¹ Jich yu'un, k'alal bayal nax stsobosbaik te ants-winiketike, stentena sbaik ta yilel tee Jesuse, te Jesús jajch' yalbey ne'el te nopojeletik yu'une: "Tsajteyame baik yu'un te levadura yu'un te fariseoe tike, jabi ja te chalam ot'anile. ² Melel ma yuk bi muken ay, te maba ya xchik haje son mayuk bi nak'al te maba ya yich na'el stojole. ³ Jich yu'un spisil te bi la awajol ta ik k'inal ya ma yich' ayel stojol ta sakil kinaln, sok te bek awalojik ta muken ta bay yut'il a nae, ya me yich alel ta bay sba te naetike. ⁴ Ya jkalbeyex te jaex jotakexe, ma me axi'ik te mach'a ya smilbeye'x abak'etalike, sok yu'un ta patil mayuk bi ya xu spasbeyex. ⁵ Ya jka'beyex ana'ik te mach'a ya sk'an a xi'ike. Ja me xa xi'ik, te mach'a ya sju' yu'un ya smilat, sok te mach'a qu yu'el te ya stikunat bael ta bay k'atin bak'. Jich ya kalbeyex, xi'aik. ⁶ ¿Ma ba chombil ja kojt te' eltik mutetik yu'un cha'sejp tak'in? Jauk meto ma ch'ayem ta yot'an ni kojt'uk ta sit te Diose. ⁷ Ja nix jich te stsotsil sjole spisil ajtebil. Ma xiwex. te ja'atike ja xan tuyen ja ak'oplalik te bit'il yu'un te te'eltik mutetike. ⁸ Ya jkalbeyex, te mach'a ya yalon ta jamal ta stojol te ants-winiketike, te snich'an te winike jich me ya yalbatik ak'oplalik ta stojol te ch'ul abtetik yu'un te Diose. ⁹ Yan te mach'a ya smukon ta yot'an ta stojol te cintswinikitike jich nix ya yich mukel ta ot'anil ta stojol te ch'ul abatetik yu'un te Diose. ¹⁰ Te machá amen bek ya yal ta stojol te snich'an te winike, ya yich'pasbel perdón, yan te mach'a ya sbol k'opley te ch'ul Espiritue, maba ya spasbot perdón yu'un. ¹¹ K'alal ya yik'atik ba'el ta snaj te Diose ta stojol te ajwaliletik sok te tuneletik, ma me xa melawot'anik yu'un te bit'il ya sk'opojatike, sok bek awalike. ¹² Yu'un te ch'ul espiritu ya yak'beye a anik ta ora te beluk ya sk'o awalike. ¹³ Jich yu'un ay mach'a ta yolil te ants-winiketike te la yalbey te Jesuse: "Maestro, albeya te ibankil te yakuk yak'bon oliluk-uk te bila la yijk'tay jilel te tate. ¹⁴ Te Jesús la yalbey: "Winik, ¿mach'a la yakbon k'atelin ta chajban wanej sok te ay bin ya jpuk ta atojole? ¹⁵ Jich la yalbey: "tsajteyame baik yu'un te ma xbik'ta ja wot'anik yu'un te k'ulejalile melel mame ja'uk nax ya xkuxinatik yu'un teme ay bayal te bila ay a wunike." ¹⁶ Jich yu'un te Jesús la yalbey yaiy jun seña-il k'op, jich la yal: "Ay tul k'ulej-winik te te bayal sitin te slum-sk'inale. ¹⁷ Jich jach snop ta yot'an, jich la yal: "¿Bek ya jpas, melel ma yuk banti ya jk'ej te sit kawal sts'unube?" ¹⁸ Jich la yal: "Jich ya jpas ya me jin te snail te kixime sok ya me jpas xan muk' sok le ya k'ej spisil te jk'ajoje sok spisil te bi la ay kuune. ¹⁹ Jich ya kalbey te jch'ulele: "jch'ulel, bayalix te biluktik te ya stuun kuntik bayal jawile. Ja lek kich'tik lewa, we'uch'ajukotik, bayaluk me sbujts' kot'antik." ²⁰ Jich albot yu'un te Diose: "Winik