¹ Te jesus jich la yalbey te nopojeletik yu'un: "Ay nanix-a te beluk ya yak'otik ta yalel ta mulil, jauk me to ya me yil swokol te mach'a ya syaleswan ta mulile. ² ;ja' lek te yakuk yich' chakel cha' ta snuk' sok te yakuk yich' ch'ojel ochel ta mare. Ja lek xan ya xk'ot-a te mach'a ya yak' ta mulil tuluk te' mach'a pek'el ayike. ³ ;wik'iluk me ja sitik te ja'exe. Teme ay tuluk ja wermano la sta smule, coma me, sok te me la sujt'es yot'ane, pasbeya me perdon. ⁴ ; Teme la sta smul ta a tojol jukeb buelta ta jun k'aal, sok teme jukeb nix buelta ya xtal ta a tojol ta yalel: 'ya jsut'exix jkot'ana bi' i pasbeya me perdon !" ⁵ ;Te jpuk-k'opetike la yalbeyik te kajwaltike: "esmantesbotik xan te xch'uunjel jkot'antik" ⁶ ;La yal te kajwaltike: te ayuk xch'unjel awot'anik jtebuk te bit'il Sbak' mostaza, te bik'itnaxe, teme la ja walbey jai sicomoro te in to: bula aba lok'el sok tsuna aba ta bay mar ya me xch'umbat te ja mantale. ⁷ :Jaak me to mach'a uk ta tuluk te le ayexa me to, teme ay jun abat awu'un te sujt'ik tel ta wok'lum o ta skanantayel chijetik ta ak'inal ¿ya bal a walbey: lak'ta Ora, naclan sok we'an"? ⁸ ;¿ma ba jichuk ya yalbey ja into: pasbontel jwe'el, sok ak'a ach'ujch'ujt' ta sjuyubal a k'u'sok ya me a ch' umbon ta sk'asesel te jwe'ele sok te jkuch'bajele ja to teme laj kot'ane ua me stak' xwe' uchbajat a tukel, ya me stak' xwe' uchbajat a tukel, ya a wut. ⁹ ;¿Sok ya bal a walbey wokol te awabat yu'un te bit'il la xch'un ta spasel spisil te beluk la a wak'bey spase? ¡Ma jichuk! ¹⁰ :ja nix me jich te ja'exe, k'alal pastajix spisil awu'unnika te beluk la yalbatik ta spasel te Diose, ya me ska'an jich awalik: ma ba lekil abatotik. melel janax la jpastik te beluk la jkich'tik albeyele" ¹¹ ; k'alal yak ta beel bael ta Jerusalen te Jesus, ta sti'il slum samaria sok Galilea yak ta beel bael. ¹² ;k'alal yak ta ochel bael ta bay ch'in lum, tal ta tael yu'un lajun tal winiketik te yich'ojik k'ael chamele. k'ejel to tejk'ajik ¹³ ;kajik ta aw, jich la yalik: "Jesus, Maestro k'uxteyawotik". ¹⁴ k'alal la yil te Jesuse, jich la yalbey: "baanik sok ak'abaik ta ilel sok te sacerdoteetike". Te k'alal yakik ta beel bael ajk'nax akolik ta chamel. ¹⁵ ;K'alal la yilsba te tul te kolemix ta chamel, sujt'bael, sok tulan yak ta yawtayel te yatsilal te Diose. ¹⁶ ;Te k'alal jk'ot ta stojol te Jesuse la skejansba koel ta bay yakan, la yalbey bayal wokol. Inte winike samaritano winik. ¹⁷ ;Te Jesuse jich la yalbey: "¿Ma ba lajun tul te lekube? ¹⁸ ;¿Banti ay te balun ta tul-xane? ¿Janax bal jai yanlum winik to te sujt'el ta yalel wokol ta stojol te Diose? ¹⁹ ;Sok la yalbey: "jajch'an, baan. Te xch'uunjel awot'ane la skolteyatix ta chamel". ²⁰ ;Te fariseoetike yakik ta sjojk'ibel te Jesus te bin ora ya xjul te ajwalinel yu'un te Diose, te jesuse jich la sutbey: "Te ajwalinel yu'un te Diose ma ba jich ya xjul te bit'il señaetik te ya stak' ta ilel sok jsitik. ²¹ ;Sok ma stak' yalik :"¡ ilawil le''into! sok baan ¡lawil le'abi !", melel ayix ta awolikik te ajwalinel yu'un te Diose ²² ;Sok la yalbey te nopojeletik yu'une "ya me xtal k'aal te awo't'anuk yakuk xcha' sujt'el a wilik te nich'anile manchuf me junuknax k'aal, jauk me to ma ba ya awilik. ²³ ;Ay me mach'a ya yalbeyex: ilawilik le'a meto ! ¡ ilawilik le'in to jauk me to ma me x-lok'ex a wilik sok ma me atsaklinik bael. ²⁴ ;Yu'un te bin ora ya sta sk'alelal te ya xchatalte nichanile jich me ya xchiknaj te te bit'il ya xlem tel tsantsewal ta bay juju-jmejch' ta chulchane ²⁵ ;Jauk me to, ne'elme ya xk'ax bayal swokol sok ya me yich ilayel yu'un te anst- winiketik te kuxulik ta ki'nal ta ora to. ²⁶ ;Jich te bit'il k'ot ta pasel ta yorail te noe', jich nix me ya xcha' k'ot ta pasel te bin Ora te ya xcha' tal te nichanile. ²⁷ ;Yakalik ta we'el-uch'ajel, sok yakalik ta nujp'inel, sok yakalik ta ch'omtayel ja to te bi k'aalik to och ta barco te noeje. Tal te pulemale jich lajik ta spisilik. ²⁸ ;Janix jich te bit'il k'ot ta pasel ta yorail te lot, janix jich yakalik ta we'-uchbajeluk, yakalik ta mambajel, ta chombajel. ta yawel yawel tsunubil sok nix yakalik ta spasel snaik. ²⁹ ;Jaur me to te k'alal lok'bael te mamtik lot ta bay lum sodoma, kotel wolokal k'ajk' sok azufre ta bay ch'ulchan jich te bit'il ja'al. Jich lajik ta spisilik. ³⁰ ;Jich nix ya xf'ot ta pasel te k'alal ya xchiknaj tel te nich'anile. ³¹ ;Te k'alal ya sta yoraile, te mach'a moembael ta sba sna manchukmeya xko-xantel ta yich'el te sbilukil te snae sok te mach'a baem ta sk'ale manchuk me sujt'xan bael ta sna. ³² juluk me ta awot'anik te beluk k'ot ta pasel ta stojol te yinam te lot ³³ te mach'a ya xk'uxtay te skuxlejale, ya me xch'ay te xkuxlejale ja me ya xkuxin stukel. ³⁴ ya jkalbeyex, jai ajk'ubal abi ay me cha'tul wayatik ta junax nayibal, tul me mach'a ya yich' ik'el bael, tul me mach'a ya xjil ³⁵ ay me cha'tul antsetik te yakik ta juch' mat's tul me ya yich' ik'el bael, tul me ya xjil.'' ³⁶ sok ay me cha'tul te mach'a ayik ta sk'al ; tul me ya yich' ik'el bael tul me ya xjil. ³⁷ te k'alal la yayik stojole,la sjojk'ibeyik'' ¿kajwal,banti ya xk'ot ta pasel la yal te jesuse; ''te banti ay bek lajeme, le me ya stsobsbaikuka te xulemeletike.