¹ Nijeko ani, ¿Riosi riweli echi ralamuli? ke tasi echirika nisare. Nijeko yenacho ju bile israelita, echi bile Abraham rijimala, echi Benjamin bitelchi. ² Riosi ke tasi chakena riweli binoi iniwala ralamuli, mapu echi machili.¿ti emi ke tasi machi mapu echi raichali ani Elias niraka, mapali tanli Riosi echi israel jiti.? ³ "WALUBELA RIOSI ABONIKO MILALI ECHI MAPU MUJE NULELI RAICHANLA, ABONIKO KAJUNLI ECHI BACHAMI JARUAME, MAPI NIJE CHIBI RIPI, ALI ABONIKO TAMI IWIKALA AI"A. ⁴ Chopi, ¿chuyiri nili mapu Riosi ku nijewli? "NIJEKO KATEWLI NIJELIA KICHAO MILI RALAMULI MAPU KE TASI RALE WICHI CHOKOBKA NOKUALI ECHI BAAL JITI. " ⁵ Ali echirika jipe rawe ali yenacho niru mapu Riosi chapili we kanilame karia. ⁶ we kanilame nira, ma ke tasi pi niwarame ju. mapurika chusi"unarka niraka echi kaniluame nira ke kaniluame nima rueli. ⁷ ¿chorika? mapu Israel a'a chukuli, echi ko ketasi chapili, mapu chapiruame nili ko chapili, auchejare biwarka nira niwalti. ⁸ Mapurika osuruame ju: RIOSI A'ALI BILE IWIKALA KE MACHLUAME, BUSILA MAPU KE OMERA INEYA, ALI ECHI NAKALA MAPU KE OMERA AKEYA, JIPE RAWE YENASI. ⁹ Ali echi David yenacho ani: NAKIWI MAPURIKA ECHI MESA NAJITAMA MAPURIKA BILE MORALI, BILE MORALI, BILE RITE CHAKENA WICHIWAME ALI KU NIMIKUAME ABONY. ¹⁰ NAKIWI MAPURIKA ECHI BUSILA ROKOWARLI NIRA NIMA ABONY ALI KE TASI MACHILAME. CHULUBI ROMINIKA NIRA NIWA ECHI RIPOPA" ¹¹ Nije ti emi ane: "¿echi aboniko chakena rijuli yenasi rijusa? ke tasi echi rika nisare. Echi wakakuami, echi ku ni'ukuame nawali echi ke juriosi, mapurika we namayema. ¹² Jipe ka, echi korika jenai wichimobachi nirume namuti, ali echi wika namúti wikawasa echi Juriosi, mapali nisa minabi walu nisa mapu binoi iyarame? ¹³ nije ko jipe ti emi raicha ke juriosi, mapali nije nawesami nisa echi juriosi, nije ko iniwe ne kala isikuami mapu echona nije onocha. ¹⁴ Ni'sa nije isimire je na tami rijimala ki'na na'mayega. Ni'sa nije a sapala. sine rikachi a bile ni'umirema ¹⁵ Mapurika echi ke nijewli ko ju mapurika ku kaniluame jenai wichimobachi, ¿ke nimare ku narekuame, Mapurika ku biteluami echona mu'kume jona. ¹⁶ Echi mapu ne bacha nira nijakuame acharame, echirika choju echi batusi. echi nawala katiwarame nisa, echirika cho ju echi nawala. ¹⁷ e nalina jare nawala nalinarame nisa, ti emi, bile nawala ke kala, jipi ka ju ne bilenpi nira, ali nijisatmo echi nawala yua ne raiame echi rojua olivo aniliwami. ¹⁸ ke tasi anisi we kala kariatmo,e nalina echirika nisatmo, ke tasi ti emi ju mapu chapika uchuwa echi nawala, echi nawala ko ju mapu tamuje chapika uchuwa. ¹⁹ Echirika ti emi anibo: "echi nawala ko oporame nili mapurika ni bichiwame nira." ²⁰ echi ko ne bichiwa nira ju. mapurika ke bichiwame echi ko kalinarame nili, we nalina ti emi ko jawi ne bichiwaria. ke simirka natasi ti emi nira, we nalina majasi. ²¹ Mapurika Riosi tamuje ku wikawli echi mapu ke tasi bichili Riosi, ali ti emi ke tasi ku wikawarami nibo. ²² Inesi, ali, mapurika Riosi we kanilika nira olali . chusiwina nira echi biteluami nawali echi juriosi yua mapu ruijili. chusi wina nira, we kala Riosi nawa ti emi yua, ti emi asisaka we kala. chubilena nira ti emi yenacho kalinarame nira ju. ²³ aboniko, ke tasi u'unasatmko bichiwiya, ne ukuliwame nira nibaretmo. Echi Riosi ko ala ompamare ni ukuliwame nira ku niwaya. ²⁴ mapurika ti emi kalinarame mapurika echona siyonachi bile rojua olivo aniluame ke kala, ali echona siyonachi ku ukuliwame nira wilarame ju echona rojua olivo aniliwame, ¿chukipi jena Juriosi, chika ju echi nawala ne kala, ne ukuliwami nira ku wilarami mi ju echona rojua olivo aniliwachi? ²⁵ Nije ke tasi naki minapapo, rijimala, jena nochli, ke tasi ne kala nira natasi aboni mo'olchi . Jena nochili ko we biwarka nira ju echona israel pireme, mapali ma karaka Juriosi sisa. ²⁶ ali echi karaka kuwirtame inima Israel, mapurika echona osurume: " ECHONA ZION JONSA NAWAMA ECHI KUWIRAME . ECHI KO IEMA KALA JACOB NILA . ²⁷ ALI KO NIJE ANI MI YUWA, MAPALI NIJE IESA ECHI CHATI OLOWAME." ²⁸ Mapali echi ala nawesli, echi ko ju sayela ti emi jiti. chuwina nira ti emi, chapiruame ju echi Riosi jiti, aboniko kalerami ju chabe pireme jiti. ²⁹ Riosi ali omeruami mapurika aboni bi'ima. ³⁰ Mapurika ti emi nili chabe ke tasi nijewami echi Riosi, jipiko ti emi nareli ke kala ke nijuelia riatmo. Echikorika jipe jena juriosi ke nijewame ju. ³¹ Li karka machinli nili mapu kuwirali ineli inerli iyemi nira jiti, aboniko yenacho narema echi kuwirli. ³² Riosi ko erka muwili karaka ke nijewalaria, mapurika ku tamuje wikawama. ³³ Ne walu nira ju echi walubela Riosi ali ne kala natame ali ne kala namtame Riosi! yenacho ke wesi machi mapu simare ali mapu simirmare minana mi rawe! ³⁴ ¿chika machi echi mapu Riosi na'atli? ¿chika ala na'atli ia? ³⁵ o chika bacha a namuti echi Riosi, mapurika ku kuwana arame nima?" ³⁶ Echona jonsa echi jiti, echi jiti, mina echi jiti i'inira, mina chopi echi nira, echi kara namuti ju. echi nisare jiwerali ne sinibi nira. echirika ju.