ma ana k'inal, jai ak'ubalto ya xtal k'anel te ach'ulele, sok te bila chajbanbil awuune ¿ machá me ya yich'bbat jilel? ²¹ Jich te bit'il te mach'a ya xk'e xk'ulejal stukel na xe ma ba k'ulej ya xk'ot ta stojol Diose. ²² Jich te Jesuse la yalbey te nopojeletik yuune: "Jich ya kalbeyex, ma a mel-awot'anik yu'un te a kuxlejalike, te awe'elike, te abak'etalike sok te bek ya alapike. ²³ Melel ma jauk bayal sk'oplal te te weelile, ja bayal sk'oplal te k'uulpak'ale ja me bayal sk'opal te bak'ete. ²⁴ Ilawik te jo mutetike, te ma yaiy awal sok ma yaiy awal sok ma yaiy k'ajoj. Sok mayuk snail yiximik, mayuk snail sbilukik jauk me to ja mak'lin bilik yu'un te Diose. ¡Yan te jaexe kax jich ak'oplalik te bit íl ay sk'oplal te jo mutetike! ²⁵ Sok ¿ Mach'a tika te ya x-an yot'anik yu'un te yakuk stak' xan snajt'es xkuxlejalik jichuk xan snajt'il te bit'il te xuk'ubile? ²⁶ Melel ta patilal ma xju' awinik ta spasel te bek pek'el sk'oplal ja awunike, ¿Bistuk te ya a mel-awot'anik yu'un spasel te bek yantik nax sk'oplale? ²⁷ Ja xa wilik te bit'il xch'i te jamal t'eeltik ichimetike. Te ma x-at'ejike, sok ma yayik jalab. Jich ya kalbeyexan, te Salomone mayuk la slap sk'u jich te bit'il junuk te nichime manchuk me bayal skulejal. ²⁸ Te me ja te Dios te ya yak'bey yuts'lal te teeltik nichimetik, te junax k'aal kuxule, sok te pajel ya yich' chik'el ta yawil k'ajk' ma ba ja k'axem to xan ya yak'batik te bek alapike, ¡jaex te mayuk bayal sch'uunjel awot'anike! ²⁹ Jich yu'un ma me xbajt' ta awot'anik sleel te bek ya swe'ex-uch'a jexe, sok ma me sbajt' awot'anik ta snauleyel. ³⁰ Melel spisil te ants-winiketik ta ay ta balumilal ja baem yot'anik ta sleel te bek ya stuun yuunnike, jauk me tto te a tate snaoj te bek ya stuun awonike. ³¹ Ja me xaleik te ajwalinel yu'un te Dios, jich me ya yak'beyex spisil te bila ya xtuun awu'unike. ³² Ma me xiwex, jaex te chijex ku'un te ma tsobolukexe, Melel te jtattike binax yot'an a wuunik te ya yak'ex ta bay ajwalinel yu'un te Diose. ³³ Chonaik te bek ay awuunike sok ak'beya ik te mach'a m ta ch'lchan te ebaetike. Pasaik snail a tak'inik te ma sbolobe, k'ejaik ta ch'ulchan te ak'ulejalik te stalel ma xlaje, te bay ma x-ch elek', sok te bay ma xlaj ta joch'e. ³⁴ Melel te banti ay ak'ulejalike le aya te a wot'anike. ³⁵ Chukulux me te ach'ujt'ik, sok yakuk me ta tilel te ak'ak'ike. ³⁶ Jichukex me te bit'il abatetik te ya kalik ta smaliyel te smaestro te ya sujtel ta yilel te nup'inele, yu'un te k'alal ya stij te tinael ora nax ya sjambeyik. ³⁷ Bi nax me yutsil te abatetik, te wik'il sitik te ya sjul staotik. Jamal ya kalbeyex te smaestro ya xchuk xch'ujt te ya yak' sba ta abatinel yuunike ya me x-ik'otik tel ta we'el, sok ya me yich'ik ch'unel. ³⁸ Te me olil ak'ubal, te me nopol sakubelan k'inal tal te ajwalil yuunike te me wik'il sitik ya sjul sta te abatetik yuune, binax me