¹ Mapu ikile echali Jesús (Jesusi) sunile raichaka karika namuti, jerika aneli echi dicipulos: ² "Yemi ko machi napurika echali kpua rawé nawama echi pascua, alí echi rijoi kuchuala inijirami nima ré napurika kursichi wichaka mitiruami nima ré." ³ Napurika echi sacerdotes bacha uchuami aly echi ocherami ralámuli napawika muchili echoná palaciochi echi sumo sacerdote napu riweami nile Ciafás. ⁴ Aboni napawika raichaka anili churika chapiboa echi Jesús (Jesusi) napurika miliboá. ⁵ Napurika yemi anili: "echali omawaluachi napurika ke nakata jarma echi ralámuli. ⁶ Napo alí asali Jesús (Jesusi) echomi Betania Simón (Simoni) bitelachi alí lamesachi chukili nayua echi buya kami, ⁷ alí bilé muki nawali echomi frasko aká we nateami alí moochi ucheli. ⁸ Napo alí disipulos riwali, na áwali alí jeanili: "¿chusika pé riyecha?" ⁹ Pe ralinesa relavá alí pe risuati kuirsa relako. ¹⁰ Alí Jesús (Jesusi) kó, machika, echaneli: "¿Chu eiká molestari echi muki? Napi ria echi muki kala olá. ¹¹ Sinibi niibo echi rituti yemi yuwa, achigorika keni sinibi nima nije yuwako. ¹² Mapali echi ma buchuwi ucheli repokala we simati jukami, echiko alati tami jitra. ¹³ Nebichi wuali mi ane ayenacho ma buchuwi nira nawisarami jena raichali jenaí wichimobachi, ma nataka nima jena muki jitra mapu irí olali." ¹⁴ Aliko bile rijoi mapi yuwa nili makoi okua, echi Judas Iscariote ma simili echona walula bale bachawuami yuwua. ¹⁵ Alí anili: "¿Piri nijibot nije mi yasa?" echiko ma nawálí echi plata winomi basia makoi nira echi jitra. ¹⁶ Echaliko, ma alí churika nima mapurika nijibo. ¹⁷ Ma ne bacha rawe nira ke levadura niwuami pan alí echi nawuesami aneli Jesús (Jesusi): "¿Kumi naki mapuriga niwibo mapuriga komea mi echaneli omowa echi?" ¹⁸ Binoi anili: "Simasi echona olulachi alí anesi: 'Echi binerami jeani: 'Nue hora ma mulube jú, nijeko niama amawuali bitichi nije pionala bitelachi." ¹⁹ Echi pioni olali mapuriga Jesús (Jesusi) anilí , kariwueli echi koawuami echali omowuawuachi. ²⁰ Machona chi, echi asali kowua makoi okua yuwua. ²¹ napu aly koyá muchirili jerika aneli: "Wichiwika napurika aneli bile yemi tami inijimare." ²² Aboni kó we amonika ripili alý rukéka nokali: "Achi nije nimare ti ¿muje walubela?" ²³ Aly binoi ku nijeka anili: "Mapu bacha echi sikala echona platochi tami yua echi jú ma tami inijima ré. ²⁴ Echi Rijoi Kuchuala echirika simeare mapuriká osurutami jú echi kitra, ¡inapurika echi ralámuli napu nokali iniji! Napo ke kalabe nima echi ralámuli kitra napurika ké ochersareli." ²⁵ Judas, napu inijima ré jeaneli: "Nije nima re muje binerami?" Alí jerika aneli: "Muje binoi echirika anili." ²⁶ Nopo alí kowá muchili, ali vilé pani Juli Jesusi, arli matetai yasa rojanali. Alí yali echi disipulos ali je anili: "Jusa kowá, nijé sapala jú." ²⁷ Alí vajisa echi kopachi ali matetari yali, alí che vile yaka anili: "vajisi, yemi sineami. ²⁸ ana kó nijé lalá jú napi ria nijé kuluki yemi chati olalila kitra napi ria vimerami nima. ²⁹ napo ria ne ane, ne ma ke vajima echi fruto vawila ochesine yemi yua vajima echomi riwigachi napo nijé onola ati. ³⁰ Napo ali nawajisia, simivli echomi kawichi Olivos aneliachi. ³¹ Mina Jesusi aneli: " Karka yemi anapana jipi rokojo nije jiti, echirika Riosi raichala ani: 'NILIMEA ECHI NAWESAMI