¹ Te Jesús la yiki'tey jilel slumil Judea sok bat banti spamal k'inal te muk'ul ja yu'un Jordán jich te ants winiketike la yilik ta yan buelta teJesuse. Te Jesuse yak ta nopexwane yam bueltataxa, jich nix te biti k'ayem ta spasele. ² Te Fariseotike la yilik te Jesuse jich bajtik yil beyik yot'an, jich la sojk'ibeyikito:"¿Mulil bal te tul winik te nubinemix ya yijtey te yiname? ³ Te Jesús jich la yal ¿bek mantalil la yalbeyex jilel te Moisese? ⁴ Te Fariseotike jich la yalikito te Moisese la yak te winik ya ts'ibubey sunal ja yu'un te ya stak' yik'itey te yiname ⁵ "Ta skaj yu'un te stulanilil te yo'lanike ja yu'un la stibuye te mantalile", jich la yal te Jesuse. ⁶ Ta xjajch'ibal k'alal te Diose la spas spisil te bitik aye "Te Diose la spas te winik sok te antse. ⁷ Ja te yu'un te ya yijk'itey jilel te sme' state te winike. Jich ya yiksba sok te yiname. ⁸ Sok junaxme sbak'etalik yax k'otik. ⁹ Jich yu'un, te mach'a junax la yak'ix te Diose ni taluk ants winik ya me xu yu'un yax xtuc, te bila la snub te Dios. ¹⁰ K'alal ha yik ta jun naj, sok te disipuloetike la sok'ibeyik ta yambuelta. ¹¹ Te Jesuse jich la yal "Te machatik ya yij'itey jitel te yiname jich yax bat ta ta nubinel sok yan antse ya sta smul ta stojol te sba antse. ¹² Ja nix jich' te antse te macha ja yijk'tey jilel te smamlale yax sbat ta nubinel sok yan winike ya sta smul ta stojol te sba smamlale. ¹³ Jich la yik'iktel te aletike ta stojol te Jesuse ja yu'un yax stak' yi chi'k pikela te aletike, yu'un te Jesuse janax bi te nopojeletik laj skomik. ¹⁴ K'alal la yil te Jesús te belak k'ot ta spasele ma lekuk la yay, te Jesuse jich la yalito: ak'aik tel k'axel te chi'n aletike ma'xa komik, melel te machatik jich yotanik te bitil chi'n aletiktoe ja me' yax ochik ta awalinel soki'k. ¹⁵ Jamal ya kalbeyex, te macha ma ya jich bey te ajwalinel yu'un te Diose jich te bitil tul chi'n alale ma xu yu'un x-och ta stojol te Jesuse. ¹⁶ Jich yu'un te Jesuse la spet te chi'n aletike k'alal te spetilejeya te Jesus laj skajan sk'ab ta solik te chi'n aleletike. ¹⁷ k'alal ka xan ta beel te Jesús, tal ta alimal tul winik la skejansba ta stojol, jich la sjok'ibey: Maestro te lek'at ja tukele, ¿Bila lek ya jpas swenta yu'un ya xkuxinon sbajt'el k'inal?" ¹⁸ Jesus la yal:"¿Bistuk te ja walbon te lek'one? Mayuk mach'a lek janax te DIos. ¹⁹ Ya bal ja na beiy sba te mandaliletike: Ma me ja way milaw, ma me x'a waiy mulwej ma me x'awaiy elek', ma me xle wanat ta k'op, ma me x'awaiy la'laywanej, sok ich'a ata muk' te ami-atate" ²⁰ Te winike la yal:"Maestro, spisil te mandaliletik ch'uunoj spasel te ch'iel keremona. ²¹ Te Jesús la yil k'ux la yaiy ta yo'tan. Jich la yalbey: "Ay xan Chap sk'an ja wuun, ya me sk'an te ja chon spisil te bek ay ja' wuun sok ya ja wak'beiy te mebaetike jich me ay ja k'ulejal ta chulchann lame, much'ame won xi." ²² Jich yu'un te winike ch'ebaj yo'tan yu'un te bek' la yich albeel; la smel yo'tan sujt'el yu'un bayal bila ay yu'un. ²³ Te Jesús la yil ta suyabal, jich la yalbey te nopojeletik yu'un: "¡Mero tulan ya yayik te mach'atik k'ulejtik te ya x-ochik ta stojol te awalinel yu'un te Dios!" ²⁴ Te nopojeletike ya nax la yayika te sk'ope. Jich la yal yanbuelta te Jesús:"Alaletik, ¡Mero wokol yax och'ik ta stojol te awalinel yu'un te Dios! ²⁵ Ja buelta nax yax k'ax k'ot camello ta bay jutul yu'un ts'isnajebal te ya x-och' tul k'ulej ta bay te awalinel yu'un te Dios." ²⁶ Ja'uk me to mero cham nax la yayik yu'un te bek la yale, jich yak'alik yalbey sbaik ¿Mach'ame yax k'ol?" ²⁷ La yich'ik ilel yu'un te Jesús, jich la yal:"Te ants-winike ma xuyun, yan te Dios ya xuyun stukel. Melel spisil yaj stak' spas te Dios. ²⁸ Te Pedro ka yalbey:¡Lawil te jo-otik spisil la kik'itetik, la jt'untikat!. ²⁹ Te Jesús la yal: Ja mal ya k'albeyex