¹ Yoni ngegumaükü, muüchiü duü̃gü ĩtakḛegü ũchí nügü na kṵnetagügú, ngeguma yoni norü buũgüũ ñanagurü "Pe uaegü fariseogü arü chiíchamarà ngerü taweama tü ni ugüweẽ. ² Noturü na tauma ñema ẽĩiwa ĩ kuü̃, taguma tuna weü̃, wowa taumà ngeta ñema mareü̃, tama nüü̃ kuaü̃. ³ Ngegumarüü̃ eaneüwa chiegũ mã ki deagü, nüta ĩnüegüamata yiema ngoõneüwangemagüe, wowa kuchiẽwa ki deagü i kuchiã aru aĩpewa, nüta kua̰güamata azoteawa. ⁴ Chama pema nü chi pa ú chaumukügü, taù pe muü̃egü ngema naüne ma̰güü̃, ngerü chikama nümagü marü tautama na ügü. ⁵ Naturü pema chana uegü na teüü̃ tani pe muüẽ, Nupe muüẽ yimà marü kunü magüwena, üüekutügü ku ñakü. AĨkümamà choma pema nü chi ù kü nü pe muüü̃é. ⁶ ¿Taemaḛná wüimḛ pṵ gorrienes ma̰ pe taegü tare íràmareè monedatachinüka̰? Ngegumarü̃ tauma nümagü nünarü ngümagü Tupana pṵ etüwa. ⁷ Naturü ngegumarü̃ guüma nayae kueruwama ñemaü̃ na ugù. Taú pe muü̃è. Pemagü perü memaegüü̃chígü ñema muü̃chígüü̃ ĩ meragüü̃. ⁸ Choma pema ni chí ù, tee chatüpḛwa tügü i uè, yima chatü nane Tupana arü üü̃negüü̃ peḛwata ta nii ni ú. ⁹ Naturü yiema tama yatügüpeḛwa tügü i uè. ngegumarüü̃ tata tama Tupana arü anyugü tama ta ngoḛga. ¹⁰ Ngerüemare wií deà ĩ chìemareü̃ i ué yatügünane peḛwa, tüü̃ nüna ngechaü̃, naturü yiema naéèi meü ma̰ chieü̃ ugüé, ñema tama tüü̃ nüna ngechaü̃. ¹¹ Taù pe oegaegüü̃ ngeguma aẽka kü üchí iãnema̰ kua̰güü̃ ngutakaechikawa pena gagügu, taú pe oegaegü na ñuakü pe deagüü̃ ña pegü ipe poü̃güü̃ o ñuapegügüü̃. ¹² Ngorü naèé i üü̃nekü peĩ tana ngũeé ngema horagu na takü tape ùgüü̃. ¹³ Ngegumarüü̃ wií natukumü wa ñemaü ñanarügü: "Pa nguetaeruü̃, chauweneè ma̰ ni ù kü ngoù kü ngaü chona na ã ñema norü aĩrü." ¹⁴ Ngechuchu nüü̃ ñanarügü. "Pa yatü, ¿Tèé choü̃ pokuerüũ ũchí naa̰kuta choü̃ tarü nguuchièé. Kuwa? ¹⁵ Ngeguma núma nüũgü ñanarügü. " Pe yumaegü na ngemaukü pegüma pe nguügüü̃ka̰ ñema guüma chieü̃gücha̰wa, ngerü ngema maũ wièé duearü tama nií na tüna ñemaü̃ka̰ tüna arü ngemaügü. ¹⁶ Ngeguma Ngechuchu wií uneta tümama ní ú ru ñanarügü. "Ñema waìmü wií yatü i mepüüchi rü poraãküüchìma ningüü̃chí ¹⁷ Numa norü maüwa ñanarügü ¿Nua̰chata, ngerü chona taù ì nachika chorü aĩrü arü nuruü̃? ¹⁸ Nüma ñanarügü: Ñaa tanì cha üü̃. Nagu ta cha pogügú ĩ guü̃ma chorü taepataü̃ uchí wií tamaene ta cha ü, uchí ñema ta nama cha nguü̃ chorü ngemaü̃ gü uchí togüamà. ¹⁹ Choma chorü maüü ñacharügü. "Pa chorü maü na muü̃chí ñema torü a̰irügü mukü tauneküaü̃, kü mea rü agü̃, na chíbü, na àé, uchí na taèẽ. ²⁰ Natürü Tupana ñatarügü: Yatü tau kuakü, yíkü chütakü kurü maüka̰ taí na kagü, ngeka̰ ñema ngemaügü ikü mèégüü̃ ¿Tee arü gü taniĩ? ²¹ Ngeka̰ ñegumarüü̃ tèé tüma arü ngemaü̃güma nguü̃é tügüũtama tama ta a̰pü Tupanagü̃tawa. ²² Ngechuchu norü buũgüü̃ ñanarügü " Ñemaka peügü ñacharügü, taù perü maü̃ka̰ pe ñuegü, takü tape ngõgü o takügü tape kṵgü. ²³ Ngerü ñaa torü maú rü ona arü yeera nìĩ, rü ñegumarüü̃ ñaa naüne rü nachìrú arü yeerama maniĩ. ²⁴ Düka nüpe daugü ngema nguru kugü, nümagü tama na toègü ũchí taguma na yaubügü. Nünagü rü na ngepügü, notürü Tupana tana üwemügü. ¡Duka̰ pemagürü poraaküüchima perü memaegü ĩ werígüü̃. ²⁵ ¿Rü meerüé pemagü pe ñuèégüü̃chi wií hora perü taunekü pe ünagü? ²⁶ Rü ngegumarügü yíkama pemagü tama pena ügü ñema purakü í ragüü̃, ¿Ngeka̰ taú pe ñuèégüü̃ togü eka̰gü? ²⁷ Duka liriona pe kua̰chigü, mea narü ügüé. Numagü tama na puraküe, uchí tama na deetagü. Ngegumarü pema nüchí ù, tama Salomon norü ngemaügüetawa tama na mechírüü̃ wií nümagürüü. ²⁸ Ngegumarüü̃ Tupana tana üchirü natüane kampukaa̰, ngeka̰ na ngõ i ñuma, ũchí moü̃ rü marü yapuna gu na ü, negumarüü̃ yeeraükü peü̃ na üchirugü. ¡Ngemaü pa yatügü irá rü õaü̃! ²⁹ Taù pe ñuaegüü̃ na takü ta pe ngõü̃, oh takü tape agüü̃, uchí taú perü ĩachiaegüü̃. ³⁰ Ngerü guüma gema duü̃gü ñamarü naanewa i ngemaügü ñemagüü̃ narü daunü, ñegumarüü̃ pènatü nü ta kua̰ nape nawaegügü̃ ĩ ñemagü. ³¹ Natürü norü meü̃ka̰ pe daugü, ngegumüà ĩ guũma i ñemagü rü taní muachí. ³² Taù pe muèé, pa iraü̃ natu kümü, ngerü nànátü pema ta taèé rü pena tana ã ñema tümachíane. ³³ Perü ngemaügüma pe taegü, uchí yíema ngearüa̰chíe pea nù. Perü dieruchií tape ügü ngema tagü peü rü õgüü̃, perü aĩrügü yeama daü̃anewa taguma perü oü̃, ngeta taguma ngĩtaü̃ nawa nguü̃wa, uchí taguma nachinawegü na oeü̃wa. ³⁴ Ngerü ngeta ngema perü ngemaügü i ñemagüüwa, rü ngema tata na ñema perü maüné. ³⁵ Kü guü̃ma pegü ĩpe meegü, kü nüetaã perü omügü pe yautanüegü, ³⁶ kü yíema duegürügü̃ tüna arü nguetaeruü̃ ngĩchiíwane ũgü, ngeguma nüma ína ngugú ũchí na tutuküü̃gü, nümagü paama ĩã naka̰ ti nawa. ³⁷ Ta meechígü yiema chaunegü, ngeguma Korí nua na ũgu tüü̃ i nguaèé na tama ta peemaruü̃, ñegumaruü̃ pema nüchí ù rü pechíchiruwa pechi ügüega ü̃chí perü goyeü̃wa, mechawa pecharü togüèé, nua na ũta rü pena kuichiwemü. ³⁸ Ngeguma Korí nua tare arü chitaü̃ arü dautaewa, o ñuguakü tomeḛpṵ arü dautaewa, uchí mea tüü̃ ĩa nguegú, ta meechí yiema yauneg. ³⁹ Naturü ñaüü̃ pe kua̰gü, ngegumachi ĩpata arü yorà nüna kua̰guchi na takü arü hora nua na ũü ngema ñítaü̃, numachi tama nana permite na yima ĩpata ka̰ na ngigügü̃. ⁴⁰ Ngemaka̰ pegü í pe méègü, ngerü pemagü tama nü pe kua̰ na takü arü horagu ta nua na nguü̃ yìma