¹ kgantáxtulh lata nilh Moises, kgskujni Puchiná , Puchiná tachuwínalh josue xkgawasa Nun, xa puxku kskujni Moises wánilh: ² Moises, ki skujni, ninit. wata, ka talla, ka patakutti jae Jordan, wix chu wakg jae kachikin, nakj katiyatni neje akit kamaxkima, wa kachikin xla Israel. ³ Akit jkamaxkinit lata niku na wilikgo xtantunkan. akit kjmaxkinitán, la kjtimalakjnúnilh Moisés. ⁴ Lata nakj kamuntzayan chu nakj Libano, xtachuna ixlimakgat la kgalhtuchokgo Eufrates,wakg xkatiyatni Hititas chu pakganacha pupunú Mediterráneo,niku chichiní tagnú, pakganacha na wan min tiyat. ⁵ niti tlan kiti kataratlawán nakj milakatinkan lata xkilhtamaku milatamat.akit nakj talatamayan la kjtitalatamalh Moises.ni kjtimakgxtakní na ni kjtiakgxtakgmakgan. ⁶ katatliwakglhti chu kakgalhi likamama. wix na matlaniya xlakata jae kachikin natamakglhtinan xtiyatkan neje Akit kamalakjnuninit xnatikunan nakj kamaxki. ⁷ katatliwakhlti chu lu kakgalhi likamama. lu skgalh na kgalhakgaxmata wakg limapakgsin neje ki skujni Moisés limapakgsinitan. ni katapanuni ni min pakgastakat chu min pakgaxwiki, laki na tlajaya lata niku na pina. ⁸ Nalichuwinana xankgalhin jae tatzokgni nima kgalhi limapakgsin. Lu nalakapastaka, ka kuni chu catzisni, laki tlan na kgalhakgaxmata wakg tuku anta tatzokgnit. chuna nakgalhiya tapaxawan chu niti katimakgatlahan. ⁹ ¿ni chuná klimapakgsinitán ? ¡lu katatliwakglhti chu kakgalhi likamama! Ni kajikuanti. Ni kataxlajwani. wa Puchina Dios talaman lata níku napina. ¹⁰ Chuna, Josue kalimapakgsilh xanapuxkun xa lakgkachikin: " ¹¹ kapitit anta niku kasmakgolh chu kakalimapakgsitit kachikin: kamakaxtit liwat xawa,xli akgtutu chichiní na titaxtuyaw jae Jordan, natanuyatit chu namalananatit ama tiyat neje min Puchina Dios kamaxkiman laki milá nawan" ¹² Ama Rubenitas , Gaditas chu itat xlitalakgapasni Manasés, Josue kawanilh: ¹³ "kalakapastakjtit tuku Moisés kawanin, kjskujni Puchina, kalimapakgsin akgxni wa:kin Puchina Dios kamaxkiman sasti tajaxni chu Xla kamaxkiyan jae tiyat'. ¹⁴ Mi lakgpuskatin, mi lakgtsukaman chu min takgalhinkan na latamakgo anta nakj katiyatni neje Moisés kamaxkin pakganacha nakj Jordán. wa xalakgtliwakgan na kata´an mi natakamanan chu nakamakgtaya, ¹⁵ laki chuna min Puchinakan na kamaxki tajaxni, xtachuna la tikamaxkin.Na chuna xla´akan na tapakgsinikgo ama tiyat, neje ama min Puchina Dios kamaxkiyan. Chuna wixin nataspitatit nakj min tiyatkan chu namalananatit. Ama tiyat neje Moisés, kjskujni Puchiná, kamaxkin pakganacha nakj Jordan, niku taxtú chichiní" ¹⁶ Chu talikgalhtilh Josué tawanilh: "Wakg tuku kinkalimapakgsinita, na tlawayaw, chu lata niku xkinkamalakgacha, na´anaw. ¹⁷ na kgaxmataw la tikgaxmatniw Moisés. Man watiya min Puchiná Dios ka talatamán, la titalatámalh Moisés. ¹⁸ Lata tiku ni katikgaxmatli mi limapakgsin chu ni na kgaxmata min tachuwin na ní. Watiya katatliwakglhti chu kakgalhi likamama".