¹ Biluxe si uní Jesus ca didxa dí, bire nebe ca discípulo xtí be cheríca layu cedrón, ra guyu' tí lee bizhuaa cuana naxi ra biabe ne ca' discipulu guyucabe. ² Yana la' Judas, ni chi gudziideche laabe, laaca runibíabe ra que, pur ti Jesús gati ga riebe raque' ne ca discípulu xtibe. ³ De racala' Judas, gucuabe cadxi dxuguiiba ní bidí ca xaíque xti ca' sacerdote, ne ca' fariseo, ca aguasil, yenda cabe ra que' ne bianín, ne bele' ne guíba'. ⁴ De raca Jesús la' ma nanabe de guira xhihe ni cayacabe, guyebe jma cherica. Ne gunabadidxabe laa'cá. ''¿Tu laa: cuyubi tu?'' ⁵ Ne bicabibe laabe: ''Jesús de Nazaret''. Jesús gudxilaacabe: ''Naá naca''. Judas, ní bidxiideche laabe, laaca zudhua ne' ca dxu guiiba que. ⁶ Ngue runi ora laabe gudxibe laaca: ''Na naca'', laaca bi bigueta cabe ne biaba cabe layú. ⁷ De raca la? gunaba didxabe laaca xti bieque: ''¿Tu laá cuyubi tu?'' Laaca be beeda gucabi cabe xti bieque, ''Jesús de Nazaret''. ⁸ Jesus bicaabi laacabe:" naa gudxe laatu deque naa naca'. Nga runi pa naa nga cuyubitu la'?, la gudii che ndi'." ⁹ Ndi' gucani ti ma gaca diidxa ni laabe guni' be:" DE CA NI LII BIDII LU NAA, QUE NUNITE NIN TOBI." ¹⁰ De raque' simon pedru, ni canaca' ti espada, guleebe ni', ne bichenda be ni' ni runi xhiiña sacerdote goola, ne bigaabe ti diaga, ladu derechu. Malco nga láa ni runi xhiiña sacerdote goola que'. ¹¹ Jesus gudxibe Pedru:"bidxigueta espada ca' ndani baina xti'. Ñe' que zée rua vasu ni bixhoze bidii naa la'? ¹² Ngue runi caadxi dxu' guiiba ne xaique xti' ca, ne ca gendarme xti' ca judiu, gunaazeca Jesus ne bindiibi ca laabe. ¹³ Niru do' yene cabe laabe ra nu' Anás, ni naca suegru xti Caifas, ni naca sacerdote goola iza que'. ¹⁴ Ne Caifas nga guudxi ca Judiu jma' jneza gati tobi pur guidxi. ¹⁵ Simon Pedru yenandabe Jesus, casi ca xti discipulu. yana discipulu que runibia' sacerdote goola que laabe, ne laabe guyu' nebe jesus ndani patiu xti' sacerdote goola; ¹⁶ Peru Pedru zuhua rua' puerta fuera que'. Ne xti discipulu que' , xha ni runibia' sacerdote goola que', bireebe ne guni'nebe badu dxaapa ni rapa, ne guluu be Pedru ¹⁷ Ne badu dxaapa ni rapa rua' puerta que', gudxibe Pedru:" cadi naaca lu tobi de ca discipulu xti nguiu de la'? laa guni':" cadi naaca dia' n'." ¹⁸ Yana ca ni ruuni dxiiña raque' de na ni rapa zuhua ca raque'; ne laaca biini ca ti guí ne búu, ti purti nanda raque', ne laca cadxaa ca. ne Pedru laaca nu' ne' laacabe, zuhua ne cadxáa. ¹⁹ sacerdote goola que gunabadxiidxa be Jesus, de ca discipulu xti', ne ca ni rusiidi. ²⁰ Jesus bicaabi laabe:" naa que huache' ra guinie' nia' binni guidxilayu'. Naa dede guira dxii huasiide ndani yu'du huiini, ne ndani yu'du ro', ra guira' ca Judiu ridxiña ca'. Que huanie' dia' gaxti lu guenda nagaachi. ²¹ Xhi ñe' canabadiidxu naa? gunabadiidxa cani huaca' diaga naa de ni gunie'. Biiya ca binni ca, nana cabe ca ni gunie'." ²² Ora Jesus guni' ndi', tobi de ca gendarme ni