¹ Ta sbabial jun te la jts’ibuy, Teofilo, la xchol spisil te bek’ jach’ spas sok te bek la yak’ nopel te Jesuse ² Ja to K’alal ik’ot moel ta ch’ulchane. Te k’alal ma to xbajt’ ta ik’ela, la spas ta mantal ta swenta te ch’ul espíritu te puk-k’opetike te stsaoje. ³ Te k’alal k’axixa te swokole, la Yak’ sba ta ilel ta stelemal ta stojol te nopojeletike jich la yak’ ta ilel te kuxule jich ya xchu’unika. Chawinik K’aal la yak’ sba ta ilel ta stojolik, sok la yalbey sk’oplal te ajwalinel yu’un te Diose. ⁴ K’alal tsobosbaika, la yalbey mantal te nopojeletike te manchuk ya xlok’ibael ta Jerusalen, ja’uk ya smaliyik te bila albilik yu’un te tatik Diose, jich la yal: “Te jatike la awayik stojol te la kalbeyexe, ⁵ te Juan ja nax la yak’ ich’ j ata swenta te jae, yan te jaexe le nopol ya awich’ik ak’bel te Ch’ul espiritue”. ⁶ Te k’alal sts’obosbaik soke la sjok’ibeyik: “¿Kajwal, ja bal yorailix te ya ja wastes te ajwalil yu’un te Israelotike?” Xi’ik. ⁷ La sut: “Ma jauk ja wuunik snael te bi ora sok te bi k’aalile te ja nax ta swenta te jtatik Diose te ja ay ta swentae snaele ⁸ Ja’uk me to te jaexe ya me awich’ik ja wuelik, te k’alal ya xjul ta atojolik te ch’ul espirutue, jich yu’un testigo me xk’oex ku’un ta Jerusalen, ta spisil Judea sok ta Samaria ja nix jich ta spamal balumilal”. ⁹ K’alal laj ta yot’an yalel te Kajwaltik Jesus spisil in to, jich’ yakalik yilel moel ta ch’ulchan, la yich ik’el moel sok la yich’ potsel ta tokal j ato te ch’ay ta sitike. ¹⁰ Jich’ yu’un te k’alal spisilik yakalik ta yilel moel ta ch’ulchan a, ajk’ nax, cha tul winiketik te sakik sk’u spak’ik la stek’an sbaik ta stojolik. ¹¹ Jich’ la yalik: “ Jaex Galileo wineketik, ¿bistiuk’ te tek’elatik le to te yakex yilel te ch’ulchane? Ja te Jesus te la awilik mo bael ta ch’ulchane, jich’ te bit’il bajt’ ta ch’ulchane jich nix ya sujtel” ¹² Jich’ yu’un sujt’ik bael ta Jerusalen, melel ayik ta wits’ Olivo a, te ay ta nopol Jerusalen, ta sk’alelal kux ot’anil. ¹³ K’alal k’otik ta lok’el tey a, moik bael ta xchakajal na’, te banti ayik ta nainela. Jaik in to: Pedro, Juan, Jacobo, Andres, Felipe, Tomas, Bartolome, Mateo, Jacobo snich’an te Alfeo, Simon te yan sbi’il te Zelote xie sok te Judas te snich’an te Jacobo. ¹⁴ Ta spisilik in to junax yot’an sbaik, janix jich yakalik ta sk’oponel te Diose. Le ayika te atsetike, Maria te sme te Jesus sok te yermanotake. ¹⁵ La sta yorail te Pedro la stek’an sba ta yolilal te kermanotaktik, ay niwan wakwinik ta tul ta spisilik jich la yal: ¹⁶ “Kermanotak, puersa me k’ot ta pasel te bina ts’ibubil jilele, ja bi ja te bina yaloj jilel te ch’ul espiritue ta sti’ te David, ta swenta te Judas, te ja la yik’ bael te mach’atik la xchukik te Jesuse. ¹⁷ Melel junax ayotik sok-a ja nix jich ak’bot ta swenta te at’ele. ¹⁸ (Ja yu’un te winik to la sman sk’inala te stojol la yich’ yu’un te bina ma lekuk la spase, ja nix jich koel bajt’ te sjole sok te sbak’ tale t’om spisil, te yutil xch’ujt’e pujk’ lok’el. ¹⁹ Spisilik te mach’atik nainemik ta Jerusalen la yayik stojol, jich yu’un la yak’ beyik sbiil te k’inal to ta skopik “Acéldama” jabi ja ya sk’an yal, “ Sk’inal ch’ich”) ²⁰ Ja yuún te tsibubil ta sjun salmos: te skinalike manchuk nme ay stuul ni tuluk me mach´a ya xnain lea. ´´ ayuk me mach´a yan ya xtal wolwanuke. ²¹ ya me sk´an, jich yuun te tul winik te sjoinejotiknanix ta spisil ora te k´alal te kawaltik Jesus x-och x-lok´nax ta tojoltika, ²² jato te jach te ich ja´ yuun te Juan jich nix te k´alal la sta yorail te ik´ot moel, jich me testigo ya xk´ot ta tojoltik te ay te cha kuxele. ²³ jich neelajik te cha tul winiketik, Jose te sbiil Barsabás, janix jich sbiiline te mero toj sok nix te Matias. ²⁴ la sk´oponik te kajwaltik jich la yalik: “ Ja at Kajwal, janaojbey yot’anik te ants’ winiketik, jich’ yu’un ak’botik jnatik stojol te mach’a ta xch’a tulul te tsabili awu’une, ²⁵ te ja ya yich’ abatinel sok ta spukel te ja ak’ope te bit’il te Judas la skaxintey mantal jich’ bajt’ te banti yawil albile”. ²⁶ Jich jach’ yak’ bey sbaik yajtalul ta swenta yilik te mach’a xk’ot ta swenta; jich k’ot ta swenta te Matias, jich jil ta ajtayel sok te puk’ k’opetik te buluch tul.