¹ Ñeguma, 14 tuuneküwena rü wenaãrü yerucharéü̃wa chaü̃ namaã gu bernabé, rü Tito rü ta ìchayaga. ² chama ñema cha ìnagü erü choü nana wé rü nüü chama we ì ñema meü ore nüü chì uü̃ ñema duuü̃gütanüwa. Chama bema namaã chì dḛ́á ñema duuügü aegukügünetaìgüü̃, ñeguma nüücha faüka na tama chìñaü̃, rü tama tá natükuma chì ñamareü̃. ³ Noturü baìtata TÌtu, chautawa ñemakü rü grìegochìreìkü, tama naa pochìgügü na ìna wìecha̰müpẽechìraü̃ü̃. ⁴ Ñema taenegüneta rü bema tutanügu nachoku tüü̃ nangugügüü̃ka̰ na ñuakü tüü̃ na ñemaü ñema meü̃ torü crìstu ya Ngechuchu. Nümagü na na weegü wenaarü nagu ìü̃ ñema guchaü maü̃, ⁵ Noturü tomagü baìtata ì ñugu ta ìnüeü̃, ñeguma nema aìkumaüü ì ò̰re meü peütawa na ñemaechaü̃ka. ⁶ Notürü ñemagü poruaküma nügü ì faü̃egüü, tama nagu charü ìnü, etü nüü chakua̰ nu Tupanapeewa rü guẽma ta wììgugü, ñemarü, choma nüü̃chìu, ñema nügü ì faü̃egünetuü tauma chouna chauwa na nuku. Ñema nümagü yyaìgüü̃ tama chorü meniĩ.Tupanarü tama wìeü̃rìka narü ngüeẽ, erü guema ta wììgugü. ⁷ Notürü, nümagü nüü̃ na daugü na chona na aãü̃ ñema tupana arü o̰re tümamaka a yiemagü ì wìücha̰müpẽechìraü̃güe, ñeguma pedru nana aürüü ì tupana arü o̰re tümaka u yiema ì wìecha̰müpẽechìraü̃güe. ⁸ Gumatama tupana, pedruü̃ pura kükü nüü̃ a uüka ì meü̃ ore tumaka a yiema ì wìecha̰müpẽechìraü̃güe, rü chauwatá napurakü tümaka a yiema duatagü. ⁹ Ñuguma chantĩágu, chefa rü kuáü̃, a ogüagu rü aegakügü nüü̃ nìkua̰ãchìgü na choü̃ no unetaü na chona üü̃ka ìñema purakü. Rü ñemaka̰ ñema ãḛgakügü, rü tomẽ nì yauãchìgü Bernabe rü chama.Nümagü ñaa na ügü ñeguma duatagütagütanüwa ta ĩü̃ka, rü nümagünaükü yiema ì wìecha̰müpẽechìraü̃güeü̃tawa na ü̃ka ¹⁰ Nümagürü tona naka̰ na kagüeü̃ rü tüü̃ nüü̃ ta faachìü a yiema ì ñearü dìeruagüemaá nüütìuüka, ñematama chamachìretama cha nawaeü na chana üchaüü̃ta. ¹¹ Notürü ñeguma chefa Antioquiawa na ü̃gu, tama nüü̃ cha nawae napeechametüwa erü tama name ì ñema nüü̃. ¹² Naüpa na ñure yatüü̃gü ñema ìü̃ chaütiagu rü chefa ñema mugüümaã ìnachìbü. Notürü ñeguma ñema yatüü̃gü ñema na ìgu, nümarü ìnìchaãchì rü yawa na ñema nüna ì ñema duuü̃gü tama yudìugüìü̃. Numarü nüü̃na muü̃ ì ñema tüü̃ ì poütanüü̃ na ita wìecha̰müpẽechìraü̃güü̃. ¹³ Ñegumarüü̃ta ñure ì yudìugü a õgüü̃ nawa na ügü ì ñema taweama chìeü̃ tama ì ugüeü̃. Düwa Bernabé rü ta natanügu naá ñema chìeü̃ namagu ìü̃ ì ñema tawewaama chìü̃ ì ugüeü̃. ¹⁴ Notürü ñeguma nüü̃ chada̰ṵgu na tama Tupanaãrü ore ì meü̃ tüü̃ ngṵẽẽü̃aküma na namaẽü̃, rü chefaü guü̃ma peena nachaũ nüü̃;"Ñeguma kuma yudìuchìrékìĩü̃, notürü ñema duuü̃gü tama ya oguukümaãkü ku maü̃ rü tama aìkuma wìì yudìukümaakü ku maü̃, ¿Ñuãkü ñṵma kunamuü̃ na yudìugükümagu naĩü̃ ì ñema duuü̃gü ì tama yudìugü ìĩgüü̃?" ¹⁵ Tomarü aìkuma torü bukümatama yudìugü tìĩgü rü ñemaãkü tama duuü̃gü ì tama Tupanaü̃ küagüü̃ tìĩgü; ¹⁶ Notürü, nüü̃ takua̰gü ñema nukümaü̃güü̃ ì mügü ñema Moìche ümatüü̃ rü tama tüü̃ nìmeẽẽ, rüna ñeguma Ngechuchu ya crìstu ü̃ ya õgügü. Ñemaka̰ tomarüta Ngechuchu ya crìstu ü̃ tayaõgü na torü õgagu toü̃ nadauü̃ na tìmeü. Erü nüü takua̰gü rü tama ñema mugügagunìĩ Tupanapẽewa tameü̃. Erü tauaküma aìkuma naga taĩnü ĩ ñema mugü na ñemaãkü tameü̃ka. ¹⁷ Noturü chì, ñeguma yiemagü náka daugügü na crìstuü̃ aãgüü̃, yiemagürüta, tawa nama narü ìna ì pekaduagüü̃, ¿Ñegumaena cristu tüü̃ nì pekaduã̰ẽẽgü? ¡Aikumaküüchìma tamayìü? ¹⁸ Erü ñegumachì chama wenaãrü naka̰ cha taegugu ì ñema nukümsügüü̃ ì mugü rüchì nuücharü ogu na crìstu ü̃ chayaõü̃, rü chì aìkuma wìì ì pekaduãü̃ chìì. ¹⁹ Erü ñema mugügagü, choma cha yu nágu ì ñema mugü, ñeguma TupanakarÌka cha maü. ²⁰ Chamarü crìstuma kuruchawa chìpokuchì. Marü tama chama chìü yiema maüe, erü crìsto chauwa na maü̃, Ñuma nema maü̃ ì nawa cha ñemaü̃rü Tupanananeücha yaõü̃küma nìĩ chamaüü̃ ì ñama ì naãnewa, rü nümanìĩ ì choü̃ nañechaü̃ü̃ü̃, rü nügütama naãü̃ chauka̰ ²¹ Chama tamanüü̃ chaó̰ó ì ñema meü̃ Tupana taka üü̃. Erü ñegumachì ñema mugügaguĩgu ü̃megu, rü ¡ notüka̰mamare chì nìĩ nayuü̃ ya crìstu?