¹ Jich yu'un, ya sk'an jtsataybatik jich manchuk me mach'a ya xch'ay jilel te k'alal ya yich'ix taela te beluk yalo te Dios, te ijtebil ta swentaik, yu'un yakuk x-ochex ta bay te ich' lewa yu'un te Dios. ² Melel la yalbotikix te lek yach'il k'op, jich nix te bit'il la yich alel ta jtojoltik yan stukel te mach'a ma la xch'inik te k'ope ma la yich'ik koltayel swenta yu'un te ma jun la yak'te xch'unjel yot'anik sok te mach'atik la xch'unik te mantal. ³ Yan te jo'otike te mach'a ch'unotikix te mantalil ya x-ochotik bael ta bay ich'lewa, jjich bit'il yaloj''. JICH TE KALAL JLIK'EM JOL LA KAL TA JAMAL, TE K'AXEL MA XU' X-OCHIK TE BAY ICH'LEWA''. Jich yu'un, laj yot'an spasel te yat'el te k'alal la spas te balumilale. ⁴ Jich yu'un ay banti la yal ta swenta te sjukebal k'aal: '' TE DIOSE LA YICH'LEWA TA SPISIL YA'EL TA SJUKEBAL K'AAL'' ⁵ Sok la yal yan buelta, jich la yal: '' K'AXEL MA O-OCHIK TA YALELA TA BAY ICH' LEWA JKU'UN'' ⁶ Jich yu'un, k'ejbilto yu'un cha'oxtul te mach'a ya o-och ta bay ich'lewae, sok te bayal te israeletike, te mach'atik la yayik stojol te lek yach'il k'op, jich ma ochik bael yu'un te la xk'axinteyik te mantal, ⁷ Te Dios la slebey xan yan yach'il sk'alelal te jich yakuk yich'ik ik'ela: '' yo'tik to''. Jich k'axemix bayal k'aala te k'opo ta skuenta te David Jich te bit'il albil ta snelal: '' YOTIK TO TE ME YA AWAYBEYIK STOJOL TE SK'OPE, MA ME TULANUK AWAK'IK TE AWOT'ANIKE''. ⁸ Jich yu'un te Josue lajuk yuk'beyex lewa, te Diose mayuk bek la yal te ya slebey yan sk'alelal. ⁹ Jich yu'un ay to te k'aalil yu'un te ich' lewa te k'ejbilxan yu'un te slumal te Dios. ¹⁰ Jich yu'un te mach'a ya o-oxh ta bay ich' lewa yu'un te Dios, jich nix ya yich'ik lewa yu'un te yat'elik, te jich bit'il la yich' lewa te Diose. ¹¹ Jich yu'un k'antikme te yakuk x-och kotik ta bay ich' lewa, te machuk mach'a ya xyal te bit'il yalik te yantik yu'un te ma la xch'unik te mantal. ¹² Melel te sk'op te Dios kuxul sok bayal yip stukel, sok k'axem to xan ya set'wan te bit'il espada te cha jech'ay yee. Ja in to ya x-och bael ja to te ya sat te ch'ulelal sok te espiritue sok k'alal ta yutil te bajketik. Ya xu'yu'un ya sna' te beluk ya snop sjol sok te beluk ya snop te yot'an te ants-winiketik. ¹³ Mayuk te bina pasbil mukbil ta stojol te Dios. Jauk me to spisil jamal ya yil ta sit stukel melel ya yich'botik ta kuenta te jkat'eltike ¹⁴ Jich yu'un, te ay mero muk' scerdote ku'untik te mach'a baem ta ch'ulchan, Jesús te snich'an te Dios, junukme kot'antik te bit'il yakotik ta xch'uunele. ¹⁵ Yan te jo'otike mayuk te muk' sacerdotetik te ma smabotik kolilbatik yu'un te teb taeltik. Yan bi, ay mach'a te la yich'ilbel yot'an jich bit'il te jo'otike, ja uk me to ma la sta smul. ¹⁶ Jich yu'un bokotikme sok smuk'ul kot'antik ta smuk'ul snaktijib te Dios te bayal yutsilal stukel, jich ya kich'tik k'uxtayel yu'una, sok ya jtatik yutsil yot'an yu'un te k'alal ay wokoltik yakuk skolteyotik.