mayuk much'a te yik'iteyoj snaj, sbankil, yich'in, sme'-stat, aletik slum sk'inal, yu'un ta wenta sok yu'un te lek' yach'il k'op, ³⁰ te mach'a ma yich jo'winik yu'un te balumilale: snaj, sbankiltak, swistak, sme' aletik, sok slum kínal, ta swenta nut'sel ta skeuenta te bek yax tal sok ta kuxinel sbat'el kinal. ³¹ Ja' yu'un bayal mach'a te neel ayik, ja me patil yax k'otik, te mach'a ayik ta patil, ja me ne el yex k'otik." ³² Yakalik ta beel moel ta bay Jesusalen, ja neelbela te Jesús. Te nopojeletik ch'ab nax kinal ya yik', te mach'a snuchojik ta k'ejelto te xiwika. Ta yanbuelta te Jesús la yik'bel ta k'ejel te lajch'eb nopojeletik yu'une, jich kaj yalbey te bek yax k'ot ta pasel ta stojol. ³³ "Ilawil, te jo'otike ya me smootikbel ta Jerusalen, te snich'an te winike ya me yich' ak'el ta k'abal ta stojol te awaliletik yu ún te sacerdoteetike sok te ts'ibuwanejetik ja'ik me ya yak'ik ta lajel sok ya me yich'ak'el ta stojol te yan lume. ³⁴ Ya me slabanik, ya me stubteyik ya me smajik sok ya me smilik ja'uk meto ta yoxebalan k'al ya me xajch'tel. ³⁵ Jacob sok te Juan, snich'antak yu'un te Zebedeo, la yilik te Jesús jich la yalbeyik:"Maestro, ya jk'antik te chikan belak ja pas ta jtojoltik te belak ya jkantike". ³⁶ La yal te Jesús:"¿Beka k'anik te ya stak' jpasbeyex ta tojolik? ³⁷ Jich la yalik: ak'awotik xchojt'ajotik sokat ta ja wutsilal, jun ta ja swel ja k'ab sok ta k'exen jak'ab. ³⁸ Jich te Jesús la sut: "ja'atik te ma' a naik te beluk yakatik sk'anele". ¿Ja te ja'atik ya xu' ja winik te ya wuch'ik te copa te nopal ya jkech'e, sok ya xu'ja wu'unik te ich'ja' te nopol ya jkich'e? ³⁹ Jich te Juan sok te Jacobo la yalik:"ya xukuntik"Jesús la yal:"Te copa te ya jkuch'e, ya ja wuch'kuk sok te ich'ja' te ya jkich'e, jich te ja'atikuke ya wich'i te ja'uke. ⁴⁰ Jich, mach'a ya xchojt'a ta jwuel jk'ab sok ta jk'exen jk'ab ma ja'uk ku'un ya jkak', melel ja' nax mach'a te xchajbanos bae. ⁴¹ Jich te yantik lajune'b jnopojeletik yu'un te Jesús la yayik stojol te beluk yakik yalale te Juan sok te Jacobo ta stojol te Jesús, jich kajik lik'elsolik sok te Juan sok Jacobo. ⁴² Jich te Jesús la yik' te jnopojeletik yu'un ta ba'ay, jich la yal:ja te ja'atik ya na'ik te ya yak'sbaik ich'el ta muk' ta slum alwanejetik sok te mach'itik kjal ayike tulan yax mantalajik ta stojol te mukúl lum. ⁴³ Jich te wentaik ma'jichuk jix k'ot pasel. Te mach'a ya skan muk'i xk'ot ta tojolike, jich ya sk'an xch'un spisil mantalil, ⁴⁴ yan ts'i te mach'a ya sk'an yic' ich'el ta muk' ta tojolike, ak'a me yak'sbanik abtintesel ta stejk'el te ans-winiketike. ⁴⁵ Jich te snich'an te winike ma' tal ta ch'umbel, melel ja' tal ta xch'un te mantilil, sok tal yak' xkuxinel yu'un te xko'la te ans-winiketik. ⁴⁶ Jich k'otik ta lum Jericó. Te k'alal Jesús lok' bael ta Jericó sok te jnopojel yu'une, sok bayal ans-winiketik, jich te snich'an te Timeo, te sbi- il Bartimeo, tul ma' sit te ya sk'an tak'in, chotola ta jun nopol be. ⁴⁷ K'ala la yaystol te ja te Jesús te Nazareno, te ja' yak k'axel ta be, kaj ta aw, jich la yal:¡Jesús, snichán te David, nabon kolilba!. ⁴⁸ Bayal te ans-winiketik la skomik te winik ma' sit, te yakuk xch'aba. Jich ts'i te Bartimeo tulan xan awuna:¡Snich'an David, nabon jkolilba! ⁴⁹ Ja te Jesús com ta be-el jich la yal mantal te yakuk yik'ikte te Bartimeo. Jich la yik'ikte te Bartimeo ma' sit, jich yalbey: ¡Ma xiwat¡ ¡Jach'ante¡ yak yik'belat te Jesús. ⁵⁰ Jich la xchi'ojbe te stsotse, jach'te, jich bajt' ta stojol te Jesús. ⁵¹ Ja' te Jesús la sutbey jich la yalbey: "¿Beka k'an te ya stak' jkolteyate?" Jich te ma' sit Bartimeo la yal:"Rabi, yaj k'an kilix te k'inale." ⁵² Jich te Jesús la yalbey: "Ban. Te ja ch'unjel ja wot'ane skolte yo jatix". Buelta nax la yil te k'inale, jich la snuts bael ta xch'ixil be.