¹ Nejjata petüpae kujinae Moisés, Dioso pija jivitanü, Dioso baruküeküe jui Josué Num pejjünato, Moisés pija jiwitanü jumaitsi: ² "Moisés, taja jivitanü, tüpa nejjata nejjam nanatapunare, nikabare Jordán mene, jjamü yajawa pa tomara Jjanü (Dioso) rajutanjü, Israel monae. ³ Jjanü karajutatsi dajjita nakua, jjuaya najetanukaename, karajutatsi jjamü, pokuenia Moisés jjanü rajutajü. ⁴ Tajetabo petsivaja nacúa, Líbano ata, jabawelia Éufrates mene jawabereka dajjita ira hitita yajawa Mediterráneo manuanene, jota juamento Icotía jünüa jota, kopia werewekaena, nija nakua tsane. ⁵ Itsa jiwiyo apo kawajünae kapanepae tsane, dajjita matakabi ne ponapáme épato. Jjanü jjamüta ekai-najü, pakuenia yajawa Moisés. Apo kajuabi-tsi tsane, apo kakopatsitsanetsi. ⁶ Asaümüre yajawa aitatsakámüre. Jjamü itsimu tsane pa monae pejjainae nejja ira jjüa janü jumaitsinu nija salinaimi rajutsienajü. ⁷ Asaümüre pepo aitatsakamüre. Jüme kowünüre dajjita Moisés pija peitorobijawa bajüto, putsa wekua namujju pjétame nekujua jabelia, netsaweno jawabelia, nobia pónare, nejjata kaejiwi ata apo paka amoneyabitsane. ⁸ Dajjita matakabianü paebianame pa peitorobijawabajjuto, jjua jumaitsi. Jamatabu na ponaponaename matakabi, merewi, nejum kowünütsinejja bitsojjua yakinaruta, nejjata barüyamü tsaponae. ⁹ ¿Bajara pakuenia apo tajja ka itorobatsi? ¡Asoumure aita tsakamüre! Pütsa junáwame. Pütsa pjaepjaename. Dioso kayajawa, belia póname. ¹⁰ Nejjata Josué jumeitsi, pieja tomara peitorobinutsi pena mata kajinae wonopaewi. ¹¹ "Pa ponare tomarabelia paitórobare dajjita jiwi: 'Jjanewaetsiana pe jjaejawa, tsipaji akueyabi pa matakabi beje, panikabianame Jordán jawa pajoneremelia panija ira tsane jjua Dioso paka rajuta." ¹² Rubenita monae, gaditas monae, Manasés yawajunu epatua monae, Josué jumaitsi: ¹³ "Pa najamatabüna pirejjua jumeitsi Moisés, Dioso pija jiwitonüjjua jjumeitsi, pakujjinae jumaitsi: Waja Dioso paka rajutsijitsia péjana ira pane jinawonopae nejja kae jawata.' ¹⁴ Pa nieja peti riewi, panejji, nieja baka yawaja nuwenaina pa irata Moisés rajuta Jordán jawa wereka. Beitsi jawe beibíjiwi nakaetiotosiena jayawa neyapijiwi peyowenenonae neja itsa panabisautame, ¹⁵ Dioso perajutsi jawabelia pa pejana ira waja jinawanapea, nejja jae jawata, Paküenia pajjamu pajjainame ita, Dioso paka rajuta. Nejjata pajjanu pa nawiebiename pa nija irabelia pane jjanewaitsi nejja. Pa ira Moisés, Dioso pija jiwitonu, paka rajuta Jordán mujjuneneta, wetsina pitsapa ikotia. ¹⁶ Jumaitsi tsi Josué pakuenia: "Jjua pa ne jumatsimu pa itsinu-tsane, belia pane itorobame, pa ponaenajü. ¹⁷ Paka jumekowunutsienatsi pakuenia jume kowünuta Moisés. ¹⁸ Pajiwiyo apo ka jume kowunutsitsane jjua itorobame, itsa apo kajumekukowunutsitsane tüpaena. Saya asaümure yajawa aitatsakamüre. "