¹ Ñùmá na ngupetüü̃, rü ñeguma ñema duuü̃gü ngechuchuküwawa na autanügüguyani tupanaãrü ore ina ĩnüã, ² Nümarü yíma nátaã Genesaretküwagü na chiü. Ñema puchaetanüü̃ nüna ñema ínachaü̃ rü norü pücha niyaugü. ³ Ngechuchu rü wii yima wapurugu niü̃e, rü yima wapururü chimõũãrü niĩ rü nüna naka rü ngãü̃tüwü̃arü nañeaü̃ka̰. Ñeguma ñümarü inarüto rü duüü̃güü̃ nagúeẽẽ wapuru arü düétüwá ⁴ Rü ñeguma a gúegagu na adeaü̃, rü chimóũü̃ ñanarügü: "ngúeẽẽruü̃, ínamátamaü̃wa náñè a yima wapuru rü ñema natáe íkurü pücha ku poweẽü̃ka." ⁵ Chimóũ ñanarügü nüü̃: "ngúeẽẽruü̃, tomagürü guü̃ i chütaü ta puraküe rü tauma i choni tayau, notürü kuru oreẽgágu, muü̃ma choni na nutakeegü rü norü püchagü . ⁶ Ñeguma na ügüégu, muü̃ma choni na natakeegü rü norü püchagü narü gáugü. ⁷ Ñeguma namẽmaã nái a wapuruma nemagüü̃ natanüü̃güka̰ nakagünüü̃ nangü̃ẽẽgüü̃ka̰. Rü nümagü ñéma naí, rü nanaüãkügü a yima tare wapuru, rü naügü nangutaü̃gu. ⁸ Noturu chimóũga Pedru, ñeguma nüü na daugu, ngechuchupeegu nakaãpṵ̈ü, rü ñanarügu: "Chona íũgachi, erü chamarü wii i yatüü̃ i pekaduãü̃ chiĩ, pa kori." ⁹ Rü nüma, rü guü̃ma i naü̃tawa ñemagüü̃, rü na baiachiãẽgü námàã iñema powee i nümagü naügüü̃. ¹⁰ Ñegumarüü̃ta a Jacobo (chaü̃tiágu) rü Juan, Zebedeu nánẽgu, nümagurü chimóũmükügüniĩ. Rü ngechuchu ñanarügü chimóũü: "tãũ i kumuüü̃, erü ñṵmakürüwa rütá chautawa kunagagüüka i duü̃ü̃gü." ¹¹ Ñeguma waimüanewa na ñegüagu ya norü wapurugü, rü ñéma nanawogü norü guü̃ma rü náwe narü̃ĩ. ¹² Rü nangupetüü̃, rü ñeguma nüma wií a ĩãnewá nañemaguyani, wii yatükü depraákü ñema na ñémà. Rü ñeguma ngechuchuü̃ nada̰ṵgu, rü napẽegu narükaãpṵ̈ü rü nüü̃ naka̰a̰ü̃, rü ñanarügü: "Kori, ñẽguma ku nawa̰egu, kuma choü̃ rü meẽẽ." ¹³ Ñeguma ngechuchu náeta na wene rü nüü̃ níngõgü, rü ñanarügü: "Chama chana̰wae. Na me." Rü ñegumatama nüma nina i norü depra. ¹⁴ Nüma nanaukṵẽ rü taúema nüü̃ auüka, notürü námaã nüü̃niu: "Kumaüü̃gu íṵ̀ rü paíü̃ kugü nadauẽẽ rü wii amare nüna nàá náka na kurü meü, erüñẽmaniĩ Moiché numa múü̃, ñeguma nümagü nüü̃na kuaeü̃ka." ¹⁵ Notürü ñema nachiga yawama nangùchigü rümuü̃ma i duü̃ü̃gü naka̰ naĩtakẽegü nüü̃na í nüeü̃ka rü na ngueü̃ka rü narü meeü̃ka norü dawegüma. ¹⁶ Notürü nüma ñuguakü ñeta naãnẽ neakunema naũũü̃ rü nayumüẽü̃. ¹⁷ Rü nangupetüü rü wii ñema nguneü nüma ínangṵẽẽtaeyani, rü ñema na ñemagü fariseugü rü mugü arü ngúeẽẽruü̃gü ñema narü togü rü tomaonewaniĩü̃ a yima Garireanewa rü Judéaanewa ni ĩü̃ ñegumarüüta ĩãne a yerucharéü̃wa ni ĩü̃. Yima kori arü pora naü̃tawa na ñema na tünarü meẽẽü̃. ¹⁸ Ñuma, ñema naĩ ñure yatügü, rü ñema nana ñetaü̃gü wiĩ yatükü na wãĩãchikü rü ĩpatagu nañekuchitaü̃güü̃ka rü ngechuchupẽegu nakáẽgüaü̃ka. ¹⁹ Nümagü tauaküma ñema nanañekuchitaü̃gü, erü namuü̃chi i duü̃ü̃gü, rü ñemaka ĩãka̰wẽgu naĩgü rü ínanapogüãü̃gü yima ĩpata rü ñema duü̃ü̃gütanüma, meama ngechuchupẽewa ínanachüüetaü̃gü yima yatukü nawãĩãchikü. ²⁰ Nüü̃ na da̰ṵgü na a õaü̃ ngechuchu ñanarügü