¹ Rü na ngupetü yeguma Ngertchutchu marü ya gue aü deããgu na nüũ yaũũ i guãmà i ñemaũgü Rü ñanagürü noü ngueẽẽruũgü. ² Pemagürü nüü pekagü na nawà tanangu i ñema nguneĩ i õnaãrü üpetü chikaaü peta, ü yima yatü nane ü tà naya yaugü ü kuütchawà ta naya potagü. ³ Rü yema na ngutake'egü i paigüarü ãẽkakügü, ü ngueẽẽruũgü ga orè i mugüwà nguetaegü, ü togü ga ãẽkakü i ya guagü ü caipa ya ãẽkakü pataãtügu na itake'egü ga yema duũũgü. ⁴ Nümagürü nagu narü ĩnüẽ na ñuãkütà Ngetchutchuũ ya ma'gü.n ⁵ Erü nümagürü nümagürü ñanagürügü. Rü taũtama petaa ü ngora itaya magü eü ñegumatchi petaarü nguneĩ gu ü ñema duũũgü ütchi na nuẽ. ⁶ Ñuma yoni Ngetchutchu ü Betaniãwà na ñema napatawà ya Chimaã ya ü chaünekü, ü ñema metchagu nana ngükutchi, ⁷ ü wüi ñekü ü Ngetchutchuna i ngaikama namaã namaã i wüi pumaraweĩ i poraãkü tatanü ü ñumatchi na ẽrugu inabà. ⁸ Notürü yeguma norü nguetanüũ nüũ daugu ü ni nueãtchitanü ü ñanagürügü. Rü taküka ni ĩ ipe na aiyaũ i ñaã pumara. ⁹ Rü narü memaẽtchi niĩ taũ diẽrugu namaã i tae na ñemaãkü yiema tüũ na tau i ñemaũgü na yiemana tüũ i ãũka ya diẽru. ¹⁰ Notürü Ngetchutchu, marü nüũna kuããküma i ñaã ü ñanagürü. Taküka ñiĩ ipe chiewe i ñaã ngekü Ñima chauka ina ü i wüi i meĩ. ¹¹ Rü guũgutama petanüwà tà ñema i duũũgü i airüũ nüũ tau notürü chomarü taũtama guũguetcha petanüwa cha ñema. ¹² Erü yeguma ñima chaunegu na baẽẽgu i ñema pumara, ñima ü ina i ñema eü paatà chayu ü tà choũ natagü. ¹³ Rü aikümaũtchi pemaã nüũtchiũ ü ñetà nüũ iya ugüũwa i ñaã Tupanaãrü ore i naãne arü tawa ü duũũgü ü tà ñina na kuããtchigü naka i ñema meĩ i na ü. ¹⁴ Rü ñuãtchi ga wüi norü ngueĩgo ya Ngetchutchu i Yuda i kariotegu ãẽga ü paigüarü ãẽkakü ũtawa naũ. ¹⁵ ü ñanagürü . Takü ta chona ipeãgüũ ñeguma Ngetchutchuũ ta chaãgu. Nümagürü trinta tatchinü tümague ya diẽru tüũ naãgü naka ya Ngetchutchu. ¹⁶ Rü yema i ngoragu nümarü naka na dau na ñuãküta Ngetchutchuũ yatügüna nana mugü. ¹⁷ Rü ñuma, nawà nangu i nüiraãü i nguneĩ ga yema peta ga poũũ ga ñeãrü puẽẽruãũ ü noü ngueẽẽruũgü ü Ngetchutchu ũtawà naĩ ü ñanagürügü. ngetà iku na'waeĩ na tana üũ i ñema õna i üpetütchikaarü peta gu i ngõ. ¹⁸ Nümarü ñanagürü nüũ. Rü ĩãnewà ipeĩ ü namaã nüũ iperüũ ya yima yatü. Rü Ñanagürü ya Ngueẽẽruũ Chorü ngora ü marü rü ngaikatchigü. Rü kupatawà tà tana ü i ñema peta namaã i ñema ngueẽẽ ruũgü. ¹⁹ Ñema ngueẽẽruũ ü nana ü ñema Ngetchutchu namaã nüũ i uũãkü ü nana me'ẽẽgü ñema õna i üpetütchikaka na ngogüũta. ²⁰ Rü yeguma marü na chütagu Nümarü inaü tò na ñemaãkü norü ngueẽẽruũ maã na chibüũka. ²¹ Na yoni ina chibüe ü Ñanagürü. Rü aikümaũtchi pemaã nüũtchiũ ü petanüwà tana ñama i wüi yatü i chautchita tà choũ i ua ũ. ²² Nũmagürü yeguma yema deaũ na ĩnüẽgu ü poraãkü naü