¹ Mapali Jesusi ku ikinli echona rabo jonsa ikia raramuri najatili. ² Bile rijoy na mulubenli Jesusi, niwaminili echi lepra, na chokobli, na jeanike onoruami na muje nakisa muje omermoren okuleami niwa. ³ Kayanika Jesusi sikala na ochali jeanika "niye naki na okuleami" we ikirka cu sawarami nili echi lepra. ⁴ Jesusi jeaneli: Mineni kie iwesi anemam chuke ira rijoy, na simikamuje bulacha inermam echi saserdote otome wanomi napoburami echi nulali Moises echirika rusa chorika bite binoy echi aboni. ⁵ Mapali Jesusi bakili echona Capernaúm bile walola sontali nawali na Jesusi, tak ⁶ jeanika: onoruami nije niwali nocholi na ku isapmam echona kalirla kie omorami lisa na we okomi. ⁷ Jesusi jeaneli: "nije sime na ku sawaman" ⁸ Echi walula jeaneli: onoruami kie kala juni namuje baksa na rile echona pa kalina chukumi; chopi ani na raichala na muje yuka nochami ku sawarami nimare. ⁹ Ayenacho nije jun bile rijoy mapu wika nulan, iniwin sontali mapu nije nulen niye anesan echi,; na simi, echiko na simi; bichile ko bay, na echiko nawa; na nije yuwa nochomiko, nada echifo da. ¹⁰ Mapali Jesusi anamli na binoy asali we kanili na Jeanili, mi mapu najata sirli: ni bichiwanira na Jeanin yemi, kie riwan echikala bichiwami echona Israel. ¹¹ Jeanen ikia simea echona omi jonsa ayenachona nalin na mochuma echona mieschi nali yuwa Abram, Isaac na Jacob echi walula pari riwikachi. ¹² Mapo echi euch na walula nimare lutami mo echona ilichi mapo niru risu nilkuami na rame chaname. ¹³ Jesus jeaneli echi walula, ¡simika! Echirika bichisa echirika olarami nima muje jiti. Echi nochami ku sawarami nili echali chiyena ora inarachi. ¹⁴ Mapali Jesusi nawali echona calirla Pedro itechi, binoy riwali mooh Pedro buwili we ratakami. ¹⁵ Jesusi ochali sikala na echi ratakami riweli najonza binoy ilisli na owinli nocha echi Jesusi. ¹⁶ Mapali nowali aliwachi, raramuri toli exhi Jesusi ikia echa riwerami echi kie kaloikua Binoy machi pali kie kala ikua bile raichali na sawali karka mapu nayuka ienli. ¹⁷ Echirika na ikili mapuikime ruweli mapu mi anili echona profeta Isaias mapali anili ECHI CHAPILI TAMOJO NAWILI TOLI TAMOJO OKOLI. ¹⁸ Jipi, mapoali Jesusi riwali wika relamuli nolerka Jesusi, Jesusikala aneli mapo simamare echona chebilenachi marchi Galilea. ¹⁹ Mina jonsa bile walula nulem mulubenali echi Jesusi je aneli: "binerami, nije najatama mapo echona yenasi inaro muje." ²⁰ Jesusi je aneli echi: "kiyochi iniwi rosochi, chuluki echona riwigachi iniwi rosola, chopi nijeko Riosi ranala nijeko kie imuwini mapo isabamare." ²¹ Chevile binoy iyuka iyenili je aneli echi Jesusi: "Jesusi, nakiwi bacha nije simia tosa ni onola." ²² Chopi Jesusi je aneli echi: "tami najate, cha riwe suwikimi chopi toma abo ku suwikimi". ²³ Mapoali Jesusi bakili echona barkochi, simili binoi bineami yuwa. ²⁴ E na iba, echona ikisili bile walu wikaki echona walu bawechi, chopi echi barko otowi inorli mapsali Jesusi Chuka buwili. ²⁵ Aboni bineame achasili echi Jesusi, je anika: "kuiri Jesusi ¡mani suboa rete!" ²⁶ Jesusi je aneli echi bineami. "¿Chonoka maja, yemi kie me bichiwame?" Mina jonsa binoi Jesusi ilisile mina ilabili echi wika echona bawechi mino kili ilibili. ²⁷ Ralamuli wabe kanili mina areli: "¿Piri rijoi ju, ika mina echi mar kala nije?" ²⁸ Mapoali Jesusi ma nawasa echona chebineli echona nili bileni pueblochi echiriweachi Gadarenos, okua ralamuli mapo nili kala iraprami kie kala suleami nili rirutami Jesusiti. Aboni buwa ochuli echona chuwechi nili we cha nokuami, echirika kie wesi okama simira echona buwe. ²⁹ Aboni sinali mina aneli: "¿Piri iniwi muje jiti, Riosi ranala? ¿Nawali nai satikarsa chabepe jonja?" ³⁰ Jipi wika kochi muchili echona kowa kie ni mika. ³¹ Echi kie kala suleami tanika na Jesusi je anika: "muje machi poja jula echi wika kochis". ³² Jesusi aneli aboni "¡Simibika!" echi chati machinili, mina bakili echona cochi mina jonsa echi, kochi jumili ki isabaka, echali chiyena si rujisa echona bawi na suwili. ³³ Mapo ralamuli na ucchili kuchi tibu jumili pueblochi echona ruli mapo cho ikila echi kochi jiti na mina okua ralamuli nili chapinami ke kala iwakatigiti. ³⁴ E nahiba, karka kia rijawachi buwali asía echi Jesusi. Mapoali aboni riwali aboni tonili riwenla echonoma pueblochi.