¹ Ka sunutit liskgolin nak Sion, chu kamatasinantit nak xasanto kisipi. Putum latamanin xalak katiyatni kalalhpipekuankgolh, xpalakata hay talakatsuwinit xkilhtamaku Puchina; hay takakatsuwinit. ² Ama kilhtamaku naliminkan takgastakyaw. Makxtum lanka talachapananin chu laktliwakganin mimakgocha nak xakgstin cipi nak jkatiyatni. Talakgatumikgolh nak katiyatni latalakgatumi chichini lata taxtuyacha. Ni akxni tawilanit talachapananin la uma, chu ni akxniku natawilaparay, maski akgtluwa kata natitaxtuparay. ³ Lhkuyat masputuma putum tuku wi xlakatin, chu xchekgan xpasama lhkuyat. Katiyatni litaxtuy la xakaxanatni tiyat nak Edén chu xchekgan wi xakaskakni tiyat. Chu niti kititsalanilh. ⁴ Xlakapunin ama talachapananin la kawayu, chu sliya tatsujikgoy. ⁵ koskgoy nak tamakasana la xla putlawalh nak xakgstin cipi, la makasanan xtapasa lhkuyat nikuma masputu tuwan, la aktum tamakxtumin xla litalachapan. ⁶ Nak xlakatin latamanin lakpekuankgoy chu putum snapapa lakawankgoy. ⁷ Kosnankgoy la lakgtliwakganin lachapanin; tokatnankgoy la makgtakgalhnanin; tlawankgoy, chutunu nak xtatlaw, chi ni tapapitsikgoy. ⁸ Nitiku mapanuy achatum; xlakan tlawankgoy, chatuno nak xtiji, kalakgtanukgoyacha makgtakgalhnanin chu ni taxtukgoy nak xtijikan. ⁹ lakapal ankgoy nak jkachikin, takgosnan nak patsaps, tokakgoy nak chiki, chu tanukgoyacha nak pulakawan la kgalhananin. ¹⁰ Tiyat tatsujiy xlakatinkan, akgapunin tachikikgoy, chichini chu papa tatsitsakgslay, chu staku yalh makgaxkgakganan. ¹¹ Puchina katasani xtalachapananin, xpalakata xtalachapananin kgalhuwa; xlakan lakgtliwakgakgan, amakgolh tiku makgantaxtikgoy xtalajkaxlan. Xpalakata xkilhtamu Puchina lu lanka chu lu lipekua. ¿Tiku nalatamaniyku? ¹² Xman wa la uku, wan Puchina, Kataspitparatit nak xlikana min nakukan. Kakilhtsinkstit, katasatit, chu kakatasatit. ¹³ Kamakgxtakgtiti mintalakgalhinkan chu liwana kistalanitit, chu lakgpinparatit min Puchinakan. Waxla lajkgatsanan chu makgtayanan, lakgasiyu sitsi chu makgantaxtiy xmalaknun, xla makxtakgputun akgastakyawat. ¹⁴ ¿Tiku katsi? ¿Xamakgtum natalakgpali chu nalakgatlamanan, chu namakgxtakga sikunalan xvhekgan, aktum lilakgatay xa taltsi chu akgtum lilakgatay xa likgotno xpalakata Puchina? ¹⁵ Katlakgtit lhiskgolh nakj Sion, Kalichiwinantit akgtum takilhtsinksni chu kalichiwintit akgtum tamakgxtumit santulhani. ¹⁶ Kamamakgxtumitit kachikin, kalhichiwinantit akgtum tamakgxtumit xa santlhani. Kamamakgxtumit lakgolun , hu kamastokgtit kaman, chu lhakgskatan ti tatsikiyku. Kamxkitit talakaskin kgausa ti skinit kataxtulh antani xchiki tawilana, chu tsumat ti skinkanit anta ni tatanumana. ¹⁷ Kamaxkitit talhakaskin ama xpalhakachiwina Puchina, ti taskujnanikgoy PUCHINA katasatit xpalakjni