¹ Raca ladxe´ ganatu, biché cá, ca bixoze nu udi´dica xhaguete za sti Diuxi qué, ne udi´ di cas nisadó´. ² Guiaá ca be ulu nisa Moise lu zaa ne lu nisado´, ³ Ne guirá xhixé cabe udo cabe endaro cha´hui xtí diuxhi. ⁴ Ne guira´a cabe güé cabe nisa cha´hui purti´ ucua´acabe ti guie xti Diuxhi ni uza´ nanda laa´cabe, ne guiecala naca ni cristu. ⁵ Peru Diuxi cadi guyuladxi di´bé ne xtale de la cabé, Nge runi binitilu´cabe lu desiertu. ⁶ Yanna, ira ni biza´aca cabe que naca ni ejemplu para laanu, tí cadi chu´la dxi nu ni cadi xneza, casi bi ni´ cabe la ca bé. ⁷ Cadi usisca tu bidó´, casi uca´ca´adxi de la´acabe . Zicarínga ná lú xquiichibe: "GURI CA BINNI QUE URÍ CÁ PARA GO CA NE GUE´CA, NE BIÁSA CA PARA SI QUITÉ CÁ". ⁸ Ne cadi chu´ne nu gunaa, casi bi´ ni xta´le de laacabe, ne ti dxi si guti gande bixhipa´bnuu chona lu runi la´acabe. ⁹ Nincá uyubi nu uché ne nu Diuxhi, casi bi ni cadxi de laacabe ne biquiichi beenda laaca guti cá. ¹⁰ Ne nge runi cadi quiche ruaa tu casi xtale de la´aca´ bínicá ne bilusheca lu na Ángel de guenda guti. ¹¹ Ya na ndinga ni biza´aca cabe para Izídinu iduyanu laanu. Ucuani para isidinu laanu ni ma sedanda yuba guiluxe dxi xtinú. ¹² Nga runi ca ni ná ma zuhuaa chaachui guuya que guiaba ca. ¹³ Nin ti guendaruquíinde que huayeeda ra nuutú ni que raca ndaani guidxilayú peru xneza nga runi Diuxhi. Que zudíibe lugar gueeda uquinde xixa luguia´ tu ni que zanda gua tu. Ne guendaruquíinda, ca´zacanébe laatu ire´etu ora ma idxiña tu ni, ti ganda guá tu ni . ¹⁴ Nga runi binni ni nadxieé la guxooñe de guenda runicré bidó. ¹⁵ Na´a canie niá la´atu casi binni ni nu xpiani para que saca ganatu xi canié. ¹⁶ Ne vasu ndaaya´ ni la´ayunú ¿Cadi ridé nenu xtobi de lu rinni stí Cristu la? Ne pan ni rinda´anu ca ¿cadi canda´anuni de lu xcuerpo Cristu la? ¹⁷ Ya que xa nu´u ti pan sí, laanu, guiranu sta´le nú, peru nacanu tobisí ne Cristo. Ne deguiranu ulúnanu lu pan qué. ¹⁸ laguuya cá xpini Israe: ¿ca di lacabe nga rocabe ni rica´a diudxi, Ne laaca lacabe ricabe de lu ni rata para Diuxhi.? ¹⁹ ¿Yana yá xhi canie? ¿Ti bido naca xiixa? ¿O enda ro ni raata´ lu vido´ naca ni xíixala? ²⁰ Sinuque ndi nga ni cayabe laatu de ca xixá riguixhe ca binni ni runi cré bidó xtica´la cadi cusiga de di cabe ni Diuxhi, sinuque cusiga´ de cabe ni ca binidxaba. ¡Naa que rocaladxé dia´ gaca tu tobi si ne binidxaba´! ²¹ Que zanda di gue tu ruua copa sti Señor ne copa sti ca binidxaba. laatu que zanda dí cui tu ruaá mexa stu Señor ne ruua Mexa sti ca binidxaba´. ²² ¿O suni nu la nu pur idxichine shaique xtinu laanu la? ¿Jma nadipanu que laabe? ²³ Guírani sanda guninu, peru cadi guirani riquíñeni pura laanú. Libre binni guni intíisí, perú cadi ira ni zacané binni iníisi lu xtiidxa´ Diuxhi. ²⁴ Cadi naabinu paraá la´asinu ni xneza. Cada tovi de la´anu naquiiñe´ ayubinu ni xneza para xtobi. ²⁵ La´atu zandá go´toira ni cado´o ndáaní luguiaa sin inaba´ di´idxa tu. ²⁶ Purti "IXTL SEÑOR DUBI NACA GUIDXILAYÚ NE IRÁ NI NU´U NDA´ANI NI". ²⁷ Ne pa guni invitar tobi ni qué runi cre Diuxhi lii li endaró, ine gapu gana chélu´, intiisi uzuhuaa cabe lú gudó, sin inaba diidxa lu xiixa de laani. ²⁸ Peru pa chu´ tuuxa gabi lii: "Ma gúta endaró dí lu bidó", ma cadi go dioú ní. Pur ni guoxi ni lii que ti cadi uchenda ni laabe. ²⁹ Ne cadi caniedia ni nana de lii, laga canie ni ná xpiani xtobi.¿Xhiñe pa intísi sanda gune xtobi guuya´ pa bias, cayuno pue? ³⁰ Pa na cayah´ua guendaro ni ma guyuu ndaaya ¿Xhiñe´e rigudiicabe naa pur guendaro ni ma guyuu ndaya pue? ³¹ Ne nga runi, pá goo to o pa gué tu, o inticasi gunitu, laguni ira´ni para usisacatu Diuxhi. ³² Cadi gunitu gastí, ni uchenda ca Judíu ninca ca Griego, nin cá ca xpinni Diuxhi. ³³ Naa ruyube´ chu´ ladxi de guirá lu guiraa ni rune´ ni acane naa sia, sinu que ni acane ira ca binni ca. Rune ca nai para ilaa ira cabe.