yutsil sk'oplalik. ³⁹ Naaik me, te yakuk sna te yawal te nae te bi ora xtal te elek'e, ma yak' lok'el ta elk'anel te sbiluke. ⁴⁰ Chapalukex me, Melel ma anaik te bi ora xtal te nich'anile." ⁴¹ Te Pedro jich la yal: "Kawal, ¿janax ba ya a walwotik te seña-il k'op to, ya bal ya a walbey ta spisil-uk te yantike?" ⁴² La yal te kawaltike: "¿Machá te kanon te jun yot'an sok te ay sbijile te ya x-ak'bot swentain te abatetik yuun ya yak'bey sweel te k'alal ya sta yoraile? ⁴³ Binax me yutsilik te abat, te me jich yak ta spasel te k'alal ya xtal te yajwale. ⁴⁴ Jamal ya kalbeyex te yajwale ya me yak'bey swentainbey spisil te bey ay yuune. ⁴⁵ Yan te me jich ya yal ta yot'an te abate: "Te jkawale ma xtal ta ora; sok te me jach' smaj te abatetik yuune, sok te me kaj we- uch'ajel sok te me kaj ta yakubele. ⁴⁶ Jich te yajwale ya me xtal ta jun k'aal sok ta jun ora te ch'ayem yot'an te abate, ya me yich milel sok ya me sbajt' te banti ay yawilik te mach'a ma ba xch'uunej te Diose. ⁴⁷ Te abate, te snaoj te bi la sk'an yot'na te yajwale, te ma la xchajban sba sok te ma la spas te bek ya sk'an yot'an, ya me yich bayal majel. ⁴⁸ Yan te mach'a ma ba snaoje, te la spas te bi la ya yich kastigo yu'une teb nax kastigo ya yich. Spisil te mach'a bayal ya yich k'ambel, sok te mach'a ya yich' ok'ambot.beyel bayal, ja nix jich ya sk' ⁴⁹ Tal kkak' k'ajk' ta balumilal, kot'anuk tilemukix. ⁵⁰ Jauk me to puersa me ya xk'ax wokol neeluk, te jich k'oem te bit'il te ten jch'ja'ta tojole, Melel yak ta woklajel te kot'ane ja to te me k'ot ta pasele. ⁵¹ ¿Yu'un bal jich a nop te tal kak' lamaluk kinale ta balumilal? Ma jichuk, jich ya kalbeyex, tal kak' xatomba ta tojolik. ⁵² Jich yu'un ta ora to sok ta patil te mach'a ayik jotul ta nail ya me xat sbaik, oxtul ya me skontroin ch'a tul, sok ch'a tul ya skontroin oxtul. ⁵³ Xatome sbaik: te state skontroinoj te scich'ane, te snich'ane skontroinoj te state, te sme'e skontroinoj te yantsil-ale sok te yantsil-ale skontroinoj te sme'e; te yailmeel skontroinoj te yalibe sok te alíbale skontroinoj te yailmeele." ⁵⁴ Te Jesús jich la yalbeiy xan te ants-winiketike: "k'alal ya a wilik te ya xtal tokal ta smalib k'aal, ya a walik ta ora nax: ya stal ja'al sok jich ya sk'ot ta pasel. ⁵⁵ Sok te k'alal ya xtal ik'ta sur, jich ya awalik: "K'ux me k'aal ya kaiytik yotik" sok jich ya sk'ot ta pasel. ⁵⁶ Cha'lam awot'anik, ya a naik stsateyel te bi yillel te ch'ulchane sok te balumi lale, jauk me to, ¿Bin ut'il ay ate ma xanaik stsateyel te bila yakix ta k'oel ta pasel ta ora to? ⁵⁷ ¿Bistuk te ma a tsateyik te beluk lek ta pasel ta a tojolike? ⁵⁸ Te k'alal yakat bael sok te a kontro ta stojol te chajbanwaneje, bisyuk ma a chajbanababel sok ta be, yu'un ma ba sk'oatik ta stojol chajbanwaneje, jich ma x-ochat ta chukel. ⁵⁹ Jich ya kalbeyex, te ma slok'atik tel ta chukel ja to te me ts'akal la a tojike."