¹ Nga runni, ma nu xtale tu la cundachi lannu, gusaana nu' guira guenda rirenda guenda ruche'. guxhoñe nu sin guirenu gana lu guenda ruxhoñe ni nu ra lunu'. ² La guca' diaga chahui Jesus, ni rizulu ne ni runni chahui guenda runni cree. Pur genda nayeche ni guta' neza luu be', gunda' guyuabe cruz que', que niza ladxi dibe gusitui cabe lube, ne guribe ladu ndiga de bangu ra runni mandar xti Diuxi. ³ Yanna la guini' ique de laabe' yanna, xha ni bizuhuadxichi ora bicalu ca ni ruche' que lape be', ti laatu cadi guidxaga tu' ndani ladxidoto ne guirechuutu'. ⁴ Que huasuhuadxichi tu' ne ninca carui di tindetu' ne guenda ruche de chindatu lu rini'. ⁵ Ne laatu jma bisianda' tu bii ni rusidi casi ti xhiñi: ''XHIÑE, CADI ICADIOU HUDXIE NI CUSIDI' SEÑOR LII NE CADI GUIDXAGA DIOU ORA GABI BE LII CADI JNEZA CAYUNU'. ⁶ TI PURTI' SEÑOR RUSIDI GUIRA CA NI NAXHII BE', NE LAABE RIDINDE NEBE GUIRA XHIXXE XHIÑIBE NI LABE RICABE''. ⁷ La guica' guenda nana' di' casi modo gulaqui Diuxi guisiditu. Diuxi rini' ne laatu casi ti xhiñi. ⁸ Peru, ¿xhi naaca' ti xhiñi ni bixhoze que rusidi laa? Peru pa latu cadi bisidi tu' laa, ni guiraa binni napa', cadi nacadi tu xhiñi cabe'. ⁹ Nin ne saca', lannu gupanu' ca bixhozenu ni nu ndani guidxi layuu ni laca bisidi ca lannu, ne lannu runi nu ni nacabe. ¿ñe cadi jma naquiñe gunanu jma bixhozenu que ca espiritu ca', ne guibani nu laa? ¹⁰ Xhiñe ti bata na, ca bixhoze nu' bisidi ca lannu pur cadxi dxii, xhimodo bihuini ni' biasi para lacabe'. Peru xtobi lá, Diuxi runni ni para gaaca jneza ti ganda gapanu guenda nandxo xtibe'. ¹¹ Nin ti guenda rusidi rului ni sicaru' nagasi', peru ezaa nanaani'. Nga runni, ndi rididisi rudini cuana naxhi de ni naca nachahui xti ni jneza para ca ni jma bizidi chahui pur lanni. ¹² Yanna la cu' xtipa' bata naatu ni nanda ne xhibitu ni que gaapa' xtipa'. ¹³ Lagunni neza' modo saa para bata' ñeetu', saca ca ni nachiita' ñee cadi guiechu' si nu que' guiandabe'. ¹⁴ Laguyubi guenda ratadxi ne guira', Ne guenda naya' ladxido ti sin Candi guiruti suya Señor. ¹⁵ Laguya laatu de que' guiruti' guiadxa laa guenda nandxo xti Diuxi, ne nin ti xcu' nda da' xhiaana guirooba' ni ganda gunina' ni', ti ganda xtale cadi gaca mucu' cabe' pur lani'. ¹⁶ Laguya ga cadi chu tu la chuene ni cadi xhelaa o bini ni que runni ni jneza casi Esaú, Ni la pur ti endaro bitobe' enda lu gola xtibe'. ¹⁷ Ti laatu nannatu' tidisi, ora labe ucaladxi be' nicabe ndaya'. que nicadi cabe' laabe, ti laabe que nideladibe xhi nicabe ne enda' runaa'. ¹⁸ Ti purti laatu cadi beeda di tu ra nuu ti dani ni zanda cánatu, ti dani de bele caya'qui, nacahui, nachuundu ne bii yo'sho'. ¹⁹ Laatu cadi beeda di' tu ti ra caxhidxi cachu ni ridxa' bii, ninca ti ridxi ni rinii didxa ni ca ni binadiaga gunabaca' cadi gunadiagaru ca xti didxa. ²⁰ Ti purti laacabe que ñanda ñuni huantar cabe ni guca mandar cabe: "PA DEDE TI MAANI CÁNA' DANI QUE, NAQUIIÑE GUIDXAME GUIE" ²¹ naro'ba dxiibi nga ni biiya Moises dede guníi: "CADXIBE NE CAYACADIITE." ²² Laga nga la? laatu beeda tu ra nuu dani Sión ne guidxiro' xti Diuxhi ni nabani, Jerusalen ni nuu guiba' ne xtale ixhiapa de angel canayeche'ca. ²³ Laatu beeda tu ra nuu ca guendalisaa xti ca ba'du lugola ni ma cá láca guiba'. Ma beeda tu ra nuu Diuxhi ni naca juez xti de guirá', ne ra nuu espiritu xti ca ni nacha'hui ni ma gucachahui ca. ²⁴ Laatu ma beeda tu ra nuu Jesus, ni ruzuhua' galahui de nacubi guenda rutagu didxa, ne ra nuu hrini ni bixhuubi ni rinni jmá sicarú que hrini xti Abel. ²⁵ Laguuya laatu cadi gucaa nátu ni caníine laatu. Ti purti pa laacabe que nuxhoñelú cabe ora bicaaná cabe xha ni gúdxica laacabe ni chi guizaaca ndani guidxilayu' di, jmárupe que suxoñelúu nu, pa guxhoñelúu nu de di cayaabi ca laanu xhi qui guizaaca dede guiba'. ²⁶ Ti dxí laabe biniditi be guidxilayu' ne xtidxi be, peru yana laabe ma bidii xtidxa be ne ma guníi be: "XTI TIRU NAA, SUNEDIITE CADI GUIDXILAYU' SI', LAGA NEE GUIBA'. ²⁷ Ca didxa di': "XTI TIRU", riníi ni guenda ribee guira ni racadiiti, ndi nga, de ca ni guyáa, ti ca ni que raadiiti guiaanaca. ²⁸ Nga runi. Ra guiicanu ti ra raca mandar ni que racadiiti, gudiinu xquixhe ne sacarí gusisacanu Diuxhi ne guenda rusuxhiibi ne guenda ridxiibi. ²⁹ Ti purti Diuxhi xtinu nga naca Bele ni ruzaana nisi dee.