¹ Lata Mardoqueo katsilh putum tuku xtalajkaxlanit, lupekua maklipua. Xla alh nak xitat kachikin chu lu tlhiwekge akgtasalh nak xtalipuwan. ² Xla alh anta nak xa lanka xmalakcha puxku, xpalakata ni xmastakan talakaskin natatanuyacha nak xa katasa. ³ Anta nak putum kachikinin niku xlimapakgsin puxku xchan, judios lu xkatasakgoy, nixwayankgoy chu xmakpekuankgoy. Ka jkatasa xtamakgoy. ⁴ Lata laktsuman chu xlakskujnin Ester lakgminkgolh chu makatsinikgolh, puxku Ester lakgaputsal. Xla malakgachanilh lhakgat Mardoqueo (xpalakata xtapuxtulh xlhakgat kxakatasa) wa chu xla ni makgamakglhtinalh. ⁵ Chuna cho Ester tasanilh Hatac, chatum xmapakgsina puxku tiku xmaxkinit naskujni. Xla limapakgsilh na lakgan Mardoqueo xpalakata xkatsilh tuku xkgasat ama titaxtuma chu tuku wamputun. ⁶ Chuna cho Hatac lakgalh Mardoqueo anta nak xlakatin lanka xmalakcha puxku. ⁷ Mardoqueo makatsinilh tuku ama xtutaxtuma, chu nikunlha Aman xama xokgonan xpalakata xkamakgnika judios. ⁸ Nachuna maxkilh akgtum tatsokgni nikuma mastaka nak Susa xpalakata nakamasputukan judios. Wa la uma lhawalh xpalakata Hatac xmasiyanilh Ester, xpalakata xla lhan xalh nak xlakatin puxku chu kskinilh talakgalhaman, chu xpalakaskilh xtapulataman. ⁹ Chuna cho Hatac lakgampa Ester chu wanilh tuku Mardoqueo makatsinilh. ¹⁰ Chu Ester tachiwinalh Hatac chu wanilh pi kalakgampa Mardoqueo. ¹¹ Nachuna wanilh: Putum xlakskujnin puxku, latamanin nak xkachikin puxku, katsikgoy pi par tiku na tanuy maski chixku chu puskat par ni katasanimaka, ka akgtum limapakgsin wi: ama ama niy, nichuna kitilalh par wa puxku nalitapakgastakyawa xlistokgon xa oro xpalakata nalatamay. Chu akin nitu kintasanikanit xpalakata nak lakgan puxku uma hay puxamakaw kilhtamaku. ¹² Chuna cho Hatac makatsinilh xtachiwin Ester wa Mardoqueo. ¹³ Mardoqueo ma makatsinilh: Wix ni kalakapastakti pi par wa xpalakata wila nak xchij puxku, pi wix nalakgtaxtuya. ¹⁴ Par wix ni nachiwinana uma kilhtamaku, wi tiku nakapalakaskin judios alakatanu, chu wix chu xchik min tlhat nalakgsputatit. ¿Xa makgtum wix makgamakglhtinanita puxku nawana xpalakata una kilhtamaku? ¹⁵ Chuna cho Ester malakgachanilh uma takatsin Mardoqueo, ¹⁶ kapit chu kakamastokgte judios tiku lamakgolh nak Susa, chu kakilhtsinkstit kin palakats. Ni kawantit chu ni kakgotnantit akgtutu kilhtamaku, kasitsini chu kakuni. Kin talaktsuman chu akit nachuna naktlhawayaw. Chuna cho naklakgan puxku, maski naklaklhaway limapakgsin. Par akit nakniy, lhan nak niy. ¹⁷ Mardoqueo alh, chu lhawalh putum tuku Ester skinilh na tlhaway.