¹ Jich yu'un yame sk'an ya jkich'tik ta muk'te bina kayotikix stojol, ma me k'ejeluk ya xbootik. ² Jich te beluk la xcholbotik te ch'ul abatetik tulan sk'oplal k'ot yu'un spisil te mach'atik la xk'axintayik sok te ma la xchu'unike, la yich'ik kastiku, ³ ¿ Bit'il ya jkoltay batikix lok'ela te me ma chu'untik te ay jun kolel te mero muk'? Ja' te kolel la yal sne'elal te kajwaltik sok te la yalbotik te mach'atik la yayik stojol. ⁴ Ja jich te Dios la yak'ilel, yutsilal, sok chap at'elil jich la spuk te ch'ul Espiritu te bit'il la sk'an yot'an stukele. ⁵ Te Dios ma' la yak'bey ta sk'ab te ch'ul abatetik te beluk ya xtal ta balumilal, ja' te yakotik cholbey sk'oplal. ⁶ Jaukmeto, ay mach'a te banti k'ejel ay te jich la yal: '' ¿ BEKA TE WINIKE, YU'UN TE YA ANAULAYE? ¿ SOK TE YAL XNICHAN WINIK, TE YA SMELULEY YOT'AN YU'UNE? ⁷ YE WINIK LA PAS PIK'EL AWAK'TEBUK TE BIT'IL TE CH'UL ABATETIK; LA AWAK'BEY SCORONAIN TE AWUTSILALE SOK LA AWAK' ICH'EL TA MUK' SPISIL LA YAK' TA YANINAL YAKAN. ⁸ Te k'alal jbat' ta stojol Jesús, te Dios la yak' bey spisil te beluk ay. Te jesús ma' me bi yisteyo te beluk ak'bil ta sk'ab. Ja' into, te jo'otike mayuk to kilotik te spisil ay ta sk'ab Jesús. ⁹ Te jo'otike ya kiltik te Jesús pek'el k'ot yu'un te ch'ul abatetik, te jich ma ja' la k'aal, Jesús, ta swenta te k'ax swokol sok te laj ta milel la yich' te skoronae te ay yutsilal sok la yich' ich'el ta muk'. Jich yu'un to, ta sk'anjel yot'an Dios, te Jesús la yak'sba ta lajel yu'un te tulutul winik. ¹⁰ Spisil te beluk aye ja' yu'un te Dios, ja' yu'un spisil sok ja' ta swenta te ya xtal bayal yal xnich'an ta utsilal. ja' ta stojol te Jesús te mero muk' te kolel la yak'ibotik yu'un te k' ax bayal swokol. ¹¹ Pajal ta xchachajpal te mach'a ya ch'ulteswane sok te mach'atik la yich'ik ch'ultesel pajal te bay talemik. Jich yu'un te nich'anil ma xk'exaw ta yalel kermanotak ¹² Jich ya yal: '' YA ME KAJK'AT TA ICH' EL TA MUK TA STOJOL TE KERMANOTAK; YA ME K'AJINTAYAT TA BAY YOLIL TE MACH'A STSOBOJ SBAIKE''. ¹³ Ta yan buelta: '' AY SMUKU'UL KOT'AN TA STOJOL''. Ta yan buelta: '' ILAWILIK, LE AYON TO SOK TE ALNICH'AN LA YAK'BON TE DIOS''. ¹⁴ Jich yu'un, te yal xnich'an te Dios la yich' ak'bel sbak'tal sok ch'ich'el, ja jich te Jesús pajal k'ot sok, ta swenta te lajel ya xu'yu'un, slajinbey sk'oplal yu'el te lajele, jai to, ja' te pukuje. ¹⁵ Jich yu'un ya sk'oltey ta spisil te mach'atik xiojik lajel te k'alal kuxinik ta k'inal la yichik mosoinel. ¹⁶ Ma jauk ta stojol te ch'ul abatetik ya smel yot'ane jauk meto, ja' ya smel yot'an yu'un te ts'umbal Abraham. ¹⁷ Ja swenta te puersa pajal k'ot sok te yermanotak ta spisil, jich me yu'un ya xk'ot ta muk sacerdote, ay xk'uxul sok jun yot'an ay ta staik stojol te Dios. Ta stojol Jesús ya staik perdon yu'un te smul anst-winiketik ¹⁸ Te Jesús k'ax swokol sok la yich' ilbel yot'an, janax stukel te ya xu yu'un skoltay te mach'atik ya yich' ik ilbel yot'anik.