¹ Ya yima yakü a Gayu ya aikümaãku nüũcha ngechaükü. ² Pa chaueneẽ, chomarü kuka cha yumaẽ na ñemaãkü guũma takü iku üü̃wa rü ñumachi kurü maüwa meã ya ũchigüü̃ka. ³ Rü taãküma cha taãẽüchi yeguma ñema ya õgüũ chaũtawa na ĩgu rü ñümachi kuchiga i meĩ rü i aikümaü̃ chomaã ya ugügu. ⁴ Na tauma choũ i to taãẽ ñaãrü tamaẽ yeguma nüũcha ĩnüchigagu i chorü buũgü na aikümaũ i namagu na ĩ. ⁵ Pa chaueneẽ, kumarü nagu iku maũ na ikuna üü̃ i purakügü namaã i kueneẽgü rü ñumachi togü, i duũgü i tama nüü̃ i cuagü, ⁶ Ñemagü niĩ i kurü ngechaũchigagu i deagü napeewa i ñema ya õgüü̃. Kuma rü meĩma iku ü erü Tupana nawaeĩãküma i kuna muãchitanü. ⁷ Naẽgagu ina choũgü rü ñemaka tauma takü ni ngegü tüũ ya yiema tama ya õgue. ⁸ Tomagü rü meãma tüũta yaügü erü tümagü rüta tomükügü itiĩgü nawa ñema purakü i aiküma. ⁹ Choma rü tümaka i chana wü i wui ñemaũ ya yiema ya õgüe, notürü Diotere, ya nüira a õchirekü, rü tama toũ na yaugü. ¹⁰ Rü ñemaka, ñegumachi ñema cha ügu rü chi nüna namaã cha kuaãchi i ñema norü purakü i na üü̃, nüma rü poraãküma chieũ deamaã tochiga ni dea. Tama namaã i taãeĩ i purakügü, nüma rü tama tüü̃ naya õgü ya yiema ya õgüe i ñema ore. Nüma rü tüna nana chṵu. Ya yiema tüũ na nguchaũchiree natanaüũ rü ñumachi yiema a õgüetanüwa tüü̃ i na nuũ. ¹¹ Pa chaweneẽ, taü ñema chieũ ikuya dauũ ẽkü ñema meũ naü. Erü Tupanaikatama niĩ meũ ükü. Tee chieũ üe rü taguma Tupanaũ ta dau. ¹² Rü aikümaũchi meã nachiga ti deagü ya Demé naka ñema naüü. Tomagürüta nachiga i ti ugügü rü pematama nüũ ipekua̰gü ñema tochiga rü aikümaniĩ. ¹³ Choü̃ nañema muũma i ñemaũgü i peka cha wüegachire, notürü tama choũna nguchaü̃ na na̰ãmü rüena wüetaruũmaã peka chanawü. ¹⁴ Choma rü ichana nguẽẽ napaaüra peĩ icha ya dau rü numachi ngoü̃wama yigümaã i deagü. ¹⁵ Pemaã na ñema i meĩ. Pemükügürü peĩ narü moẽ. Naẽgachigümaã nüü̃ iperü moegü i pemükügü