¹ K’alal yakalik noptsajeltel ta Jerusalen jich k’otik ta Betfague sok ta Betania, sok nix ta wits olivo, te Jesus la stikumbel cha tul te nopajeletik yu’une, ² jich la yalbey: baanik ta ch’in lum te yakotik stael ilele, teme ochatik lea, ya ataik kojt ch’in buro te chukul sok te ma bajyich’o kajtibinele, nitaik tel leto. ³ Teme hay mach’a ya sojk’ibatik: ¿bistu’uk jich ya apasik?, albeyaik: “te Kajwaltik ya xtu’un yu’un, ta patil ya me sujtesbatel”, xiat meto, xi te Jesuse. ⁴ 4 Bajt’ik, jich nix k’o staik te ch’in buro, tey chukula te banti ti be, nopol ta ti nai. ⁵ Jich la yich’ik jokibel yu’un te mach’a tik lea: “¿bistu’uk awu’unik te ch’in buroe?- xiik. ⁶ Te nopajeletik, jich la yalik te bit’il albotik yu’un te Jesuse, jich la yik’ik tel te buroe. ⁷ La yikik bael te ch’in buro eta stojol te Jesuse, la slimbeyik te sk’u spak’ik ta spat, jich mo skajtibin te Jesuse, ⁸ sok bayal mach’atik la slimik sk’u spak’ik ta be, ay yantik te la sbojiktel yabenal teetik. ⁹ Te mach’atik neel yakalik te beel sok te mach’atik patil ayik, yakik ta aw: ¡bayal awutsilal!, ¡binax yutsil te mach’a tal ta stojol te kajwaltike Diose. ¹⁰ ¡Bi nax yutsil te ajwalinel yu’un te stsumbal te jtatik David, te yakix ta talele! ¡jelawem yutsilal te mach’a ay ta ch’ulchane!- xiik ta aw. ¹¹ Och’ bael ta Jerusalen te Jesuse sok och’ bael ta Templo. K’alal la jyot’an ta yilel sjoyobal sok bot’ik ay ta yutil te temploe, sok malixa, sujt bael ta Betania sok te lajchatul nopajeletik yu’une. ¹² Ta yan k’aal lokik tel ta Betania, la yay winal te Jesuse. ¹³ Namal to la yil pejt higo té ayix yabenale, ba yil teme ayix sit, k’alal k’ot lea, mayuk la stabey sit, janax yabenal, yu’un mato yorailuk te ya sitine. ¹⁴ Te Jesus ya yalbey te higo té: “Ma me ayuk bi ora mach’a ya slobat a sit”- La yalbey. Te nopajeletik la yayik stojol te bina la yalbey te higo té. ¹⁵ K’otik ta Jerusalen, te Jesus och’ bael ta Templo, jich jach ta stenel lok’el te mach’atik yakalik ta chombajel sok te yakalik ta mambajel lea ta ba yutil te templo. Jach’ sbotk’inbey smesaik te jel tak’inetike, sok la sbotk’imbey snaktijibik te mach’atik yakalik ta xchonel tsumutetik. ¹⁶ Sok ma la yakix te ya xkaxik sok sbilukik te ants winik te yot’an ya xochik ta yutil te temploe. ¹⁷ Jich te Jesuse jach ta bijubteswanej: ¿Ma bal jichuk tsibubil tas jun te Diose: “Te jna, ja sbiil ya xk’ot: Snail sk’oponel Dios yu’un spisil te lumetike?- te xie. “ Ja’uk me to, te jaexe la ak’atbunikix ta snail elek’etik”. ¹⁸ Te wolwanejetik sacerdotetik sok te ts’ibojemetik la yayik stojol sok kaj sleik bi ut’il ya smilik, melel la xi’ik te Jesuse ta skaj te bit’il te ants winik chajbnax la yayik te jbijubtesel yu’une. ¹⁹ K’alal yakix ta ijk’ubel te k’inale, te Jesuse sok te nopajeletik yu’une la yik’itayik jilel te muk’ul lume. ²⁰ Ta sab ta yan K’alil, k’axik le a t aba te higo té, la yilik te takejemix k’alal ta yisim. ²¹ Te Pedroe, oxtaj tel ta stojol te Jesuse, la yalbey: ¿Maestro, ilawil te higo-té, te la bol k’optey, takejemix!- xi te Pedroe. ²² La sut te Jesuse:- “Ak’a Xch’unjel awot’anik ta stojol te Diose. ²³ Jamal ya jkalbeyex, teme ya awalbey in wits to: “k’ejaba bael, ch’ojaba ochel ta mar”- Te ya a walbey sok xch’unjel awot’an sok te m aba chebetuk awot’an; jich ya xk’ot ta pasel. ²⁴ Ja yu’un ya jkalbeyex, spisil te bila ya ak’anike ta sk’oponel te Diose, ch’unaik te ya x-ak’botexe. ²⁵ K’alal ya x-jach’ex ta sk’oponel te Diose, ya me sk’an ya apasbeyik perdón te me ay bi spasobeyex te yane, jich’ me ya spasbeyex perdón yu’un a mulik te jtatik Dios te ay ta ch’ulchane. ²⁶ Yan teme ma ba ya apasik perdón, ja nix jich te jtatik Dios te ay ta ch’ulchane, maba ya spasbeyex perdón yu’un amulikuk. ²⁷ Ch’a sujt’iktel ta Jerusalen. Jich yu’un te Jesuse yak’ ta beel ta yutil te temploe, te wolwanej sacerdotetik, te escribaetik sok te wolwanejetik mamaletik, oxtajiktel ta stojol te Jesuse. ²⁸ La yalbeyik te Jesuse: “¿Banti la wich a wat’el ta spasel in to? Sok ¿mach’a la yak’bat a wat’el?” ²⁹ Jesus la yalbey: Ya jok’ibeyex u’uk. Teme ya a walbonike jich me ya kalbeyex u’uk te bantik sok mach’a la yak’ bon kat’el ta spasel in to. ³⁰ Te ich’ já te la yak’ te Juan ak’ ich’ jáe, “¿mantal bal talem ta ch’ulchan o yu’un ants winik?- Albonik kay.” ³¹ Jich’ jach sjok’ibey sbaik sokjach’ slebeyik yayejul: “ Teme ya jkaltik te mantal talem ta ch’uchane, ya me sut’esbotik: ¿bistuk ma la k’an a ch’uinik jiche? ³² Teme ya k’altik: ¿ ja mantal yu’un te ants winike?, ja me xitik te lume, yu’un ay ta yot’anik te mantal yu’un Dios ta ch’ulchan te la yak’ ich’ ja te Juan ak’ ich’ jae. ³³ Jich yu’un la yalbeyik te Jesuse: “ Ma jnatikuk’.” Te Jesus la sut’: “ jichonok ma stak ya kalbeyex te mach’a sok banti la jtat tel te jkatel te jich’ ya jpasej