¹ Ga yeguma marü na yaunegu yeguma nawa na ngu gu i ñema nguneĩ i ngütchigaarü yeguma na ügügu naya ngo'oneĩ na nawà tana ngu i ñema noü wüi i nguneĩ ya yima yüü Maria i madarena ü ñumatchi naĩ ga Maria ü Ngetchutchuũ ina tagüũwa inaya daugü. ² Yema i ngoragu, ü poraãku na ĩããtchiãne, eü wüi i Orè arü uruũ i daũkaã inarü ĩ ü Ngetchutchu ina ta güũwa naũ ü guma nuta ga namaũ namaã na potaãkü ü inana ügatchi ü ñumatchi naẽtüwà narü tò. ³ Nümarü ñoma wüi i baibeane rüũ ni yauraküü, ü natchiru rü ñoma buaneküema aü ye'era rüũ na komü. ⁴ Yema churaragü ga yema daũtaegü ü muũmaã ni duru'egü ü ni yueãtchitanü. ⁵ Yima orè arü uruũ ya daũwà neũ kü ü yema ñekü güna na ngaikama ü ñanagürü Taũ ipe muũẽ, eü chomarü nüũ itcha kua na Ngetchutchuka ipe daugü, ya yima kurütchawà ya potagü ãkü. ⁶ Nümarü na tauma i nuã ü nümarü marü inarü daarü, ñema nüma nüũ ya uũrüũ nua ipe ĩ ü ipeya daugü ñema natchika i naguna ükutchiãũwà. ⁷ Paa ñema ipeĩ ü noü ngueẽẽgümaã nüũ iperü ũ. Nümarü marü na maũ arü natamüwa i ñema yuĩ Rü pepe'egu ini ũ na Garieanewà naũ. Rü ñemarüta nüũ ipe daugü. chomarü marü pemaã nüũtchiũ. ⁸ Ñema ngekügü ü ñirü muũmaã ü ñirü taeẽmaã yema paama nüma iya bamü i ñema Ngetchutchuũ ina tagüũwà ü ñumatchi na üãtchiãkü ngueẽẽruũ maã nüũ ni ugüe na Ngetchutchurü marü na tauũma i namaũwà. ⁹ Rü ngürüãtchi ü Ngetchutchu yema ñekügüũ yema na ngau ü ñanagürü. Rü ñi i narü moe, ñema ñekügü ü Ngetchutchuna i ngaikamagü, ü nakutüwa ina paã tchigu ü ñumatchi nüũ ni kuaũgü. ¹⁰ Rü Ngetchutchu rü ñanagürü nüũ. Taũ ipe muũẽ. Rü ñema ipeĩ üna maã nüũ ipeu i ñema chaune'ẽgü na ina choũka i Garireawà. Rü ñematà choũ ipe daugü. ¹¹ Yoni na ñema nai ga ñema ñekügü, ü nümaũ ga yema churaragü ga yema daũ taegü ü ĩãnewà naĩ ü paigüarü ãẽkakümaã nüũ ni ugüe i guũma yema ngupetüũ. ¹² Yeguma paigüarü ãẽkakügü ü namaã na ngutake'egü iyaeĩ i orẽwa ngue ü nügü maã narü utagagü naka i yema ngupetü, nümagürü mukümà i diẽru churarana ñiĩ na ãgü. ¹³ ü ñumatchi ñanagürü. Rü togümaã nüũ ipe ugü, yema Ngetchutchu arü ngueĩgü ü chütakü numa naĩ ü naka na ñigü i Ngetchutchu ũne yoni ina peeyani. ¹⁴ Ñeguma ñaã dea ta ĩãnearü ãẽkaku ũta wa nangugu ü tomagürü tà peetüwà ita chogügü na tauũma peĩ ngupetüũka. ¹⁵ Rü yema churaragü ngiĩ na yaugü ga yema diẽru ü nana ügü ñema namaã nüũ na ngueẽĩãkü ñaã de'agü ü nüũ ni utchigagü natanüwa i ñema Yudiugü ü ñemarü ñumaüta na ñema. ¹⁶ Rü yemà wüime'pu aü wüi i ngueèruugü ü Garireañewà naĩ nawa ga guma mapüne ga Ngetchutchu namaã nüũ unetane. ¹⁷ Yeguma nüũna daugügu i nümagü, ü nüũ ni kuaũgü notürü togürü tama aiküma naya õgü. ¹⁸ Ngetchutchu ü naũtawà naũ ü ñanagürü Guũma i porà ü chona yau i daũguũ i naãnewà ü ñoma i naãnewata. ¹⁹ Rü ipe ĩãtchi ü guũ i naãnewa ipeĩ ü guũ i duũũgütanüwa nüũ iperü u i choü orè Rü ñumatchi tatüũ ipe baieẽẽ naẽgagu ya Tupana, ü naẽgagu Ya Ngetchutchu, ü naẽgagu ya naãẽ ya üü nekü. ²⁰ Rü tüũ ipe nguẽẽgü na naga ta ĩnüeĩka i guũma i ñema tüũtcha muũ Rü nüũ ipe daugütà na chomarü guũ i nguneĩgu ü ta pemaãtcha ñema ñumatata naãnearü guwà nangu.