¹ Alí jipi okuabi rawé asirli japi Pascua omawali mina pani ke basía niwami. Aboni nawesamiko alí osame ra'ichika nokali aboni, choriga chapimerika echi Jesús, mina milaya. ² Mapoalí aboni jeanili, "¿ke omakuachi?, mapuriga ke nukumema echi jaré pakotami." ³ Mapualí Jesús (Jesusi) asali echona betania echi Simón acha nami bitelachi, chukuli echona mesachi. Alí ko nawali bile muki bile buli karunt bawila okami we nateami, echi siwachali. Echi mukí ko kasinili echi buli mina mo'ochi Ro'eli. ⁴ Nop jaré muchili na'awa. Aboni raichaka jeanili: "¿Charike pe ri'yorks kulu'wi? ⁵ Jena sweet jukam ko ralinetam nisa riweli bakisiento nateame wenomi risuati yakuami." Aboni yonali echi muki. ⁶ Bioni Jesús (Jesusi) ko jeanili, "Choriwe si kilí. ¿Chorikare nukumena? Binoi ko we simarika olali tami jiti. ⁷ Yemi chulupi yuka muchuma echi risuti, Mapualí emi nakisa yemi ayena omerama ku'ira. Chopi nije ko ke chulubi yemi yuka asimearé. ⁸ Bioni ko isili naporiga nupali: Bioni ko kariweli tami ropokala mapuriga mukumé. ⁹ Nebichiwa nira emi ane, mapomi yenasi Riosi ra'ichali nawesarani níma chueani kawirali ayenacho ra' ichamaré, mapu'iricholali, maporiganatabo echi jiti. ¹⁰ Aliko echi Judas Iscariote, a bile mapu, echi makoi 'okua nili simili echi o'wela nawesami yuka karésiar churiga nijima echi Jesús (Jesusi). ¹¹ Mapuali echi o'wela nawesami ko namli aliko we kaníli, mina ne bichiwa nirá aneli naporiga natetama nomí. Alí ko binoi alí choriga yama echi. ¹² Mani chokichi rawe omawarachi echi pani ke basía acherami, mapu alí milali bile bo'wa echona Pascua (Pascuachi), mina bineami ko jeanili: ¿Komi nakimi simabo mapu kariwebo echi ko'wami Pascua (Pacuachi) niruami? ¹³ Mina Jesús (Jesusi) ko je'aneli echi okua bineami, simibaka echona wika rijoachi, yemi riwiboa bile rijo, sokoli akami bawi ro'aram jubami si najatisi. ¹⁴ Mapona echi binoi baki, pacha si mo'isí mina anebo echi kaleami., "echi binerami jeani, ¿komi jú echona pacha kalirali mapona nije komeare Pascua (Pascuachi) echi bineami yuka?" ¹⁵ Echi bioni inerama echona wabe ripa mapu kariwera ili: Echona kariwesi tamuje jiti. ¹⁶ Alí ko echi bineami machi buwali alí simibili echona wika rijowachi; mina aboni ko riwali karka nopirika bioni chaneli, mina aboni kariweri echi Pascua (Pascuach) kowawami. ¹⁷ Mapu ma aliwachi nili, binoi nawali mako'okua yuka. ¹⁸ Mapu'ali mesachi uchuli ko'wa alí ko Jesús (Jesusi) jeanika isili, ne bichiwa nira nije ruyema yemi, a bile mapotami yuka ko'wa tamí sayerka winijima. ¹⁹ kara sinemka we omonami muchuli, mina aneka nakali aboni "¿ni bichiwali anije kire?" ²⁰ Jesús (Jesusi) ko nije wili mina anili, "Bile jú mapu echi makoi'okua nili, echi samechi pani tami yua echona piliatch. ²¹ Mapujiti echi Rioji Ranala simirmare buwichí mapurika 'aní echona osirutachi chopi ¡Ne risúti echi rioji mapu kaleka wi'nijili echi Rijoi Ranala. Waminana kala níli mapu ketasi ranarútami nisa echi." ²² Mapualí ko'wa muchirali, Jesús (Jesusi) chapili echi pane alí natetara 'yali ali rojoanali. Mina 'yali echi aboni, alí jeanili: "chapisú jena, jena ko jú nije ropokali." ²³ chapili bile kopa, natetara 'yalí, alí echi aboni yali