¹ Pablo ali Timoteo, nochami Kristo Jesusi jiti, echi karka nopi mina simibali echi Kristo jiti ali Jesusi jiti nopi muchua echona felipochi, echi ocherami ali nulami. ² Echi jala kuirtami nima yemi ne kili kanila Riosi jiti nije onola ali walubela Jesikristo. ³ Nije natetari iya echi Riosi yemi aneka yemi jiti. ⁴ Chulupi yemi jiti orarika karka yemi jiti, ne kanilika ora'ra nije. ⁵ nije natetari iya mapu yemi tami yua muchuli echi Onoruami raichala jiti ne suku'chi rawe chobiji a. ⁶ nije ni bichiwa jena jiti, mapu owii'li echi nochala yemi yua ali echiriga a inarma mapali ju echi Jesikristo rawewali. ⁷ ne jala ju nije ine nilisa mapu yemi jiti karka suwaba nije mi niwa nije sulalachi. yemi a nili mapu tami yua muchuli mapa'li nije a bacharami nili mapa'li nije kuirtami nili ali echi nawesali. ⁸ Riosi ju nije mapu tami inea chuku, ne wabe nimi kale yemi ne natimaka echi Kristo Jesusi. ⁹ Nije ni orara jerika: mapu yemi minabi a kanilami nima ali ne ala machina echi natalkoami. ¹⁰ Nije ni orara mapurika yemi a machibo nopi ne jala ju, Ali me jala achina raichami nima ali me wesi icheawa nima Mapali kristo rawewali. ¹¹ Nije ni orara mapu yemi ne jala bichimi mapu chulubi jala olami nima nopi inara Jesikristo jiti, nopi rika Riosi niwala. ¹² Jipi ko nije ni naki mapu yemi machiboa, rijimala, nopi ikili ne bichiwali ne bacha mi minabi ola echi nawesami. ¹³ Echi jiti, nije niali karren echi kristo jiti ku gala machiami mapu tami tibua uchuli ne karka jiti. ¹⁴ Ne soki karka echi rijimala ne bichiwa echi Jesusi echi karrena, ketasi majasi raicha echi Riosi raichali. ¹⁵ Jare ne bichiwali ne wabe niocha echi kristo, ali jare ko ne jala nira. ¹⁶ Nopi ne juba juko echi ko ola ne gala natimaka ola, ne machika nimipo echi Onoruami raichala jiti. ¹⁷ Nopi ne bacha nocha echi kristo ne iweami anika ali ke kili nira. jareko jela nije siwe inila nopi ali karrena uchera ati nije. ¹⁸ ¿ali piri? sib'arika, ke bichiwali nisa o yena bichiwali nisa, pe kristo jiti bi nawisakoa, ali nije wabe ni kanila. yena, nije mi kanilama, a minabi kanilama, ¹⁹ Ali nije machi ayena kalanma re ne niuka echi orara uchuli yemi Ali echi Onoruami Iwikala jiti kuirtami ju ²⁰ Pi rika nije nakili ali echiriga a iniwa nakini kiebir namuti jiti riweali iyarami nima, ali oche cho, ali ke bi'iri majaka, nopi rika chulupi, kristo ko ne jala nira mi nima nije ropokalachi, nisa bitelkoami o mukuwami. ²¹ Echi bitelkoami ko ju echi kristo, ali mukuwami ko ju ku niurkoami. ²² A nije bitel sa ka pe ropokala jiti, oche biji ani omerma wika namuti ola. ali, ¿chowira ni chapimea? nije ketasi machi. ²³ Nopi jiti ketasi newala jala nata churika gala ju. mapu nije naki ko ju ku simiwami ali kristo yua asiboa, nopi minapi ala ju. ²⁴ Chopi, ne ripibo echona ropokalachi minapi a newalerami ju ne jala yemi jiti. ²⁵ Mani bichika jena jiti, a nije ko echona ripima ali yemi a yua inarama, ali minami oche kanilipo nopi bichikoami ju. ²⁶ Mapali nije yemi yua ku nawasa minapi kanilipo yemi. ²⁷ Pe nalina ne gala oloaka echi Onoruami nawesali echi kristo jiti, mapu nije ku simisa inesia chukuami nima, nije ayena ni omera yemi jiti nama, ne gala ripisi echi Iwikala jiti, ne gala natika, ne jiwerika ne bichiwika echi nawesali jiti. ²⁹ Ketasi magasi gare mapu sayerika iyena mi ju. Jena ko ju mapu wika najunli, nalina, nopi yemi naubo re, jena ko Onoruami jiti inara. ²⁸ Mapuriga yemi yarami ju, echi kalieka jiti, ketasi pe bichikoami, ali yena cho risu nilika kaleka echi, ³⁰ Ayena cho niwika echi na'alkoami nopi riwali tami jiti, jipi ko tami jiti nama.