zuhua' raque', gudapa be Jesus ne guni' be:" Ñe´saca' rucabi lu sacerdote goola la'?" ²³ Jesus bicaabi laabe:"pa naa gunie ni cadi jneza, bilui' de que cadi canie ni jneza, peru pa gunie' ni jneza, xhi ñe' caguiñu naa?" ²⁴ Oraque' Anás bisenda be jesus liibi ra nu' Caifas ni naca sacerdote goola. ²⁵ Yana simon Pedru zuhua ne cadxa' . ora que' ca binni que gudxi ca laabe:" cadi lii laaca naacu tobi de ca discipulu xtibe que la'? Laabe guni' be deque co' ne naabe:" naa cadi naca dia' ni'." ²⁶ Tobi de ca ni runi xiiña sacerdote goola, ni nu' tu raaca xha badunguiu ni pedru biga' diaga que' guni':"ñe' cadi biiya lii ndani lee' que ne laabe la'?. ²⁷ Pedru guni' que runibia' laabe, ne oraqueca' biinda gallu que'. ²⁸ Oraque' laacabe yene' cabe Jesus ra nu' Caifas ra nu' yo' lahui'. Siado' guie' ru, ne laacabe que ñu' di' cabe ndani yo' lahui' xti xaique guidxi, ti zaca laacabe cadi gaca biidi cabe ne ti ma gánda go' cabe nabáana. ²⁹ Oraque' Pilatu biree ne guye' ra nu' cabe ne gudxi laacabe:" xhi guenda ruche' zeda nee tu luguia badunguiu di'?" ³⁰ Laacabe bicabi cabe laa:" pa ñaca badu nguiu di' que ñacabe gubaana la'? que nudi' du laabe lii." ³¹ oraque' Pilatu raabi laacabe:" laatu lachine' laabe ne laca'ñe laabe, lagu'ya pa napa be guendaruche', casi ma nexhe laade tu gunitu. Ca Judiu gudxi ca laabe: "cadi nu' lu ná'du gúti du nin ti binni." ³² Laacabe guni' cabe ndi' ti ma diidxa xti Jesus gacaní, diidxa ni laabe ma guni' be ni rului' xhi modo nga guenda guti ni laabe chi gati be. ³³ Oraque' Pilatu guyu' nadi cuartel xti xaique guidxi que' xti bieque, ne bisenda cáabe Jesus ne gudxi be laa:" lii nga naca lu xaique xti ca Judiu la'? ³⁴ Jesus bicaabi laabe:" caniu' ni pur laca lii, o ti purti xcaadxi gudxi ca lii xhixha de naa?". ³⁵ Pilatu bicaabi laabe:" cadi naca dia' ti Judiu, o naca ni la'? laaca guidxi xtiu ne xaique xti ca sacerdote bidii lii ndani naya. xhi huuayu'nu?" ³⁶ Jesus bicaabi:" Guenda runi mandar xtine cadi de guidxilayu di' ni, pa ñaca guenda runi mandar xtine ñaca ni de guidxilayu' di la'? ca ni runi xhíiña nidinde ca ti ma que nidi' di' cabe naa lu ná' ca Judiu, peru yana la'? guendaruni mandar xtine cadi zeeda di' ni de rari'. ³⁷ Oraque' Pilatu gudxi laabe:" yana ya', nacalu xaique guidxi?" Jesus bicaabi laabe:" Lii na´lu de que naaca xaique xti guidxi, para nga' gulée, ne pur nga' benda' ndani guidxi layu', ti ma gueda udie' diidxa ni dxandi, guira xhixhee ni xti' ni dxandi laa la'? runadiaga ridxi xtine." ³⁸ Pilatu raabi laabe:" Xhiinga ni dxandi' ya? ora guní be ndi, laabe bire be xti bieque ra nu' ca Judiu ne gudxi be laaca:" que guidxela dia' nin ti donda lugia' badu ngiu di'." ³⁹ Laatu ma bía tu gunda'nu ti badu nguiu lu nabaana, nga runi:"tu laa napa tu gana gunda' nu, xaique xti ca judiu la'?. ⁴⁰ Oraque' laaca bigua' ca riidxi ne na' ca:"cadi badu nguiu di' ca , laga Barrabas nga binda'." yana Barrabas la'? naaca ti gubaana.