne que gananu' para guluucabe ni'." ³ Oraque' pedru ne xti' discipulu que' biree'ca, ne guye'ca ra ba' que'. ⁴ Guiropacabe bixhooñecabe juntu, peru xti discipulu que' jma naguenda que pedru ne jma niru' yendabe' ra ba' que'. ⁵ Ne bixuzhiibi, biyadxhiibe' ca lari lase de linu ni nexhee raque', peru que ñu'be. ⁶ Yendaasibe' nandaca' Pedru ra giropa, ne guyu' ra ba'. Laabe biiyabe ca lari lase de linu nexhe raque'. ⁷ Ne lari ni guyu' iquebe'. Cadi nexheni cue'ca lari de linu que', laaga ñiueechu' ne nexhe xtiladu xtubi'. ⁸ Oraque' guyu' xti discipulu que', ni bedanda' niru' ra ba' que'; laabe biiyabe' ne bini cre'be. ⁹ Ti purti dede raque caaru gunibia'cabe ca ni ma gucua', deque laabe siaazabe' laade ca gue'tu. ¹⁰ Ngue runi ca discipulu que' biguetaca' ralidxica xti tiru. ¹¹ Peru Maria zuhua' rua' ba' que, ne laaga cayuunabe bizuxhiibibe' ndani ba' que'. ¹² Laabe biiyabe' chupa angel nachiquibe' xhaaba ca' subaca' . tobi ra guuta ique, ne xtobi ra guta' ñee jesus. ¹³ Laacabe gudxiicabe laabe: " gunaa, xhi ñee cayuunalu ", laabe rabibe laaca: ti purti' zineecabe xaíquedu', ne que gana para guluu' cabe laabe". ¹⁴ Ora laabe guni' be ndi' bitixhi luu be ne biiyabe' jesus zuhua' raque', peru laabe que ganabe' pa jesus ngue'. ¹⁵ Jesus raabi laabe: "gunaa, xhiñe' cayuuna lu'?, tu la' cuyuubu'?". laabe zacaxhabe' de que ni ruzia' ngue', ngue' runi bicaabibe laa: " pa lii zineu' laabe, gudxhi naa para' guluu'lu laabe, ti ma chinia' laabe". ¹⁶ Jesus raabi laabe: "Maria". Laabe bidxhigeta lu'be ne rabibe laa ne ti diidxha Arameu: "raboni" (ne rini'ni "ni ruzii'di.") ¹⁷ Jesus raabi laabe: cadi canu' naa, ti purti' caaru chaa' ra nuu bixhoze'; peru guye' ra nuu ca bichee', ne gudxhi laacabe de que chaa' ra nu' bixhoze' jne bixhozecabe', diuxhi xtine', ne Diuxhi xtiicabe'. ¹⁸ Maria magdalena, guye' ne guudxhi ca discipulu: " naa ma biiya xaíquenu' ", jne deque laabe gudxibe laa ca ndi'. ¹⁹ Gucazii huadxii, dxii que', niru' dxii xti semana, ne ca puerta ra nu' ca' discipulu ma bidaagu, pur dxiibi de ca judiu, Jesús beeda jne bizhua' laade cabe galaqué jne raabi laacabe: guenda ratadxii ladxido' chu'ne laatu." ²⁰ Guni'zibe ndi', biluii'be laaca ca bata ná' be ne cue' ndani be'. ne ora ca discipulu que' biiyaca' xaíqueca', laaca biecheca' ²¹ Oraque' Jesús gudxhi laacabe xti tiru: "guendaratadxi ladxido' chu' nee laatu, casica' bixhoze' biseenda naa, zacaca naa cuzeenda laatu." ²² Guni'zi Jesús ndi', binduubibe lugiaaca' ne raabibe' laaca: "laguica' guenda ni nandxho". ²³ Ni laatu guziandatu guendaruche' xti', guendaruche' xti' ziaanda, ni laatu que guaziaandatu guendaruche' xti', guendaruche' xti' que ziaanda." ²⁴ Tomás, tobi de ca chii ne chupa, ni la' Didimo, que guiinidi' ne laacabe ora Jesús beeda. ²⁵ Jma' huadxizi' ca xcaadxi discipulu gudxiica laabe: "laadu ma biiyadu' xaíquenu'." laabe raabibe laaca: huaxha pa naa guuya ra gucua' clavu ná'be, ne cua' ná'ya cue' ndanibe', naa que zune cre'." ²⁶ Gudi'dizi xhoono dxii ca discipulu stibe nu'ca ndani yo' que sti tiru, ne Tomás nu' ne' laacabe. Jesús beeda laaga daagu puerta, ne bizuhua'be laade ca', ne raabibe laaca: "guendaratadxii ladxido' chu'ne' laatu." ²⁷ Oraque' raabibe tomas: "bichiiña ca bicuini nou' rari', gudaana ne nou', ne guluu'ni cue' ndaane, cadi gacalu ni que runi cre', laaga bini cre'." ²⁸ Tomas bicaabi laabe: "xaíque' ne Diuxi xtine ne Diuxi xtine." ²⁹ Jesús raabi laabe: "ti purti lii ma biiya lu' naa, ma bini cre' lu' naa. Nayeche' ca ni caaru guuya ca', ne nin ne nga ma bini cre' ca." ³⁰ Yaana Jesús biini ru' xcaadxhi guendaridxagaya' ra lu' ca discipulu xtii, guendaridxagaya' ni ma que nica' di' lu libru di'. ³¹ Peru ca ndi' gucua ca' para gaanda laatu guni creetu Jesús nga' cristu, xhiiñi' Diuxi, ne ni guni cre' zacari', gaapa guendanabani pur lábe.