¹ Te Jesuse och' ta barko, k'axbel ta mejch' muk'ul ja , k'ot ta banti slumal. ² Jich, la yik'beyiktel tul winik ta ma stak ya xbe-en metsel ta swaeb La yilbey te xch'unjel yot'anike, te Jesuse la yalbey te chamel winik: " jnich'an, ak'a yip ja wo'tan te ja' mule la yichix pasel perdon" ³ Jich nix , ay cha-oxtultsibujometik te jich la yalbey sbaik; te winik to yak ta bolk'opta wanej." ⁴ Te Jesuse ya sna te beluk snopojik jich la yatilabey: "¿bistuk te beluk amen ja nopojik ta wot'anik? ⁵ ¿Yu-unbal ja ajk'nax te alel: 'Te ja mulike la yichix pasel perdon 'o ja te ya jkaltik: "jajch'an sok benan?' ⁶ Jich me yu'un ya snabesba te nich'anil ay tulan yat'el ta sba te balumila yu-un ya yak perdon yu-un muliletik, la yalbey te mach'a ma stak' xbe-en : jajch'an. jachabe-el te ja waeb, ba-on ta na." ⁷ jich tewinik jach' moel bajt'ta sna. ⁸ Te k'alalla yil te ants winiketik te beluk k'ot ta pasel, yanax layilika jich la yichik ta muk te Diose, yichoj t'ulan yat'el ta skoltayel te ants-winiketik. ⁹ Te k'alal yake te k'axel lea te Jesuse, la yil tul winik Mateo sbi-il, te le nakal te banti ya yik tsobel te stojel te patanetik ya yik tsobel te stojel te patanetik ; jich la yalbey: t'unawon. jah'tel moel jich la st'unbel. ¹⁰ Te K'alal najk'aj te Jeu ta we-el ta bantina, leito ay bayal te mach'atik ya stobik te stojol te patanetik sok te mulawawiletik talik weik sok te Jeus sok te nopojeletik ¹¹ Te K'alal la yilik te fariseotik , la yalbey te nopojeletik: "¿bistuk te Maestro ya sjuin ta we-el te mah'atik ya stsobik stojol te patanetik sok te muluawiletik?" ¹² Te K'alal la yaiy stokol te Jesuse jich la yal: "Te ants-winiketik te te mayuk chamel yich'ojik ma xtu-unix yu-un te poxtay wanej, janax te mac'atik ayik ta ch'amel ya xt-un yu-unik ¹³ Te ja-atike yame sk'an ya napik te beluk ya sk'an yalito: te jo'one ya jk'an xk'uxul ot'anilma jauk te milbil majtanil. 'Te jo-one ja talon yu-un, ma jauk ta jle te mach'atik tojike yu-un ya sut yot'anik ja ta jle te mulawiletik'! ¹⁴ Te nopojeletik yu-un te Juane Talik ta stojol te Jesuse jich la yalik: "bistuk te jo-otike sok te Fariseoetike ajk'a tsinax ya jkomtik jwe-eltik yan te nopojeletik awu-une ma skom swe-elik ¹⁵ Te Jesuse jich la yaltilabey: ¿ya la ba stak' te macha'atikik'bilik ta il nujbinel te ya smel yot'anik teme sjoinej to sbaik sok te winik te ya xnujbine ya xtal sk'alel te ya ya yich k'ejel lok'el ta yolilik te winik te ya xnujbine jich ma ya xjach skom swe-elik. ¹⁶ Mayuk tulukwinik te ya stak spak'antey sok ya ch'il pak' te pokol k'uile yu-un te banti pak'antebile ya xch'ilok'el te banti k'uille jich te banti ch'ieme ya xmuk'ub xan be-el/ ¹⁷ Ma stak te ants-winiketik ya yak'ik yalel ts'usub te yach'iltoe te banti pok'ol snujkel chambalam te tsisbil: teme la spasik jiche , te snujk'lel chamblame ya xch'i, te yalel t'usube ya xmal, jich ya yic jime te snujk'lel chambalame. Jauk meto teme ya yak'ik te yach'il yalel