¹ Pauru, rü wṵ̈i ya yatü poraãküma Tupana arü purakügu nügü i ãkü nḭĩ rü ñumachi Timuteu ya taenee, rü tamükü puraküwa ya Firemuka̰. ² Rü Apia i torü taeya, rü Aquipo torü tamukü i puraküwa, i ñumachi ñema taenegü kupatawa gutaqueegü: ³ Moema naka̰ i pemagü yima torü Tupana norü ngümümaa õchi nanè ya Ngechuchu egagu. ⁴ Choma rü nüemaü̃ tchorü Tupanana moechaa, ñeguma yumaewagü kuna cha kuaãchigu, ⁵ Ngeguma nüũ cha inügu na kuna ñemaũ i ó̰ torü Kori ya Ngechuchuwa rü kurü ngechaü̃ naka̰ i guuma ñema Tupanaũ a õgüũ. ⁶ Choma rü naka cha yumae i kurü ó̰ na ñemaãkü na weguũka̰, ru numachi na ñemaũka aicümaüchi kuna ñemaũ wṵ̈i kṵa na̰ka i guuma i megüũ Ngechuchu ya Cristuwa. ⁷ Marü choũ na ñema i taüchi taãe rü ñumachi kurü ngechaũ namaã i kuru ngechaũ. ⁸ woo, choũ na ñemagu i guũ chorü pora nawa ya Cristu ñemaca kuũ cha mu na kuna üüka i guũma i ñema kuũ cha muũ, ⁹ woo nagagu na Cristuũ na cha ngechaũgagu, naetüwa ru kumaa nuũ chi u, i choma ya Pauru woo marü cha yá, rü ñuma ru ta cha poku nagagu ya Ngechuchu ya Cristu. ¹⁰ Kuna na̰ka chaka ya yima chaúne ya Onechimo, yeguma poküwa cha yemagu rü chauneacüruũ kuũ cha yau. ¹¹ Erü ũpa tama wṵ̈i ngüeeruũ nḭi kuka, notürü ñuma rü wṵ̈i ngüeẽ nḭi kuka rü chauka. ¹² Choma, rü i chana muachi erü, nüma rü chorü maũneüchinḭi na kuka na taegu. ¹³ Rü choũ nguchaũüchi nḭi namaa charü a̰ũ na choũ narü ngüeũka̰ Kuchicawa, ni yoni pokü wa cha ñemaũ naka̰ i ñema norü meĩ i Tupana arü ore. ¹⁴ Notürü tama chana üchaũ wṵi ngemaũ tama nüü̃ ku kuaãkü. Tama poraãkü kuũcha muãküma kunauü i ñaã purakü erü kumatama iku nawḛe nakuna üü. ¹⁵ Ñema nagagu kuna na yaü̃ tama notükamaniĩ erü ñuma na guuguma kuü̃tawa nana ñemaü̃ka i ñuma. ¹⁶ Marü tama wṵ̈i pokuãküruü̃ notürü wṵi pokutanüü̃ arü yeerarüü̃, wṵ̈i chawenee nüü̃cha ngechaü̃rüü̃, choü̃ i choma rü ñumachi kuü̃ rü ta wṵigu i taünewa rü Koriwata. ¹⁷ Ñeguma kumüküãkü choü̃ ki ĩeẽgu, rü nüü̃ na ya̰u ñuma choü̃ ku yaṵruü̃. ¹⁸ Ñeguma nüma chieũ cumaã naügu rüena ñeguma tacü arü ñemaũ cuũ na ngetanüãgu, ẽcü chorü ngetanügu na ü. ¹⁹ Choma, i Pauru, daa chomemaa kuka cha wüeta: choma rü ta chana ütanü, ñomachi tauma choũ ku ngetanüũrüũ i kurü maũ. ²⁰ Ngü, pa chawenee, rü poraãcüma Tupanaũ chi kṵaüũ cuca; choru maüne rü Ngechuchuwa na taãẽ. ²¹ Nagu cha ya oãküma ni ku inütaãü̃, ñuma ni kuka cha wüetaü̃, nüü̃ cha kua nḭi eera kuna üü i ñema kuü̃ cha muü̃. ²² Ñema ngoragutama ina meeẽ i wṵ̈i ukapu chauka, erü choü̃ na ngema i ngṵeẽ nagagu i kurü yumae na ñemaakü paaüra kuü̃ i cha ya daü̃ka̰. ²³ Epafra, ya chaumükü wṵigu namaa ta pokuekü kuũ narü moe; ²⁴ Ñemaakü ta nana ügü Marcu, Aritacu, Dema, Luka rü ñumachi chamaã wṵigu i purakugüü̃. ²⁵ Ñema norü meũmaa ya Kori i Ngechuchu ya Cristu kurü maũ maa narü aṵ́. ñema ñaũ nḭi.