¹ Pablu, ti apostol x ti' Jesucristu ti zacá biaaleni de Diuxi ne para cani ma nacha' ui' nuu Éfeso ne cani zuhuaa lu xtiidxá na binicre Jesucristu. ² Gui'uune laatu' guenda nacha'ur' ne guenda ratadxii ludxido' xti' Diuxi bixhozenu ne xpixhua'nanu Jesucristu. ³ Nenina'ca Diuxi ne bixhoze xpixhua'nanu' Jesucristu guisáca, ni laa guluu ndaaya laanu ne gui'raa ndaaya zeeda de Diuxi ni zeeda de ca guiba' ra binicreno Cristu. ⁴ Diuxi gulii laanu gu'canu ni ma' na'ca pa'rasi Diuxi ne ma quegapanu do'nda neza lu' be'. ⁵ Diuxi maca gula'qui ica' laannu casi xiin'i ra gunicreenu Jesucristu, ndinga ni gucala'dxibe gunibe ne biéchebe ra bi'nibeni. ⁶ Ra gucuaabe laanu casi xiiñibe beda gusisaca nu laabe ti guizaa sicarú guenda nacha'ui xtibe, ne laabe gaxti nucueeza laabe bidiibe laanu ra binicreenu xa ni nadxiibeque. ⁷ Ne ra binicrenu Jesucristu bila'nu de nigui'ba donda iquenu guni ríni xtiibe ne bixhia' ca donda xtiinu casica narooba guenda nacha'ui xtiibe. ⁸ Laabe binda'tebe guenda nacha'ui xtiibe luguianu. Ne de guira' guenda nuu xpiani ne guenda rieene. ⁹ Diuxi bidii gunibiaanu ni biale de laabe gúnibe, ni naga'chi, ni zee bia'sipe ni rusieche laabe ni laabe biluiibe ra binicrenu Cristu. ¹⁰ Ne dxiiña ni biini Cristu maca nexhenni ti guizaa cani ma nexhe ca dxi que, ti gúni be guiraca tobisi ne guchiña be la'ca, de guira ca ni nuu guibá ne ndaani guidxi layú, ne zúnibeni ne ti xaique, ne laa nga Cristu. ¹¹ Ra binicrenu Cristu bibiinu para guica'nu xixa, maca bibiinu casipe gulaquibe, ni cayúni dxiiña' ne ze casipe biale laabe ga'cani. ¹² Diuxi gulii laanu ne cudiilanu ca xti ti'ganda laanu gácanu cani zá niru ne icá ique ne guni cre Cristu, ti laanu ganda gusisacanu laabe lu guenda nandxoo xtiibe. ¹³ Ra binicretu Cristu, laatu laca, ra ma binadiágatu diidxa' ni dxandii, evangeliu ni rula' ne ra bini cretu laabe ne ra gucua tu ti seña ra bidii xtiidxa Espíritu Santu. ¹⁴ Espírtu Santu nga naca ni dxandii' zudiibe laanu ni risa'ca, dede dxi icaa cha' uinu guiraní, ne ti gusisaca cabe guenda nandxoo' stibe. ¹⁵ Ne gúni ndi la? De dxi naa binadiaaga runicretu. Xpixhua'na nu Jesús ne pabiá nadxiitu, ca binni cha'huí xtii Diuxi. ¹⁶ Naa que huayanadxiee de gudiee xquixe Diuxi pur laatu ne laga ruzeete laatu ra rinie'nia Diuxi. ¹⁷ Naa rinieenia Diuxi xtii xpixhuaana nu' Jesucristu, ne bixhoozenu ni nandxoo, gudii laatu ti guenda de nuu xpiaani ne guxhale xquenda biaani tu ne gannatu de laabe. ¹⁸ Naa rina'ba lu Diuxi gusaani ladxido'to, ne ganda gunibiaatu ni nanadxichitu nuu para laatu ti runi nga Laabe guliidxibe laatu ne ca guenda risaca sicarú ni chi gudii be laatu de lade ca binni cha'hui xti Diuxi. ¹⁹ Ne ra naa rinie nia Diuxi naa rinaaba ganda laatu gunibia'tu quegapa biá de narooba ca ni ruuni guenda nandxo' xtiibe laadenú cani ma runi cre nu' , biá nadipa dxiiña xtiibe. ²⁰ La ca ndi nga guenda nandxo xti Diuxi ni biini dxiiña luguia Cristu, dxi Laabe gundisabe laa de lade gue'tu ne bicuiibe laa ne laabe neza ndiiga naabé guiba'. ²¹ Laabe bicuiibe Cristu luguíaa de guiraa ca xaique ne guiraa ca ni napa ti guenda ne guenda nandxo' ne cani raca ni ná ne guira binniní bínicabelaa tuuxha. Cristu zaca xaique cadi yannasi, ne laca ca dxii guedandaru'. ²² Diuxi ma gula'qui de guiraa cani xañee Cristu ne bidii be laa yu'du' casi xaique de guiraxixee. ²³ Yu'du' nga naca xcuerpube, ne guira ni nácabe ruchátipa iraa lú de guira'.