maẽãtchitanügü ü wüitchigü ü nügüna na kagüetanü. Rü e'na choma meẽ i pa kori. ²³ Nümarü nana ngaũ. Yima chomaã wüigu poratuwa uemeẽkü ü yimataniĩ chauetchita choũ i uããkü. ²⁴ Yima Yatü nane ü tà nawà na ngu nanayu, eü yemaãkü na ümatü i Tupanaãrü orè notürü i taũtama i ñetchaũ niĩ naka ya yima yatü ya Tupana naneĩ i uãũkü ü narü memaẽtchi niĩ naka ya yima yatü na taũtchima ñoma i naãnewà na ngo. ²⁵ Yuda ya yimatà yikamaãüra ina uãükü ü ñanagürü. Na choma meè pa Rüeẽẽruũ nümarü ñanagürü Rü kuma tamà nüũ kui u na kuma niĩ. ²⁶ Na yoni ina chibüe gü Ngetchutchu ü poũi naya yaũãtchi, ü Tupanana moẽ naã ü ñumatchi nana büku. Rü yemawena rü norü nueẽẽgüna nanaã i ñema poũũ ina büku ü ñanagürü Pa aegü ü ipena ngogü. Erü ñaãrü Chauneniĩ. ²⁷ Rü nümarü wüi na paüũ naya yaũãtchi ü Tupanana moẽ naã ü ñumatchi norü ngueẽẽruũ maã na ngau ü ñanagürü Peya agü, i guãma i pemagü. ²⁸ Erü daa niĩ ya chaugü ga muũmà i duũũgüka cha baẽẽkü na ñemaãkü Tupana nüũ nüũ ñetchaãũkü i norü chieĩgü. ²⁹ Notürü choma rü pemaã nüũ chiũ, ü tagutama wena chiãkutchiĩ tatchi aü ñumatata Chaunatü ya Tupana ãẽkakü iya ĩiwa ñewakaũkü ya wiũ chiĩ pemaã chaya aü. ³⁰ Yeguma wüiga wiyaegu na wiyaegügu ü oribunekü arü mapü newà naĩ. ³¹ Rü Ngetchutchu rü ñanagürü nüũgu Guãma i pepagü ü ñaã chütatü ü tà chaugagu cho'na ipe ĩgo tchitanügü, eü ñemaãkü na ümatü. Rü tà nüna chana kuika ya karneru aũi daruũ ü ñemawena i ñema karnerugü ü tà nana üanegümare. ³² Notürü yimaka marü yuwà itcharü dagu, ü tà pepe'egu yoni chiũ na Garirearü naãne wa chaũ. ³³ Ñeguma Peduru ü Ñanagürü. Woõ guũma kugagu na ĩgü i ñema karnerugü, ü chomarü ta tagumà kuna tà itchi ũgatchi. ³⁴ Ngetchutchu ü ñanagürü nüũ. Rü aikümaũtchi kumaã nüũtchiũ, ü ñaã chüta ũgu tatamà, naũpa na tama ẽpüküna tana kaya otà, ü kugü ikui ü nataũtama choũ iku kua. ³⁵ Rü ñanagürüa mà ya Peduru. Woõtchi kumaã wüigu cha yugu ü taũtchima chaugü chiũ na tama kuũtcha kuaũ. Rü guũma i ñema togü i noü ngueẽeruũ ü ñematama dea nüũ na ñema. ³⁶ Nawena ñema guũma i deagü ü Ngetchutchu ü namaã Yechetchamaniwà naũ ü yema ñanagürü ü noü ngueẽẽgüũ iperütogü yoni nuã ü chamarütà pena chaya yumaẽ. ³⁷ Rü Peduruũ niga ü ñumatchi Yebedeu nanegüũ ü ta ü ñema i ngoragu nana ügü nana ñetchaũ ü ñumatchi na ĩãẽ. ³⁸ Rü ñanagürü nüũ, Rü ñema choü maũ ü poraãküma nañetchaũ, ü choü ĩnüwa ü ta cha ñetchaũ. Rü nuã tamà ipe ñemagü ü wüigu chomaã ipe daue. ³⁹ Ngetchutchu rü nüna norü ngueẽẽgü nana yaüũra ü ñumatchi na ngükutchiãkü na yumaẽ ü ñanagürü. Pa choü Chaumatü ü ñeguma kuma kunawagu ü nüna choũ, inanguutchiẽẽ i ñaã nguũ i tà choũ üpe tü, ü na ü i ñema chomã cha nawaeĩ, ü ñema kuma iku nawaeĩ tà niĩ chomaã ikuü. ⁴⁰ Yeguma marü yumaẽwa nüũ na chauga ga Ngetchutchu ü ina