¹ Jich yu'un, ya sk'an ya jiktaytik te sneelal sk'op yayej Cristo sok aka yijubukotik. Ma jauk nax ya nopilaytik te jsut kot'antik yu'un te beluk ma lekuk ta pasel sok te ayuk te xchunjel kot'antik ta stojol te Dios. ² Sok snopel sk'oplal te ich' ja', skajanel k'abil ta jolol, te cha kuxel yu'un te mach'a lajemix, sok te bit'il ya jkich'tik likbel multik ta swenta sbat'el k'inal ³ Te jo'otike jich me ya jpastik to te me jich ya sk'an yot'an te Dios. ⁴ Bistuk te ma xu yu'un te mach'atik la yilbeyikix jun buelta xojobil, la yaybetikix sbujts' te majt'anil te la yak' te ch'ul Espiritu. ⁵ Sok nix te mach'atik la smulanbeyikix yutsilal sk'op te Dios sok te sk'alelal te k'alal xtal te yu'ele. ⁶ Te mach'a yaloj ya sk'e sba ta stojol, ma xu' te ya x-ach'ub ta yan buelta te sutjibal yot'ane. Ja yu'un te la cha yak'ikta jijp'anel ta cruz te xnich'an te Dios ta stojolik ta yan buelta, sok ta komon sitil la yak'ik ta kexlal. ⁷ Te lum k'inal ya yuch'te ja'al te ya xchaytel koel ta stojol, jich ya xch'itel te awalts'unubil te ya xtu'un yu'unik te mach'atik at'ejik sk'inal, ja' te k'inal ya yich' bendicion yu'un Dios. ⁸ Yan teme ja'ya xch'itel te ch'ix sok te chik-ch'ix mayuk yutsilal sok ma lekuk sk'oplal ya xla teme la yich'chik'el. ⁹ Te jo'otike ya chu'untik te lek ayotik, k'anbilex, jich bit'il te ak'bilexix te akolelik, jich te la kaltike. ¹⁰ Te Dios ma xchay ta yot'an te awat'elik sok te xk'uxul awot'anik te awak'ojik ta ilel ta sbiil kajwaltik, jich bit'il te jaexe at'ejatik ta stojol te chunjeletik sok yakatik to ta spasel. ¹¹ Jaukme to ya k'antik ta atojolik ta tulutul te ya awak'ik ilel ta spasel ja' to ta slajibal k'aaal, swenta yu'un ya me ataik te bina yakalex ta smaliyel. ¹² Ja yu'un te jaexe ma me ch'ajubex, ja' xa pajbeyik stalel te mach'a ay xch'unjel yot'an sok te mach'a ay smalib yu'un te bina x-ak'botike. ¹³ Melel te Dios la yalbey te Abraham, janix la yal ta jamal ta swenta sbiil stukel, melel mayuk yan te mach'a kajal ay yu'une. ¹⁴ Jich la yal: '' JO'ON YA KAK'BAT BAYAL AMAT'AN, SOK YA ESMANTESBAT ATS'UMBAL''. ¹⁵ Ja jich te Abraham la sta te beluk albil, ja'yu'un te jun yot'an la smaliy. ¹⁶ Jich te ants-winike ja' ya yak ta testigo te mach'a kajal yu'unike. ta slajibal te sk'op yayejike, jich melel ya xkoto te bina ya yalike. ¹⁷ Kalal te Dios la yak' nael stojol ta lek te mach'a la yak'bey te majt'anil ma xu' la syantes te beluk jich albile, ja' la yal ta jamal stukel. ¹⁸ Ja' la spas te cha ten te beluk ma xyanaje melel ma xu' ya spas lot stukel te Dios, te jo'otike ay smuk'ul kot'antik ta stojol, jich ya jtatik majt'antik teme k'axel ya kakbatik ta stojol junuk me kot'antik ya chu'untik te beluk albilotike. ¹⁹ Te jo'otike ya chu'untik te mero melel snitobotik te jch'uleltik te ya x-och'beel ta k'alal yutil te banti nikil te pak'e te k'axel ch'ultesbil. ²⁰ Te Jesús wolwan ochel ta jwentatik, jich jk'atbu ta muk sacerdote ta sbat'el k'inal, jich bit'il te Melquisedec.