¹ Aliko, ¿chorika omerile, channe echi Abrahami, nopirika chabe nira,a binoi sapala, riwali? ² Napirika Abrahami ko nilampa ala wikawarame nopiri olali, binoi ko nimare bile ala machiwame ma ala kanilkuame ali pi ke Riosi nira,a. ³ ¿Ali cho ani echi osorutami? "ABRAHAMI BICHILI RIOSI ALI ECHIRIKA ANIRUTAMI NILI ALA KALARRAMI" ⁴ Jipiko no piri nochiko ni ala nira,a ke tararamí ju nopirika bile iyarame ali nopirika kaya iensa. ⁵ Ali nopi iri ke olasa ke biri nochika ali echona, a niraka bichiwi echi nopiri wikawi chati olami ali echi bichiwami aniruami ju ala kalaratame. ⁶ David ayenacho aniya kuwuirtami nira,a no piri echi rijoi echirika Riosi anne we ala ke biri oloka anochakuame, ⁷ Binoi ko chanili, "KUWIRTAMI JU ABONIKO NOPIRI KU WIKAWIKO JU CHATI OLA KUAMI ALI ABONI CHATI OLAKUAMI JU POLTAMI. ⁸ KUWIRTAMI JU ECHI RIJOI NOPIRIKA BINOY WALUWLA JESUKRISTO KE RUYESA ECHI CHATI OLOWAMI." ⁹ Ali ko, ¿jena ju kuwirtami anirutami pi echirikabi biwaramí, ali ayenacho echirika nira,a olarami? Ali tamojuko chanibo: "ECHI BICHIKUAMI NILI ANIRUTAMI NILI ABRAHAM NI ALA NIRA,A". ¹⁰ ¿Ali ke chorika anirutami nili? ¿Nop echi Abraham asali echirika olarame o ke echirika olarame ju? Ke echika olarame nili ali ke echirika olarame. ¹¹ Abraham nareli bile riwirtami nopirika oyala noka. Je na ko nili bile ala nira,a echi bichiwami nopirika ma olaya nokiyi nopi ali asali echirika olarame. Ali ku anirutami ju jena riwirtami nili echirika binoi ko nawali nisia bile onola karka nopiri bichiware ayenacho nopi ali aboni muchusa echirika olarame. Jena ko aniwami ju echirika ala nira,a ruyema re. ¹² Jena ayenacho animi ju nopirika Abrahami nawali ono, o nisia echirika olakuami echi nopiri isiyare ke pi echirkabi olarame ali ayenacho nopi iri chika najati echi simiwami bichika nira,a binoi ono, o Abraham bacha nira,a nisa echika olarame. ¹³ Ali wi alti karonti Abrhami ko ali ayenacho binoi kuchali binoi chapime reli karka nopiri niru jena kawichi, ke nawali ni walula nira,a nopirika ni kalartami nira ku bichisa. ¹⁴ Ali echi aboniko nopir pirere echi nularame nimare ala nirarame, echi bichiwali najiti pi rioksi ali echi naretami ma karka suwibi. ¹⁵ Ali echi nulami pi iyo, o ali nop ami ke niru nuluame kecho niruu ke nijiyakuame. ¹⁶ Jena machirutami nira,a jena ko ju ala bichiwami nira,a nakisu simirsa echirika natetika ali niso nayeami a karka Abraham kuchuli ke pi echirikabi nopiri ckika muchusa rile,e niriame nulamejiti, ali ayenacho nopiri echirika ruya re echi bichikuame Abraham jiti. Binoi ko ju onola nira,a karka tamojo jiti, ¹⁷ chorika chuku osurutami: "NIJE ECHIRIKA OLALI ONO NIRA NI KARKA BUCHUWUNI." Abrahami ko asali ni bachami nira,a binoi, no piri nije bichiwi, jena ko ju Riosi, nopiri niji bitelkuame no pirima suwili ali baye nopiri ma ke itelsa no piri asiwami. ¹⁸ Echali jonsa karka nopiri olali Abraham ni bichiwali nira,a bichili echi Riosi ali jubamirawe nira,a. Ali binoi ko nawali ono,o nira nima wikanami pirelkuachi ni anatika nijra,a echirika raicharamiju: "JERIKA NIMA KARA SUWABA MUJE KUCHUALA". ¹⁹ Binoi ko ke nili pi nayumi nira,a echi bichikuami, Abrahami ko machili binoi sapala ko nili pike omeram nima nisa kuchi (binoi ko nilampa ma bile siento bamibami). Binoi ko ayenacho machili nopirika echi Sarah nili ke omerma niwá kuchi. ²⁰ Ali nopirika pi echirika a nijilampa Riosi ko. Abrahami ko ke nilampa nopirika ke bichiwami. Bachoko ni ala, binoi ko kuwirtami nilampa bichikuamiti, ali ko iyalampa nawajin kuame binoi Riosila. ²¹ Binoi ko asali ni ala nira bichiwika nopirika Riosi nijili binoi ku ayenacho ala omerli bamiba. ²² Ali ayenacho nili anirutami binoi nopirika kalartame nima. ²³ Jipiko jena ko ke nili osorutami pi echirika bi kanili iyarami, nopirika anirutami nili binoi nira,a. ²⁴ Ayenacho nili osorutami nopirika tamojo jiti, nopiri ke nili ruyerami, tamojo nopiri bichiwi binoi nopiri wilasli Jesúsi binoi waluwala Jesukristo ma mukulachi. ²⁵ Jena ko ju nopiri nili nijirami echirika nira,a tamuje chati ololali ali nili wilastami nopirika ku wikarami nili chati olakuami.