peeãkü noü ngueẽẽgüũ inaya ngueũgü, ü ñanagürü nüũ ga Peduru Na tama yana ipe ĩnüẽ na wüi ngora naguũ chomaã ipe daugü. ⁴¹ Rü pe daugü ü pe yumaẽgü na tama chieĩgu ipe yiĩka. Ñema toü moũ ü ina memare notürü ñema taüneãrü ngutchaü rü na tura. ⁴² Nümarü norü tarè e püküna norü ngueẽẽgüna ni ũgatchi ü ñumatchi na yumãẽ. ü ñanagürü . Pa Chaunatü, ñeguma tama ku na'waegu na nawà choũ iku nguutchiẽẽũ i ñaã nguũ i ta chi ñeũ, ü marü na meniĩ i ñema kuma ku nawa'eĩküma chomaã ikuna ügu. ⁴³ Wena na taegu na yumaẽwà ninaũ notürü peeãkü noü ngueẽẽgüũ inaya ngueũ, eü marü tama yana na ĩnüe nana yatae. ⁴⁴ Rü wena'arü nüna ni ũgatchi ya Ngetchutchu, ü noü tamaẽpüküna taarü wena na yumaẽ ü ñematama i dea namaã niu. ⁴⁵ Rü Ngetchutchu ü noü ngueẽẽgüka niũ ü ñanagürü nüũ. Ñumarüta ipe pee ü ipeü ngüẽ Düka, ü maü nawà na ngutchaũ i ngora na Yima Yatü nanè ü noü uwanügü ya yaugütchaãũ. ⁴⁶ Iperü dagü rü ñiã ma. Duka ñema yatügüna choũ mutchaãũ ü ni ngaika. ⁴⁷ Na yoni iya deaũ ga Ngetchutchu, ü ina ngu ga Yuda, i noü nguetanüũta i ĩ ĩ. Rü nawè narü i ga muũma ga duũũgü ü ñumatchi paigü arü ãẽkakügü ü togü i ãẽkakü i yaeĩ i ĩãnekaãgü. Rü taramaã ü naimaã ngẽma ninaĩ. ⁴⁸ Rü ñuma ga yima yatü ya Ngetchutchuũ i uããkü ü wüi i kuauũ nüna naã ü ñanagürü. Ya Yima Nüũtcha waikü Rü nüma niĩ, ü peya yaugü. ⁴⁹ Rü ñema i ngoragutama Ngetchutchuũ tawà naü ü ñanagürü. Pa ngueẽẽruũ kuũ itchaü moẽ ü ñemawena ü nüũna waĩ. ⁵⁰ Ngetchutchu rü ñanagürü nüũ Pa chaumükü, ñema naka numa kuũ ẽkü naü. Rü ñegumarü yema duũũgü ü Ngetchutchuka na ĩ ü ñumatchi naya yaugü. ⁵¹ Ñema ngoragu ü wüi i Ngetchutchuarü pura kütanüũ ü noü tara ũ naya yau ãtchi ü paigüaü ãẽkakü aü duũũgüũ ina daepatchimü. ⁵² Rü ñanagürü ya Ngetchutchu. Erü namaã na nguũ natchikagu i ñema kuü tarà i tarewà teküwa, eü guãma ya yiema tarà maã daitae ü taràgu tata ta yue. ⁵³ i Chomarü choũna tautchatchirè na chaunatüka aita chaü ü Nümarütchi chauka ñema nana mugü i tarè mepü naguũ i ore aü uruũgü i daũkaã. ⁵⁴ Notürü na nawae naya nguũ i orè i ümatü, ü woetamà ñema na ngupetü. ⁵⁵ Yema i ngoragu ü Ngetchutchu ñanagürü nüũ ga yema duũũgü i ñema muũ. Rü chauka ipe i tarà maã ü naĩ maã ña choũ ipe yau güũka ñoma chi wüi i ñitaaũ rüũ. Rü guũgumà taũne ya ngutake'e pataũwa orè itchiũ ü tama choũ ipe magü. ⁵⁶ Rü guũma i ñaã na ngupetü na ñemaãkü ya nguũka i ñema orè ga nüĩraãgü i orè arü ugüruũ ümatü Yegumà yemaü na daugügu ga noü ngueẽẽgü ü nüũ yema na tagü ü nüna yema ni bumü. ⁵⁷ Yema duũũgü i Ngetchutchuũ i yaugü ü paigü arü ãẽkaküũtawà nana gagü ü naẽga ü kaipà niĩ. Rü yema niĩ na ngutake'egü ga ngueẽẽruũ ga orè ga mugüwà nguetaaẽẽgü ü ñumatchi paritcheugü. ⁵⁸ Notürü ga Peduru ü nüna na yaũãkümà nawè ni ũtchigü i ãẽkakü