¹ Pablu ti apostol pur ca ni biini mandar Diuxi ni bilaa laanu ne Cristu Jesus ni runi creenu, ² para Timoteu, ti dxandi xhiiñi guenda runi cre': guenda nacha'hui, guenda ria' ne guenda rata dxii xti Diuxi bixhoozenu ne Cristu Jesus señor xtinu. ³ Casi ca gulua gana lii guunu ora ma cha' Macedonia que', bianna dxiichi Éfeso para ganda guni mandarlu cadxi binni cadi gusiidica ti Doctrina adxe'. ⁴ Ninca cadi naquiiñe guizaala'dxitu ca ni rui'si cabe ngueca ra que guiluxhe de cani' cabe tu laa zaacabe. Ndi ruca de que tinde didxa cabe lugar de ñacane cabe ni ma gula'qui Diuxhi, ni naaca pur guenda runi cre'. ⁵ Yanala, ra racaladxi ca guenda runi mandar xti Diuxi chinda ca nga lú ti guenda ranaxhii xti ti ladxido' nayá guie', ti ti guendabiaani cha'hui, ne ti guenda runi cre' ni que ruziguii. ⁶ Caadxi binni ma bixhale ca de ca ndi' para chu' ca lu guenda rui' didxa ni que iquiiñe. ⁷ Laacabe napa cabe gana gaca ni rusiidi ley, peru laacabe que riene cabe ni rini' cabe , o ni laacabe nabe rini' cabe gaca. ⁸ Peru laanu nanna nu de que ley la? lacha'hui ni pa guiquiiñe cabe ni jneza. ⁹ Ne nannadu ndi, de que ley cadi naca di' ni para ca hombre nacha'hui, laga para ca binni ni cadi nu' jneza ne ca ni que ruuna. Para ca binni ni que ria' ca ne ca ni ma bichee. Ne para ca ni que gapa ca Diuxi ne ca que runi respetar ca Diuxi. Naca ni para ca ni ruuti ca bixhoze ca ne jña ca, para ca ni ruti xcadxi. ¹⁰ Para ca binni ni puru rica iqueca' chu'ne ca ni cadi xheela ca', para ca muxe', para ca ni riba'na ca binni para guni ca Esclavu, para ca ni rusiguii, para ca ni cadxi dxandi testigu laaca, ne para guira' ca ni ruca' lu ca Doctrina Cha'hui. ¹¹ Ca ni cayabe laatu di zeeda ca ni de ca diidxa nandxo' xti Diuxi ni naca ndaaya, ni laa biacaa'bi ni naa. ¹² Naa rudie' xquixhe pe Cristu Jesus Xhaiquenu. Laabe bidiibe naa xtipa, ti purti laabe gucua be naa casi ti ni que rixale ne guluube naa lu Serviciu. ¹³ Naa guca tobi hombre bicaa lu xtidxa Diuxi, tobi hombre ni guzaa nanda ne ti hombre nadxaba. Peru gucuaa guenda ria' ti purti naa biine ca ndi sin gána deque que rune cre. ¹⁴ Peru guenda nacha'hui xti Señor bixii ne guenda runi cre ne guenda ranaxhiini naca lu Cristu Jesus. ¹⁵ Dxiidxa di' que ruche' ni, ne naca ni zanda guica binni, de que Cristu beeda ndani guidxi layupara gula' ca ni ma biche', Naa naca ni jmá huache' de laade cabe. ¹⁶ Pur ndi nga na gucuaa guenda nacha'ui, ti ganda luguia'ya, niru do' ganda Cristu gului' guira guenda ribeesa. Laabe biini be ndi casi ti ejemplu, para ca ni chi guni cre' laabe para guenda nabani. ¹⁷ Yana rey xti ca gayua' iza, ni que rati, ni que ruuya cabe, tobi lucha Diuxhi, para laa gaca guira guenda naro' ne guira guenda rusisaca dede guira dxi ne para guira dxi. Saca gaca. ¹⁸ Naa cabaque guenda runi mandar di luguia lu, Timoteu, xiiñe. Cayune ca ndi casi ca' lu ca profecia, ni guca ca dede ante, ni cani' ca de lii, ti saca ganda lii guizaa ladxi piou' guenda ridinde ni nachaahui di. ¹⁹ Biini ca ndi para saca ganda gapa lu guenda runi cre ne ti guendabiaani ni nacha'hui. Xtale binni bicaa na ndi', ne huaza renda cabe casi lu nisa do' de lu guenda runi cre di. ²⁰ Casi Himeneo ne Alejandru, ca ni naa bidie laaca binidxaba para ganda iziidi ca que uca' lu ca Diuxhi.