¹ Xiiñe ca', cucaa candi para que gucheetu. peru pa cuu tu guchee napanu tu guini' por laanu nezaluu bixhozenu Jesucristo, ni nachaahui. ² Jesús gudixe neza luu Diuxi para goxhia caenda iucheenu, ne cadi sti si nu, ne sti guidubi guidxilayyu. ³ Ne ndi nananu runibiaanu laabe: por guninu ca ni biseendabe gaca'. ⁴ Ni rini':" Ropebiaaya Diuxi", peru que runi ni runi mandar Diuxi, nacabe tini rusiguii, ne gastidi' dxandi ne laa. ⁵ Peru tu gusabe' xtiidxabe, dxandipe', nga nga ni ma zuhuaa chaahui lu guenda ranaxhii sti Dios. Ne por ndi la, nannanu de que naca nebe Diuxi tobi si. ⁶ Ni naa naca tobi si ne Diuxi naquiiñe saa casi guzaa Jesucristo. ⁷ Ni nadxiee ca', cadi cucaa dia' ti ni naa Diuxi gunitu nacubi para laatu, sino que tobi ni maca caa, ne maca napatu de dxi bizulu guiraa. Ni naa Diuxi gunitu maca caa, nga nga diidxa' ma binadiaga tu. ⁸ Peru, cucaa stobi nacubi ni gunitu, ni naca dxandi' lu cristu ne luutu, purti enda nacahui ma cadiidi' ne dxandipe biaani ma cuzaani'. ⁹ Ni naa nuu lu biaani ne nanalaadxi bi' chi', nuuru ra nacahui. ¹⁰ Ni ranaxhii bi' chi' nuu lu biaani, que zanda di' guirenda ñee. ¹¹ Peru ni nanalaadxi bi' chi' nuu ra nacahui ne canaza lu nacahui; que ganna di' ra chee, purti enda nacahui que ma hichii lu. ¹² Cucaa para laatu, ca xiine ni nadxiie, purti guenda ruchee tu ma bixia pur labe. ¹³ Cucaa para laatu, ca ni ma napa xiiñi', purti ma runibiaatu xha ni maca nuu dede ora bizulu guirani, cucaa para laatu, badunguiuu ca' purti ma gulaquidxitu binidxaba. Cucaa para laatu, xcuidi huiini ca' purti laatu runibiaatu Diuxi. ¹⁴ Cucaa para laatu, ca ni ma napa xiiñi', purti ma runibiaatu xha ni maca nuu de ora bizulu guirani. Cucaa para laatu, badunguiuu ca', purti laatu nadipa tu, ne xtiidxa Diuxi nuune laatu. ne purti ma gulaquidxitu binidxaba. ¹⁵ Cadi ganaxhiitu guidxilayu, ne cadi ganaxhiitu ni nuu ndaani guidxilayu. Pa chuu tu ganaxhii gudxilayu, guenda ranaxhii Diuxi gastidi' ne laabe. ¹⁶ Purti guiraa ni nuu ndaani guidxilayu, ni riu laadxi binni, ni riuu laadxi ni ruuya, ne enda rucha' enda naro' pur napa de guiraa, cadi sti bixozenuni, sinu sti guidxilayu. ¹⁷ Guidxilayu ne guiraa ni napa cabe gana ca, cunitu luu cani. Peru ni runi ni naa Diuxi que zaluxe guendanabani sti'. ¹⁸ Xcuidi huiinica', ma yaaca ibigueta Diuxi, casi ca binadiagatu zeeda ni rucaalu Cristo yana ma stale ni rucaalu Cristo ma beeda. Nga nga runi ma nannanu ma yaaca ibigueta Jesús. ¹⁹ Laacabe bireecabe de lade nu, pero cadi de laadinu laacabe, purti pa ñaca cabe de laanu, ñananecabe laanu. Peru ora bireecabe, biluii cabe de que cadi de laadinu laacabe. ²⁰ Peru laatu ma gulii Espiritu Santo laatu, ne guiratu runibiaatu dxandi'. ²¹ Cadi bicacidia para laatu purti que runibiaatu dxandi' si nu purti laatu runi biaa tu ni, ne purti nin ti guenda' rusiguii que zaanda gacani ni dxandi'. ²² ¿Tuunga ni rusiguii, ñee cadi ni rinii de que cadi Jesús nga Cristu la? Laa nga naca ni rucaalu Cristu, purti riniibe cadi dxandi' Diuxi ne xiiñi'. ²³ Guiruti ni rinii cadi dxxandi' xiiñi Diuxi, nuu ne Diuxi. Ni guicaa xiiñi Duxi, laca nacane Diuxi tobi si. ²⁴ Yana laatui la gudii de guiraa ni binadiagatu de dxi bizulu di' guiaananine laatu la laca zabaninetu xiiñi Diuxi ne Diuxi. ²⁵ Ndi nga ni gudxibe laanu zudiibe laanu: guendanabini que zaluxe. ²⁶ Bicaa guiraa ndi' para laatu de ca ni ñanda niguite laatu. ²⁷ Yana laatu, ndaaya guluu Jesus laatu que nuuruni ne laatu, ne dadi caquiiñe tu chuu tu gusiidi laatu. Peru ndaauya be rusidi guirani laatu, dxandini ne cadi guenda rusiguii ni' ne casi bisiidibe laatu, lagaca ne laabe tobi si. ²⁸ Yana, ca xiiñe ni daxiee lagacane' laabe tobi si, para ora guihuinibe, ganda guluinu enda nadxibalu ne cadi enda rutui lu ora ma gueedabe. ²⁹ Pa laatu nanatu Jesús nacha' ui nanatu guiraa ni guni neeza ma gule de laabe.