¹ Ca ni napa binni runi dxiiña para laa, lagudii ca ni runi xiiñatu ni bia'sí ne bia naquiiñe guiáxa ca, ne guietenaladxitu laca napatu ni runitu xiiña xa iba'. ² La zá sin guzuhuadxi tu de guiníne tu Diuxi. la gataná lú ndi' ne la gudii xquiixe. ³ Laguidaagu ne la guinába zaqueca pur laadu, ti sacá Diuxi guxále para laadu ti puerta' para guireeche xtiidxa Diuxi, para guinídu de ni dxandi' ni guiruti gana xti Cristu. Ne pur ndi', naa liibe', daguayuaa. ⁴ Ne la guinába que naa ganda guneni nayá, casi ca naa naquiiñe guinie'. ⁵ La zá ne guendabiaani ra nuu ca ni nuu fuera, la gana iquiiñetu ca dxi xti tú. ⁶ La gudii que ca xtiidxatu guira ora gacani ne guendanachahui. Lagudii guiruba zidi lú ca ni, ti ma ganda gannatu xi modo ucabitu cada binni. ⁷ Ne de ca ni cázaca qué, ma Tiquico gabini laacabe. Nacabe ti bichidu ni nadxiidu, ni runinedu dxiiña ni zuhua dxiichi, ne nacanebe laadu ni runi dxiiña sin guiaxa xti xpixuaanadu. ⁸ Naa biseenda laabe ra nuu tu para ndi', ti ma ganda laatu gannatu de ca ni cazaacadu, ne zaqueca para que Cristu cu xtipa ladxido' to. ⁹ Naa biseendania laabe Onésimo, bichidu ni zuhua dxichi ne ni nadxiidu, ni naca tobi de laatu. Laacabe sabicabe laatu de guira ni ma bizaaca rari'. ¹⁰ Aristarco, ni daguayuaa nia, cuseenda xtiúxitu, zaca casi ca Marcos, xprimu Bernabé(ni gudxi laatu xi gunitu; pa guedandabe ra nuu tu, la icaa laabe), ¹¹ ne zaqueca Jesús ni rabicabe laa Ni Nachahui. Ca ndi si ni biruugu ti nda bela ladi (ni naca Judíu) nga ni cayuni ne naa dxiiña para lu guenda runi mandar xti Diuxi. Laacabe ma gucacabe ni rugatadxi ladxidua. ¹² Epafras cuseenda xtiúxitu. Laabe nacabe tobi de laatu ne ni runi xiiña Jesucristu. Laabe ridxelazaabe pur laatu ora rini'nebe Diuxi, ti ma guizaa chahui tu ne ganadxichi tu de lu guira ni racaladxi Diuxi. ¹³ Purti naa pia' ma biiya, que laabe ma bi'nibe dxiiña nadipa pur laatu, pur ca ni nuu Laodicea ne pur ca ni nuu Hierápolis. ¹⁴ Lucas, ni rusiaanda guendahuara ni nadxiidu ne Demas cuseenda ca diuxi xti tú. ¹⁵ La gudii xtiúxidu ca hermanu ni nuu Laodicea ne zaqueca Ninfa ne yu'du' ni nuu ralidxibe. ¹⁶ Ora gui'chi di' guiunda ni ladetú, zaqueca guundatu ni ndani yu'du' ni nuu Laodicea ne lagataná que zaqueca laatu gundatu gui'chi' ni ze para Laodicea. ¹⁷ La gabi Arquipo, "Bini tender dxiiña ni Xpixuánanu bidii lii, ti ma ganda gunduxelu ni." ¹⁸ Ne naya pia' cucaa diuxi cuseenda di', Pablu. Laguietenaládxi daguayua. Guendanachahui xti Diuxi chu' ne laatu.