alí sineami bajili echi. ²⁴ Bioni jeanili: "Jena nijé lala jú mapurika karretami nili, echi ala ku'luwaramí jú wikabe jiti. ²⁵ Ne bichiwali yemi mi ané, ketasi auche sine ku bajima nijé jena uba bawila yenasi echalí rawéwali ku bajima auchesine echona mapo'na Riosi ju walula. ²⁶ Mapualí má nawajisa aboni echi bile nawikuami, aboni machi bu'yalí wamina chakena rabo echona olibos aniliwachi. ²⁷ Jesús (Jesusi) aneli echi aboni: "karka su'waba 'yemi chakena rojama, mapujiti echirika osirútami jú, JILIBMAN ECHI NISEAMI, ALÍ ECHI BO'WA KARKA MINA ROJOAMA." ²⁸ Chopi mapuali nije ma ku wilasrami nisa, simé nije bachámi 'yemi yuwa echomi Galileachi simiya. ²⁹ Pedro jeaneli echi bioni: "Tak kara su'waba mina rojoasa nije ketasi echirika isima." ³⁰ Jesús (Jesusi) jeaneli echi bioni: "Ne bichiwali nije mi ané mapu jipi rokó, ketasi cho kusúchi echi toli osua chokeami, muje tami kalenmaré basia chokeami." ³¹ Chopi Pedro jeaneli: "Muje yuwa mukume riwélsa nije, ketasi ni mi kalenma." Karka suwaba aboni echirika aneli olama ruwá." ³² Isíli bilen Getsemaní aniliwachi, alí Jesús (Jesusi) jeaneli echi bineami, "Jena'i muchusi mapuali nije Riosi yuwa raíchachi" ³³ Simili Bioni yurka echi Pedro, Santiago alí Juan (Juani) alí o'winali o'mona alí ne natka siweli ne wabe. ³⁴ Binoi jeaneli: "Nije aliwala ne we o'moni, ayenacho ma mukunali. Jena'i tibis alí kala 'naka muchusi." ³⁵ Jesús (Jesusi) pebi minana simili, chokoba chukuka alí Riosi tanali, a omersa ko, jena hor mina simirna. ³⁶ Bioni jeanili: "Abba, kini 'Ono, karka su'waba namuti a omertami muje yuwa, chakena simerri jena kopa, chopi ketasi olabo mapu rika nije naki chopi mapurika muje Binoi naki. ³⁷ Binoi ku nawali alí riwali kuchuka bitíme, alí riwali kuchuka bitíme, alí jeaneli mina Pedro: Simón, ¿o kuchía bu'umi? ¿ketasi omerali muje pe bile hor, naka atika? ³⁸ Kala 'naka muchusi alí tansi Riosi mapurika ketasi kalek bayertami nibo. ³⁹ Binoi auche sine simili alí tánali Riosi achikórika ra'ichka. ⁴⁰ Alí Bioni auche siné ku nawali, kuchiká bitím riwali, mapujiti ma we kuchunalami nili, alí aboni ketasi biir machili pir anebo rika. ⁴¹ Ma baisa chokeami ku nawali auche siné, alí jeaneli: ¿cho biji kuchuka biti 'yemi alí wisaba? ¡Ma pe chiyena! Ma sebali jú echi hor. ¡inesi! Echi Rioji Ranala má kalek nijirami jú echona sikalchi echi siti chati olámi. ⁴² Jabsi, ma simabo. Winesi, mapu echi tami winiji ma mulipi atí. ⁴³ Ke sa'inali mapali bioni biji a ra'icho ilirili, Judas, echi bile makoi okua, nawali mina wika pakatami jali chomi echi yua, wéli pilla mina kusu aka echi wéli nawesami nili, mina osami mina ocherami. ⁴⁴ Echi nijíliko machirali, jeaneka, "Mapu echi nije chumu, echi jú: chapisu mina otoso a'la tibuka. ⁴⁵ Mapu ali Judas nawali, we sapino mulubeli Jesús (Jesusi), mina aneli, ¡Rabí!" mína chumuli. ⁴⁶ Aliko aboni chapili aliko buleli. ⁴⁷ Nop bile chomi ilili machibu i'li pilla, chiwali bile weli nawesami yuka nachami alí nakala miteli. ⁴⁸ Jesús (Jesusi) ko jeaneli echi, "¿buyali yemi, sayersia tami mapuriga bile chigorami echi wéli pilla alí kusu yua mapuriga tami chapimea. ⁴⁹ Mapu alí nije chulubi rawe a´sali yemiyuka binera