ts'usub ta banti yach'il snujk'lel ch'ambalam pajal ma xbolobik. ¹⁸ Te k'alal jich yak ta yalel te jesuse, tal tul kanan la stinansba ta stojel. jich la yalbey: "Te jkantsi-nich'an lajel to, jauk meto la sok kajana te ak'ob ta stojol, jich ya xkuxin." ¹⁹ Jich jach'tel moel te Jesuse la sjumbel, sok te nopojeletik. ²⁰ jauk meto, ay tul ants te ayiix laj cheb jawil te ma xmajk' texxhamel te ya ile tal ta spat te Jesuse la spikbey te sti-il te sk'ue. ²¹ Yu-un jich la yal ta yotan te antse: "Te yakuk j tabey ta pikel te stil sk'ue, ya xkolon." ²² Te Jesuse la stel sit la yil jich la yalbey: jnich'an ak'beyame yipal; te xch'ujel ja wot'an la skolteyatix."Jich ajk'nax kol te antse. ²³ Te K'alal och'bel te Jeus ta sna te walwanj la yil te mach'atik yakalik ta stijel te amay sok te ants-winiketik tulanax akalik a k'op. ²⁴ Jich albotike: "ba-anik te a lal ach'ixe ma ba lajem wayal nax ." Jaukmeto jajchik ta tse-ej yu-un la slobanik te Jesuse. ²⁵ Te ants-winiketik la yich'ik tenel lok'el ochbel te jesuse la ststakbey sk'ab te alal ach'ixe jiajch'tel moel. ²⁶ Te beluk k'ot ta pasale pujk'bel ta yantik lemetik. ²⁷ Te Jesus yak ta k'axelbel lea ay tal cha tul winiketik te masitetik te t'unotbel yun, yakalik ta aw jich yakalik ta yalel: "! xnich'an David , K'uxtayawotik te jo-otike!" ²⁸ Te K'alal och'bel ta na te Jesuse, te ma sit winiketik talik ta stojol. Te Jesuse la yaltilabey:"¿Te ja-atike ya ba ch'u-unikte ya xu jku-un spaselit?" Jich la sutik: Yak, Kajwal." ²⁹ Jich yu-un te Jesuse la yak sk'ab ta banti sitik jich la yaltilabey: "Pastajuk ta tojolik jich te bit'il xch'unjel ja wot'anik." ³⁰ Jich Jam te sitike. Te Jesuse albotik tulan mantal: "Kante yameabaik te mayuk macha ya sna stojolito. ³¹ Jauk meto te cha tul winiketike bajt'ik la spukik te beluk k'ot ta pasel ta spamal lumetik . ³² Te cha tul winiketik yakalik tel lok'el lea jich ay tul winik te uma, ok och'em puk'u ta yot'an la yik'iktel ta stojol te Jesuse. ³³ Te K'alal la slok'esbey te pukuje, jach' ta k'op te uma winike, te ants-winiketike chamnax la yayik jich la yal: " ¡ Jaito mayukba pastajem jich ta lum Isreal!" ³⁴ Te Fariseotike jich yakalik ta yalel:" ja a swenta te ajwalil yu-un te pukujetike, ya slok'esbel te pukujetike." ³⁵ Te Jesuse bajt ta spisil muk'ul lumetike sok te tsail lumetike. La yaiy p'ijt es wanejta banti sinagogatike, yak ta xcholel te sk'op Kajwaltik te bit'il ay ta ajwalinel ta ch'ulchan,sok yak ta xpotayel spsil beluk k'uxik sok spisil ch'ameletik. ³⁶ Te k'alal la yil te Jesus te ants-winiketik, , la snabey yobolilsba yu-un jich ayik te bit'il ma snaik te beluk spasik sok pejltsajem yot'anik. jichik te bit'il chijetik te mayuk kanantay wanej yu-unike. ³⁷ Jich la yalbey te nopojeletik yu'une: "Ta smelil bayal te k'ajoje, jauk meto mauk yipil te mac'a ya x-atejike. ³⁸ Jich yu-unito k'oponameik te Dios yu-un te kajoje te yakuk stikuntel te at'eletik te banti ay te k'ajoje."