yatü nanè. ⁴¹ Pedru ñanagü: Pa Korí ¿Na togürüika̰ ñema ore nükí uü̃, oh ena togü aü̃ta? ⁴² Yima Korí ñanarügü: Dukà ¿Tee tí yiema mea rü máũàé ũchí mea puraküe ngimaka̰ tüna arü Korí togüetügü arü gucha na ünagü na ñemaakü iraü onakürì tüna na aüka̰ ngema meü̃ nguneü̃gü? ⁴³ Na meechí yima ore arü uruü̃, ngeguma norü korí ina nguèégu na ngema meĩ ina ü̃gü. ⁴⁴ Aikümaüchì pema ta nichi ù na núma na peü̃ tana ueguguũ na pḛmeḛta na nuü̃ ngema norü ñemaügü. ⁴⁵ Natorü yima ore arü u ruü̃ norü maü̃newa ñagú: Chorü korí tama paà ta numà ta ũ, ñeguma oregü arü ugüruü̃ na pegügu, uchí na chibü rü na àé rü na ngaecha. ⁴⁶ Ñema korí ñaa duũ arü na taeguta wií nguneegü nüma tama ina rü ngṵeakü, uchí wií nguneü̃ tama nuü̃ na kua̰kü, ngeguma rü nana pokuta. uchí nuũ ta nana wü wií nachika guü̃ma ngema taguma koriga ĩ kuaechaü̃. ⁴⁷ Yima ore arü uruü̃, meama noru koriga na kua̰guchire natürü tama mea nana meẽẽ tama mea nana ü korí nawaekü, nagagüta nagu na pogüé muü̃ma kua̰güanema̰. ⁴⁸ Notürü yima tama nü kua̰kü, ñema amaregü kuĩchiga, iramareü̃ kuaĩta na ngemagü. Natürü guama teé muü̃ tüna aè, muü̃ma ta nawaé. ⁴⁹ Choma nua cha ũ ii ü mà cha gu ñema waimü, ngerü woè marü chona nguchaũ na marü na naí ⁵⁰ Notürü choma ngema wií baiechiga, ngemaükü ĩcha cha baieüka̰. ⁵¹ ¿Pema nagu perü ĩnüegü choma ngechaü peka̰ ñoma waimüwa cha ngé? Tama, choma tama ñacharügü, notürüwaí toyetü kumü. ⁵² Duka ñamaüchi arü nguneügü wiímḛtapeĩgü wií ĩpatawa, tomeḛpṵ dua̰tagü ta ti ĩgü contra tare, ngegumaruü̃ taregü dua̰ta contra tomeḛpṵ. ⁵³ Nümagü ta ni toyetu kumügü: Papà nanegüma, nanegü nanatügümà, mamà naa̰ ükü maã, naakügü naegümaã, na̰ẽ nanea̰mà, nanea̰ naḛmaà. ⁵⁴ Ngechucho rü ta nama nü ni ú ñema natukumü: "Ngeguma pemagü nüpe daugügu ñema buenü küema ina rü dagu daukenàama, ngeguma pemagü paama ñaperugü " yima ni pukü rü nua na ù " uchi ngemaakü na ngupetü. ⁵⁵ Rü ngeguma yima buenükü daukeama na wegu, pemagü ñaperügü: Poraküü̃chima tana naianeĩchí ñuma teè tüna naìrüü̃. ⁵⁶ Dorataa̰üchigüü̃, ngeguma pemagü nüpe kuagugü na ñuakü na ipena ueguachí ñema waimuchi peta rü ũchí daanatüwe, ¿Ñuakü tama pemagü nüpe kua̰güü̃ na ñuakü pena upetüü̃ ñamaüchima ĩ nguneügü? ⁵⁷ ¿Takü ka̰ tama tana poku ñema taka̰tama meü? ⁵⁸ Ngerü pemagü ngeguma perü uanüma ãḛkaküü̃tawa pe ĩgü, na menií i namawatama tüü̃ kurü ngümaẽẽ, na ngemaükü tama tüü̃ aẽkaküütawa tüna gagüü̃ka̰, rü ũchí ngemaü aẽtakü tama purichiana tüna aũ, ũchí gemaükü purichia tama poku pataü̃gu tüü̃ a tãkuchiü̃. ⁵⁹ Choma pema nüchi ù, pemagü ngema nawa èpí choü̃ ñumatata pena ütanü yiema ira̰üchí dieruãkü.