nüü̃: "YatÜkü, marü kuü̃ nüü̃ chañechaü̃ i kurü pekadugü." ²¹ Ñema ngúeẽẽruü̃gü rü ñema Parichéugü rü naügüe nanügünanakagüe i ñema, ñanarugü: "¿Takü niĩ i ñaa chieü̃ma i deaü̃? ¿Teeti a yiema pekaduü̃ ñechaü̃e, rü tupanaĩkatama niĩ?" ²² Noturü ngechuchu, nüü̃ nakua ga takügu nüü̃ nakua ga takügu na inüeü̃ rünüü̃ na ngaü̃ rü ñaü̃: "tṵ̈küü̃ ñemagu perü ĩnüẽ perü maü̃negüwa? ²³ ¿takü niĩ i tama iguchaü nüü̃ iuü̃: "Kurü pekadugü rü marü kuü̃ nüü̃ chanechaü̃," urü ẽna," urü ẽna: " Inachi rü iuneküü̃?" ²⁴ Noturü pémàgü nüü̃ pefaeü̃ka rü yima Tupana nane rü na poráã ñema waimuanewa rü na nüü̃ chañechaüüka i pekadugü, chama kumaã nüü̃ chiu: "Nachí, nayau kurü karuü̃, rü kupatawa naũ." ²⁵ Ñegumatama inarü da i guü̃ duü̃ü̃güpẽewa, nanayau norü karuü̃ nagu nakaü̃; Tupanaü̃ a kua̰üü̃chigüãkuma napatawa naũ. ²⁶ Guü̃ma na baiãchiãẽgü rü Tupanaü̃ nikua̰üü̃gü. Rü poraãküma na muüe, ñanarügü: "Tomagu rü ñuma nüü̃ tádaugü i porakü aikuma meẽchigüü̃." ²⁷ Ñeguma ñaa marü na ngupetügügu, Ngechuchu rü ñema ina uü̃ rü nüü̃ nadau wii diẽru tüü̃ ínadeü̃pataü̃wa narüto.Nüma ñaü̃: "Chauwe rüũ." ²⁸ Rü inachi i lebi rü nawe narüũ, rü ñema nanata̰ norü guü̃ma. ²⁹ Ñeguma Lebi rü Ngechuchuka̰ wii taü̃ õna naü̃. Rü müüma i dĩẽru arü dugüruü ñema nañémagü rü muü̃ma i togü duü̃ü̃gü mechagurü makuchitanügüü̃ rü natanüwa chibüeü̃. ³⁰ Notürü ñema Parichéugü rüngúeẽẽruü̃gü rü norü ógütanüü̃ma chiri ni deagü, ñanarügügü: "¿tṵ̈küü̃ i pemagü nama pechibüeü̃ rü namaã peaegüü̃ i ñema dĩẽru arü degürüü̃ rüñema togü duüü̃gü pecaduã̰güü̃? ³¹ Ngechuchu ñanarügü nüü̃: "Yiema duatagü i tama i daweẽgüe tiĩ wii duturuweẽgüẽ. ³² Chama rü tama meü̃ duüü̃guka niĩ núma chaüü̃, rü peka duagüü̃ka nĩĩcha ká̰ü̃ rü ñẽmaãkü nüü̃ narüoeü̃ka i naküma chieü̃gü." ³³ Nümagü ñagüü̃ nüü̃: "Juanarü ogütanüü̃ rü nayumüẽgüecho, rü muẽpüküna na auree rü tama na chibüe rü Paricheu arü ógutanüü̃ rü negumarü ü̃ nachibüe rü Paricheu arü ógütanüü̃ nachibüe rüna aegümare." ³⁴ Ngechuchu ñanarügü: "Rüẽna wii ñĩguarü petawa péka̰ nameü̃ na pena aureeẽẽü̃ ñema nüna peugüü̃, rü yonina i nikü na natüwa na nemaü,? ³⁵ Notürü na ñema inguneügü ingugüü̃ta ñeguma ñema nguneü̃gügu tá niĩ náãureẽgüü̃.? ³⁶ Ñeguma Ngechuchu rüta nüü̃ ni u wii ore i duü̃ü̃güküma i nukümaü̃ü̃chiga: "Tauma i yatüü̃ rü wii i ñemakaü̃ü̃ i nachirü tátiyo rü námaá tanapaitaü̃ka̰ wii nachiru marü ngauü̃. Erü ñeguma tana ügu, rü tanachieẽẽ i nachirü marü ngauü̃ erü ñema náchipee i nachiru ínarü ñaachimü. ³⁷ Ñegumarüü̃ta, tauma wii yatüü̃ ñemakaü̃kü wii binu rü nagu taya bakuchi i wii nachiü̃ i marü ngáuü̃ i nacha̰münaka. Erü ñeguma nüma naügu, rü yima binu ñewakaü̃kü rü ñema nachiü̃ na ngãuẽẽ nachamünaka rüyima binu rü nabaaku rü ñema nachiü̃ nachamünaka rü narütau. ³⁸ Notürü yima binu ñemakaü̃kü rü ñewakaü̃ü̃ i nachiü̃gu na bakuchiü̃. ³⁹ Tauma i yatüü, nawena a aügü yima binu ü̃paümaükü, tána̰wa̰ẽ yima binu ñewakaü̃kü, erü ñanarügü: "Yima ü̃paümaü̃ku nimekü."