pataãtüwa. Rü ni üku ü inarü tò namaã ga daũtaeruũgü na ñemaãkü nüũna daugüũ Ka ngai takütà Ngetchutchu maã naügü. ⁵⁹ Rü ñumarü guũma i ñema paigüarü ãẽkakügü ü ñumatchi too matchigü i ãẽkakügü ü naka na daugü ga wüi i orè i doramarè i ũũ na yemaãkü Ngetchutchu ũ ina uãũgüũ ka na ñemaãkü naya magüaũka. ⁶⁰ Notürü tauũma i dora maã narü ĩ i Nawà, woò muũma dora i deagü na ñema. ü yemawena ü tarè ga yatügü ñema naĩ. ⁶¹ Rü ñanagürü Daa Yatü ü ñanagürü. Choü na tautcha na nagutcha pogü ya yima Tupanaãrü ngutake'epataũ, no tü tama'epü nguneĩwà nangu ü wenata'arü chana chita ũ ẽẽ. ⁶² Rü yema paigüerü ü na yunagü rü ñanagürü. Rü takü maã ikuna ngaüũ i ñuma Takü niĩ i ñema i yeẽküü kutchiga iya ugüetcha. ⁶³ Notürü Ngetchutchu ü na chianemare ñema paigüero ü ñanagürü Ngetchutchuũ. Rü Tupana ya maũküegagu kunatchaka, tomaã nüũ i u ñeguma aiküma kristu ikui ĩgü ya yima Tupana Nane. ⁶⁴ Ngetchutchu ü nüũ na ngaũ. Rü kumatama nüũ itui ũ ü kumaã nüũtchiü ü yikamaũratà nü yikamaũratà nüũ ikudau ya Yatü nane na nana tüarü tügünewà tà naütò, ü nüũ iku dau na kaianeĩgutà daũwà ninaũ. ⁶⁵ Ñeguma ga guma paigüeru ü nügütchirugu na gaugü ü ü ñanagürü nümarü Tupanamaà takü ni ugu, Rü tauũtama to i orè tà nawae Düka, Pematamà marü nüũ ipe ĩnü e na ñuãkü chieĩmaã ya dea. ⁶⁶ Takügu peru ĩnüẽ nümagürü nanagaũgü ü ñanagürügü. Rü na meru ĩ rü notaküma taya ma. ⁶⁷ Ñema i ngoragu ü natchiwewà na kuai gü ü ñumatchi nüna nana kuaikagü ü nana pegütchiwegü. ⁶⁸ ü ñanagürügü nüũ Tomaã nüũ i ũ na aiküma kristu i kui i kuma. Teetiĩ ya kuna na kuaikae. ⁶⁹ Peduru ü dietüwa ãẽkukü patà ãtüwà narü tò ü wüi i ãẽkakü arü purakütanüũ ü Peduruũtawa i ũ ü ñigürügü nüũ Rü kumarüta namaã iku ñema ya yima Ngetchutchu ya ũarireaããnekaã. ⁷⁰ Notürü nümarü guũpe'ewa nüũ niu na tama Ngetchutchuũ na kua ü ñanagürü Tama nüũtcha kua na takütchiga niĩ i i chomaã nuũ ikui ũ. ⁷¹ Yeguma guma ĩpataarü ĩãwa ina ũũgu ü naĩya ãẽkakü arü purakütanüũ nüũ i dau ü ñigürügü nuũ ga yema ñema ñemagü Daa yatü rü ta ü Ngetchutchu ya natcharè kaã maã na yemata. ⁷² Rü wenaãrü tama nügu niũ na Ngetchutchuarü arü nguẽẽ ruũniĩ. Rü ñanagürü tamà nüũ icha kua na tee niĩ ya yima Yatü . ⁷³ Rü yikamaũra, ga yema ñema norü ngaikama chigü ü Peduru ũtawa naĩ ü ñanagürügü nüũ. Rü manaẽke kumarüta natanüũta ikui ĩ i ñemagü eü kurü deawa na ngo. ⁷⁴ Rü yeguma i nüma ü nana ügü na airüũ i dea i chieĩmaã nawa ü ñumatchi na gutchiga Chomarü tama nüũ itcha kua i ñema Yatü, ü ñema i ngoragutawa ina ka ya wüi ya otà. ⁷⁵ Peduru ü nüna na kuaãtchi ga yema dea i Ngetchutchu namaã nüũ i uũ Naũpa nana ka ya yima otà ü kumarüta tamaẽpü küna kugü ikui ũ na tama choũna iku kua. Rü yemawena ga Peduru ü ina uũ ga yema ü poraãküma taũ i ñetchaũ maã na aũ.