malhakgcha chu nakj pulhakgtakilhputat. Makgxtum kawankgolh: "Kamatsankgeni Min kachikin, PUCHINA, chu ni kakilalhakgmakgaw, nitiku pulatamnin kinkalakatayan. ?xlhi lhuwa latamanin natawan? ?niku wi Xpuchina? ¹⁸ Chunanchu puchina lhakgkasa lhakalh xkachikin chu lhakgkatsalh. ¹⁹ Puchina kgalhtil xkachikin: "kaukjxiltit, Akit nakamakaniachan talhtsi, xa sasti xkuchu uva chu aceite. Wixinan nalhikgalhkgasatit, chu Aquit nelh tikamatutsuwin nakj xlhakatin a makgapitsin pulatam. ²⁰ Nakj kamapanuy talhatlawana xalakj pajxtu lhakgamakgat min palakatakan chu nakapalakayoyan nakj tiyat xa kaskajni anta ni nitiwi. Wantiy lakatin tamin xtalatlawana na tanuy nakj pupunu tu wanikan xa nin, chu wanti auti tamin nakj kamamuxtiy nakj xitat pupunu. Chu milhilhi namin xkinkalat snun na pukgsan. Xlhikana lakglanka tu tlawanit puchina. ²¹ Nikamakpuwanti katiyatna, kapaxuwa chu snun kapaxuwa xpalakata Wa PUCHINA laktlanka tuku natlaway. ²² Nikamakpuwantit, xlakluku takgalhin xla kakwin xpalakata ampi wa sakgat xla kaskakni tiyat napulkgoy, wa laktlanka kiwi namastakgoy xliwat, chu higueras chu nikulay uvas, namastakgoy putum xtamakgalan kan. ²³ kapaxuwa, kachkin xla Sion, snun kapaxuwatit nak PUCHINA mi Dios kan. Xpalakata ampi Wa nakamaxkiyan sen xla akxni akgayujkgoy kiwi nak xkilhtamaku chu namastay talkaskin nakalkganachan sen mimpalkatakan, wa sen xla akxni akgayugkgoy kiwi chu sen xla akxni kaxanatlay la xapulna. ²⁴ Talhtsi natasamaparay nakj katuwanin, chu antani mujukan xa kuchu uva natasamaparay. ²⁵ Akit nakamaxiparian tamakgalhan tu xtuki masputukgolh, xa lanka xtuki, lakjlanka xtuki chu tuku silankgni. Xlitliwekgw kintalanin tu akit kamakanichan. ²⁶ Wixin nawayanatit xlhilhuwa chu nakgalkgasatit, chu natalhakgkilhputayatit PUCHINA mi Dios. Ti tlawanit lakglanka tamasiy mi lakgstipankan, chu nimakgtum tilhimimpa tatutsuwit xokgspun Kin kachikin. ²⁷ Wixinan na katsiyatit pi akit kglakgstipawi Israel, pi akit XPUCHINA xDios, pini achatum, chu nimakgtum matusuwiy Kin kachikin. ²⁸ Nalaplay chu awan ampi Kit nakmagpitsiy ki spiritu nak xlipogtu liway, chu xlakgawasan vhu xlaktsumajan nawankgoy tuku nalay. Wa xlakgolutsin nalimatxnankgoy limatxna, xlakchixkuin xalakgawasan naukxilhkgoy tuku nalay. ²⁹ Nachuna nak lakskujnanin chixkuin chu lakskujnin lakpuskatna tiyma kilhtamaku nakmagpitsiy ki spiritu. ³⁰ Naj masi lakglanka tamasiy nakj kakgapun chu nakatiyatni, kgalhni, lhkuyat, chu putsa jini. ³¹ Chichini tsitsekge nawan chu papa' kgalhni nawan, xlhimakgwa ni achin xkilhta PUCHINA. ³² Na akgspulay pi putum tiku nawan xtakwani PUCHINA na akgaputaxtokgoy. Nak sipi xla Sion chu nak Jerusalen natawilay tiku natsalay, la tawanit PUCHINA chu wanti natalatamay wa wanti PUCHINA katasaniy.