¹ kermanotak, ay bu'ts ko'tan ta skanbel Dios te yakuk staik kolelik te Israeltike. ² Yu'un jo'on te ya kalbeyex ta stojol te ja'ik te ya slabanik te Dioese, sok te ma junuk'nax te snop'ijibal yu'unike. ³ Yu'un ma ko't ta yoitanik te mantalil yu'un te Diose, te yantike ya sku'y sbaik ta toj. ma ba la yich'ik ta mu'k te mantulil te yu'un te Dioes ⁴ Te Cristoe ja' ta swenta te ch'iknajte mantaleli tike ya staik xku'ch lejal te mach'atik ya chu'unike ⁵ te Moises la tsi'buy jilel sko'plal te mach'a ya xtal ta stojolte mantalile: "Te winik te ya spas te likil 'telil ta stojol te mantalile, jich me ya xkuxin ta swenta te lekil a' telile. ⁶ te lekil a'telil te ya xtalta bay ch'unjel oit'anile jich la yal: ma me xawal ta awo'tan: ¿mach'a me te ya xmo beel ta ch'ulchane? (ja'ito mach'a ya xju ya yik ko el tel te Cristoe) ⁷ te ma jichuk ya yal: '¿mach'a me te ya xko beel ta bay te xaabe? (ja'ito ya yik moel te Cristo te bay te a el maeletike .) ⁸ ja'uk meto, ¿belik ya yal? "te sk'op Diose nopol ayix ta atojol, ayix ta awe sok ayix ta awo'tan." ja'sk'op te xch'unj el o'tanile te yakotik ta yalele ⁹ te jich jamal ya awal ta awei te te Jesuse, ja' kawaltik, sok te ya ch'uun ta wot'an te ja'nix Dios la xch' akuxes tel ta bay te animaeletik te Jesuse, jich me ya xkolex. ¹⁰ melel sok yo'tan te winik te ya jchu'un ta swenta yu'un jich toj ya x'ilot sok jamal ya kaltik te kejtik te kolemotikixe. ¹¹ Te jich ts'ibubil jilel.' spisil mach'a ja' ya xch'uun te Cristoe ma sta k'exlal st'ukel." ¹² melel ma yanuk sk'oplalik te Judioetike sok te grik'oetike. melel jun naxte awalik yu'un ta spisilike, sok k'ulej ya xk'ut ta spisilik te mach'a ya ch'uunej ¹³ melel " spisil te mach'a ya yalbey wokol jta sbiil te kawaltike ya xkolik. ¹⁴ ¿Bit'it ya ch'uunik te kajwaltik, te bit'il ma ta bay ya yojik-stojole? ¿bit'il ya yaiyik stojol teme ma'yuk mach'a ya xchobot yu'une? ¹⁵ ¿ja'ukmeto bit'il ys ch'olik, te bit'il mato ayuk mach'a ti kunbil yu'une? jich bit'il ts'ibubil ta sjun te Diose: "k'ax jelawen yutsil te yakanik te mach'atik ya xch'olik sok te binax yotanik te ya yalik te beluk leke ¹⁶ ja'uk meto ma spisilukikla yaiyik stojol te lek te yach'il k'ope. Te Isaiase jich' la yal: "kawal, ¿ay bal mach'a la xch'uunix k'uuntik te k'ope? ¹⁷ jich yu'un, te xch'un jel-o'tanile ya me xtalta yayel stojol, sok ta yaiyel stojol tesk'op te Cristoe. ¹⁸ Te jo'one jich ya kal: "¿ yu'un bal ma la yaiyik stojol? jla, melel jich la yalel te sjun Diose:" te sk'opike albilix ta spamal k'inal sok te sk'ope k'oyix k'alal to ta slajibal te balumilale." ¹⁹ sok ya me kal xan: "¿ yu'un ma ba la snaj stojol te sraeletike?" melel ja' sbabial te Moisese te la yal: "jo'on ya kak jajch'uk sbik'tal yo' tanik te ants. winike te ma ja'uk te muk'ul lume. ta swenta jpam lum te ma'yuk sbijil yo'tanike, jo'on ya kak' jajch'uk te yilimbaik; ²⁰ jich yu'un te Isaiase jamal la yal: "la staonikix te mach'atik ma la sleonike. jo'on ch'iknajonix ta stojolik te mach'atik ma ma sjok'iyunike. ²¹ Te Israeletike jich albotik: sjunal k' aal bechel jk'abeta yik'el te ants-winik te k'axintay sok te toy ba-oitane.