¹ Yana dede, niru guenda rutagudidxa napa guenda runi mandar de xhi jmodo nga gusisaca cabe ndani ti yu'du' ndani guidxilayu. ² Ti purti bizuchahui cabe ti yu'du' de laari. Niru yo' huini que, ra nu' ra riu' gui'ri', mexha ne gueta xtia' ni ma guyu ndaya, laani láni ra nandxo'. ³ Cherica guiropa Laari ruta'gu que nu' xti yoo' huiini, ni lá jmá nandxo' xhata. ⁴ Napani ti altar naguchi hruzaani para gu'shu rinda' nashi. Laaca napani ti guiña de guenda rutagudidxa, ni naaze interu naca de oro. Ndani ni nuu ti xhiga naguchi hruzaani nii nuu maná ndani, vara xti Aaron ni guche ndú, ne ca ra cá ca didxa runi mandar bizaana Diuxhi. ⁵ Luguia de guiña de guenda rutagudidxa que, nuu chupa querubin nandxo' nuchii ca tapa xti ra rixhia donda, cuguu ca baca'nda ne xhia' ca, peru de nga que zanda guinii cha'hui nu nagasi. ⁶ Tiidi si de gata chahui de guira ndi, ca sacerdote riu' ca ndani niru nda' xti yu'du' de laari que para guuni ca xhiiña ca. ⁷ Peru sacerdote gola si' sanda chú' ra guiropa nda' que' ti tiru li ti iza, rinee be hrini ni rudii be Diuxhi para laaca laabe ne pur ca guenda ruche ni que ñana guidxi biini. ⁸ Espiritu Santu biluhi' de que neza para chindá cabe ra jmá nandxo' xhata que, que zahuini ni laga zuhuaru niru nda' yu'du' de laari que. ⁹ Ndi guca ti duuba de ni chi gaca ca dxi di'. Guiropa ca, ca ni cusigaade cabe, ne ca sacrificiu ni cudii cabe nagazi que randa runichahui cani xquendabiani ni cusisaca cá. ¹⁰ Laacani naca cani de guendaro' ne guendare', ne xtale jmodo genda ria'ri. Ca ndi guca ca guira ni biaana gaca para guenda binni guidxilayu, guuta ca ni para dede guiza' dxi guedandá nacubi guenda runi mandar. ¹¹ Cristu beeda casi ti sacerdote gola xti de guira ni sicarú ni ma beeda. laabe beedabe gúni yu'du jma' sicarú ne jmá neza, ni cadi náa di binni guidxilayu bizáa, tobi ni cadi naca di xti guidxilayu' ni guyá di. ¹² Cadi guca di pur hrini xti ca dendxu o ca chivu, peru pur laaca hrini xtibe, Guyú be ndani ra jmá nandxo' xhata, ti tiru si para guira, ne bedanebe guenda rilá ni que riluxhe. ¹³ Ti purti pa hrini xti ca dendxu' ne ca yuuse, ne guenda ruchá dee ya'qui xti yuusee huiini luguia ca ni guca mucu ca, ribee chuu laacabe para Diuxhi, para guia'ri guenda binni guidxilayu xti cabe, ¹⁴ pabiá ru jmá zanda guni hrini xti Cristu, ni pur Espiritu ni que rati xti bidíi laaca laa sin guenda ruché ra nu Diuxhi, guzia' xquendabia'ni nu de ca ni biini nu, ni que iquiiñe ca para guni nu xhiiña Diuxhi ni nabani? ¹⁵ Nga runi, Laabe nga ni nuzuhua be gala'a de laanu ne Diuxhi lu nacubi guenda rutagudidxa di'. Ndi naca, ti purti laabe ma guti be, para gulábe de ca guenda ruche xti ca ni biche'ca lu niru guenda rutagudidxa que, ti ca ni laabe gulidxi be ganda guicáca ni bidii xtidxabe sudiibe ni que saluxhe. ¹⁶ Ti purti ra nuu ti guiichi caníi tuunga chi guianané xtí, guenda guti xti binni ni bicáni ca' naquiiññe guluí cabe ni. ¹⁷ Ti purti ti guiichi ni caní tu chi guianané xhixha riquiiñe ni orasí ma guti tobi, ti purti que riquiiñe ni laga ni biinini ca' nabani. ¹⁸ Sacaca niru guenda rutagudidxa que que ñáta ni sin hrini. ¹⁹ Ora Moises biluxhe bidii be guira ca guenda runi mandar xti ley que' guidubi guidxi, gucua be hrini xti ca dendxú ne xti ca chivu barracu, ne nisa, ne guicha ladi dendxu naxhiñá, ne xhiá', ne guxhubibe ni guiropa ca'; ca gui'chi ra ca' ca guenda runi mandar que la? ne guidxi que'. ²⁰ Oraque guní be: "NDI NGA HRINI XTI GUENDA RUTAGU DIDXA NI DIUXHI MA BIINI MANDAR PARA LAATU." ²¹ Saqueca, laabe guxhubi be hrini lu yu'du' de lari, ne ca traste ni riquiiñe be lu dxiña que. ²² Casi ca naa Ley, ma yaca de guira sanda guia' ne hrini. Sin guenda rixhii hrini gaxti di' guenda rixhia donda. ²³ Nga runi, gupa xhidé guira ni rilui ca ni nuu guiba' biáca ne sacrificiu xti ca mani que'. Huaxha ca ni naacaca de guiba' la?naquiiñe guiáca ne sacrificiu jmá sicarú. ²⁴ Ti purti Cristu cadi guyúu di ndani ti ra nandxo' xhata ni naa binni bizá, ni naca tobi ni rilui'si ni dxandí que'. Laga nga la? Laabe guyúpebe guiba' para gului'be laaca laabe nezalú Diuxhi pur laanu. ²⁵ Laabe cadi guye di be raqué para gudii be laaca laabe xtale tiru, casi ti Sacerdote gola ,ni riu' cada iza ne hrini xti xtobi. ²⁶ Pa ñaca saca ñacani la? niquiiñe nidiidi be ra nana xtale tiru dede dxi guyá guidxilayu'. Peru yana, gucani ti tiru sí' dede ra guiluxhe de guira iza, ni ma bihuini para cuée guenda ruché pur Sacrificiu xti laaca laa. ²⁷ Guira xixe binni nga nexhe gati ti tiru si ne oraca gueeda Juiciu. ²⁸ Sacaca Cristu laaca, ni bidii cabe laa ti tiru si para gaxha be guenda ruché xti xtale, zahuini be guiropa tiru, cadi para guizala'dxi be guendaruché, laga para gueda gulábe ca ni cabeezaca laabe sin guidxagaca.