echona templochi, mina ke tami chapili. Chopi na ko ikili mapu echiriga a ikimea mapuriga osiruami jú. ⁵⁰ karka su´waba mapu echi Jesús (Jesusi) yua i'yenami nili mina ru'weli alí jumsli. ⁵¹ Bile towi ramali najataka sillibinoi. Mapu echi pi bilepi napachami nili chueni repakala; chapiti nop. ⁵² ich echona a riweli echi chini, Masli machi sapeka. ⁵³ Aboni ko toli echi Jesús (Jesusi) echi mina walula nawesami yuka. Echona napawili karka suwaba weli nawesami bika, alí ocherami, mina osami echi yua. ⁵⁴ Mina Pedro najatili mikabe jansa, mapa na patiach nili echi walubela nawesami asali. Binoi ko asibli japona echi tibuami, mapu echi 'mi na'irali sakala muchuli. ⁵⁵ Ali jipiko echi weli nawesami mina karka napawika alí karunt ra'chali Jesús (Jesusi) sayerka mapuriga omerama mitiya. Chopi ke riwali churiga. ⁵⁶ Mapujiti wikabé apali kalek ra´chali echi Binoi sayerika, chopi mapu ra'chali ketasi chop yiri níli. ⁵⁷ Jaré jabka ne we kalek ra'ichka nokali echi sayerika, aboni jeanili. ⁵⁸ "Tamuje namki jeaníme: "Nije kojuinama jena ro'oba sikala jiti niwarami, alí baikia rawe sik nije kaliramarú auche bile, ketasi sika jiti niwarami." ⁵⁹ Alí mapu yir ra'ichili ketasi kala bichiwali nira nili. ⁶⁰ Echi o´walula nawesami wiliska alí rukueli Jesús (Jesusi): ¿Muje ketasi biiri ku nijewi? ¿Piri ra'ichka ani aboni mi sayerka? ⁶¹ Bioni ketasi anika ripili alí kebiir ku nijewika anili. Alí auche sine echi walula nawesami auche sine rukeli: ¿Muje ju echi Cristo (Kristo) echi Riosi ranala?" ⁶² Jesusi ku nijewali: Nije jú alí yemi riwiboa echi Rioji Ranala mapalí bioni echona walualachi otona sikalch atím alí nawam echo noli yuwa echona riwigachi jonsa. ⁶³ Echi manana walula nawésami, binoi napachali chiwanali alí jeanili. ¿A cho biji newale bile mapu kala riwali? ⁶⁴ 'Yemi kala namali kaleka ra'ichami ¿Pir olabo jena jiti? Alí kara su'waba echi ichéwali, mapurika bile miliwámi nirá. ⁶⁵ Jaré ko o'winali kachipia, alí chu'lubutali cho'ola we iweka wipisó, alí jeaneli: ¡Ra'ichi jipi! Alí echi sontarsi aka simibali alí wipisoli. ⁶⁶ Mapalí Pedro asali echona rile uchírachi, nawali echomi bile nochami echi owela nawesami yuwa. ⁶⁷ Echi bioni ko riwali echi Pedro mapualí sokala ilíchi echomi mulipi napuchi, alí mulubénali inema ruya. Jonsa binoi jeaneli: ¿Muje ayenacho asali echi Jesús el Nazareno (Jesusi Nasareno) yuwa? ⁶⁸ Chopi binoi kalenli, jeanika: "ketasi machi, ketasi newala piri jiti ra'icha muje." Jonsa Pedro mina simili echona jonsa. ⁶⁹ Chopi mapalí echi muki nochami riwisa o'winali jeane jaré mapu echomi ajalí: "¡Jena bile jú mapu Jesús (Jesusi) yuwa biné! ⁷⁰ Chopi bioni auche sine kalenali, pe alinla mapu echomi ajali jeaneka nokali echi Pedro, ¡Ne biwicha muje echi níl kiré mapujiti muje ayenacho Galilea (Galileachi) biteami jú! ⁷¹ Chopi binoi o'winali siti namuti aneka aniya Jesús (Jesusi) jiti alí ne bichil nirali jeanika: "¡Nije ke machi jena rijoi mapu yemi ra'icha ani!" ⁷² Alí jonsa echi toli ma kusuli osua chokeami. Echalí jonsa Pedro, ku'natali mapu Jesús (Jesusi) anili: "Kecho kusuchi echi toli osua chokeami muje tami kalenma basia chokeami." Alí bioni ne simirka o'monali alí nalali.