¹ Jich yu´un, te sbabial trato ay yich´o mantalil yu´un te bit´il ya yich ich´el ta muk te snaj te Dios sok ay nail swenta nax te balumilale. ² Jich la yich´ chajbanael jun nail pak´ ta sbabial xatilbal naj, te banti ay te xtuchibal k´ak, te mesa sok te kaxlan wa ta stojol te Dios, te jich yich´albel ch´ul awilal. ³ Ta spat te pak´ ay xchebalum xatbil naj, ja yich albel te mero ja muk ch´ul awilal stukele. ⁴ Jich ay skajtijib xchik´jibal pom te pasbil ta spisil oro. Jich ay yich´oxala te smuk´ul skaxail tu´un te trato te jich pasbil te spisil sok oro. jich te le ay jun bojch´ te oro pasbiluke te jich nojel yu´un te kaxlan waj, sok te sbaston te Aaron te puline, sok te. ⁵ Ta sba te muk´ul kaxae, ay kerubinetik te yan xanix yutsilala te ya smuk te smajk´il ch´ayel mulil, te yaxintesojik sok te xik´ink, jich yu´un inora to ma to stak´ya cholbey xan sk´oplal spisil in ora to. ⁶ Jich te chajbanbilix te spisil t biluketik, te sacerdoteetik ya nanix-ochikbala ta ba yutil nailpak´ yu´un swenta te ya yakik abatinela. ⁷ Yan te cha´mejch´te naj janax ya x-och bael te muk´ sacerdote junax buelta ta jun jawil, sok ch´ich´yu´un chambalemitik te ya tak´ ta swnta te smul sok smul te lume. ⁸ Jich ya yak´botik te ch´ul Espiritu te mato ak´bil ilel te ch´ul awilal swenta yu´un te ay to ta tuntesel te sbabial xatibal naj. ⁹ Ja in to ja cholbil k´op yu´un ta ora to. Xcha chajbal, te majt´aniletik sok te chk´bil mat´anil te yak´yich´el ak´el ja in ora to, jich ma xu´ te kaxel toj ya skuisbaik te k´alal yich´ik ta muk te Dios. ¹⁰ Janax sk´oplal te we´-uch´ajel, sok te bayal chajp´ta sapel te k´abiletik. Ja in to ja nax yu´un te bak´etalile, ja to te k´ala yich alela. ¹¹ Te cristo tal jich bit´il muk sacedote te yich´otel te beluk lek ta pasel. Ja tal ta skuenta te bek mero lek sok te mro toj te jih bit´il te nail pak´, te ma pasbil ta sk´ap te ants-winiketik, tul te mach´a ma leuk ta bay balumilale. ¹² Ma jauk yu´un te xch´ichel te stat tentsun sok te alal wakax, te ja la yak´ stukel te xch´ich´ele, te ja k´axel ochemix bael ta bay te mero ch´ul awilale. Jich tejk´eltik la yakbotikix koleltik sbajt´el k´inal. ¹³ Te xch´ich´el yu´un te tents´un sok te stat wakax sok te stijts´anel te stanul te alal me´ wakax ta skuenta te yakuk yich´ik uts´tesel te ants-winiketik ta balumulal. Jich ya xk´ejotbe yu´un te Dios, te jich ya yich´ sapel te sbak´etalike. ¹⁴ ¿Jich yu´un jayebuk to xan ya xuyu´un te xch´ichel te cristo, ta wenta te Espiritue te sbajt´el k´inal aye, jich te cristo la yak´sba milel ta stojol te Dios te mayuk x´ch´alel stukele, te ya sapotik te beluk ya jnoptik abatinel tu´un te kuxul Dios? ¹⁵ Jich yu´un, ja swenta te ja ta xchajbanel yach´il trato. te jich laj te Cristo, yu´un te yakuk xkolika te mach´atik ay smulika. Yu´un ta swenta te yach´il trato, te mach´atik ik´bilik ya yich´ik te bila albotik yu´un Dios te ya x-ak´bot yu´unik sbajt´el kinal. ¹⁶ jich yu´un te me ay jun testamentoe, ja to ay sk´oplala te me laj te mach´a la spase. ¹⁷ Jich ja to ay sk´oplala te testamento te me ay mach´a lajemixa, jich te me ay mach´a spasojixa te stestamentoe jich kuxulto ts´i na ma to ayuk sk´oplal ya xk´ot. ¹⁸ Jich yu´un te snelal tratoe la sk´an ch´ich. ¹⁹ Jich te Moises te k´alal la yak te mantaliletik te ak´bot yu´un te Dios ta stojol te lume, jich la stsakte te xch´ichel te alal wakax sok te stat tentsun, sok te tsajal ilo, te wamal hisopo te xuk´etnax yik´jich la stsijts´an xcha chajbal; ta bay sjunal te mantalile sok te lum te stobosbaike. ²⁰ Jich la yal: ''JA IN TO, JA TE CH´ICH´ JA YU´UN TE TRATO TE LA YAK´BEYEX TA A TOJOLIK TE DIOSE. ²¹ Jich nix la spas xa te Moises, la stsitjs´an ta ch´ich´uuk te nail pak´sok te biluketik te ya yich´ tuntesel ta yich´el ta muk´ te Dios. ²² Jich ay ta mantalil, ma spisilik kusbil sok ch´ich. Melel te me ma´ malbiluk sok ch´ich´e mayuk perdón. ²³ Jich yu´un puersa la sk´an yich´kusela te bila lok´tebil ta ch´ulchan sok xch´ich´el ch´ambalametik. Yan te biluketik te ay ta ch´ulchan stukele ja sk´an kusel ta mero lek sok lekikal ch´ich. ²⁴ Jich te cristo ma ba och´bael ta bay ch´ul awilal te pasbil ta sk´ap´ ants-winiketik, melel ja lok´tebil te bay smelelil stukel. Jich´ och bael stukel ta bay ch´ulchan te jich ya yak´sba ilel in ora to, ta stojol te Dios, yu´un ta wentatik. ²⁵ Te Jesuse la ma yak´sba ilel ta bayal buelta, te jich bit´il spas te muk´ sacerdote te mach´a ya x-oxchbeel ta jujun jawil sok te ch´ich´ te ma ja juk xch´ch´el stukele. ²⁶ Te jichuke, bayal buelta ya xk´ax swokola te Jesus ta k´alal xjach´ibal to tel ta balumilale. jich in to, junax buelta k´ax swokol ta slajibal yu´un spisil te k´aale, te jich ak´bilix ta ilel yu´un ta xch´ayel multik ta swenta te laj stukele. ²⁷ jich te tulutul ants-winiketik albilix sk´oplalik te junax buelta ya xlajike jich ya yich´ik ya ta k´op. ²⁸ Ja nix jichu-uk, te cristo, junax buelta la yak´sba ta lajel yu´un yakuk sk´ejbela te smul te ants-winiketik, jich ya sujt´el ta xchebal buelta, ma jauk yu´un te sk´ejbela te mulile, ja yu´un te skoltay te mach´atik junax yot´an yakik smaliyel te Jesuse.