ECHIRIKA NIJE INIWILA BOWA ECHONA PUEBLOCHI SIMAMA KARKA RIWESA.' ³² Chopi, mapuali maku ilasarami nisa.Simeani bachami juba yemi echona Galilea.' ³³ Chopi Pedro je aneli echi Jesusi: "Sinem kach karka riwesa muje siti, nije kie sine riwema." ³⁴ Jesusi je aneli: " ni bichiwua mi anemani, jipi ali rokogo abepi echi toli kusuga, basia chokeami na kolenmare." ³⁵ Pedro je anili: "Echirika mukumea muje yuwa, kienikalemare."Mina karka bineami echikorika anili. ³⁶ Mina jonsa Jesusi simili echona aboni yuka bilene riwewachi Getsemani mino je aneli echi bineami: "Muchusi nayiba nije simea echona mina atanamani." ³⁷ Iwurili Pedro echi okua Zebedeo kuchala si mapo Jesusi yuwa yenama riweli mina jonsa owinli omona siweka majali. ³⁸ Mina jonsa anili: "Nije aliwala we omana atini nilini ma mukumea reni. Nalliba ripisi mina anuka muchusi tami yuga." ³⁹ Mina simili owinili tania je anili: "Onola nije niwali, ni muje nakisa ka mupo simerami re jena copa nijeli, echiriko, kie nije binoi nakisa, chopi muje nakisabi." ⁴⁰ Nawali echona ku bineami mina riwali kochiga tiami, mina aneli echi Pedro: ⁴¹ "¿Kie, omerali manaka ochuwa tamijiti bile hor? Kie kuchisi tanasi maporika kie omerama echi bi uchemi.Nije iwala naki kala olasias, chopi echi sapala ko ju kie jiwerami." ⁴² Binoi aunchesine anapili tansia; echi aneli: "Nije onola, je nali kie simirsa mapo nije kiebajika chopi ola muje naki." ⁴³ Binoi aunchesine ku nawali ali riwali alí riwali kuchuka bitiame, echirika obini susila ma kuchumuali. ⁴⁴ Mina simili ochesine riweli, taniti ochesine basia chokeami anile chiko rika raichali. ⁴⁵ Mina Jesusi nawali mapo echu na muchuwili bineami mina je aneli: "¿Abajiab chukachuu mina asabili? Wenesi, echi ora ma nawamare echi Riosi ranala nima re nijirami echona nati olami sitalachi. ⁴⁶ Jasika mina simabo. mapo tami niji ma walubeni. ⁴⁷ napualy raicha asali, nawali echi Judas, napu nile echi mako okuá. Wikavéka ralamuli echi sacerdote vacha uchumi yuá aly echi ocherami echona pueblochi pireami simiple echi yuá. Sile muruka wika ripika aly kusí. ⁴⁸ Jipiko echi rijoy napu inijile echi Jesusi yarami nile vilé ruyami. Je anera mi ju: "Napu nije narepama, echi jú ne kala chapisa." ⁴⁹ Aly viché nawali Jesusi anili: "¡narepali echi vinerami!" kaniliko narepali. ⁵⁰ Jesusi anili: "Amigo, ¿piriolasia nawali? ali viché siká avoni má chapili echi sikala. ⁵¹ Nevo echi vile napu yua muchile echi Jesús (Jesusi) machivuli echi sikala juli echi ripika aly ripuna pali eco nochami nakala Sumo Sacerdote niwalá . ⁵² Alí Jesús (Jesusi) je anili: "Katiwa echi espada, napi iki chapi echi espada mukumea. ⁵³ ¿Majé ke mae nijé kó tanma nijé onola, alí echi ko julama makó okua anjeles? ⁵⁴ alí, ¿ko kalá olava echi osiruami, napi ria ikimea ré?" ⁵⁵ Alí echaneli Jesús (Jesusi) wiká ralamuli: "¿Chusika espadas ali kusi aka vuasli napi ria nijé chigoramí nira? Nijé sinivi rawé asaki echomi templochi vineria, alí nijé ke chapirú. ⁵⁶ makarka simirali jena mapu osalí echi nawuesami ma sebali ikili." Makarka riweli echi nawuesami alí simibali. ⁵⁷ Mapu ma machili alí ma yurali auché bilena Caifas echona wualulachi, mapuna osami alí ocherami napawili. ⁵⁸ Achigorika Pedro ko najatali mika jonsa ami mapona muchili valé. Alí bakili ali asibali echi tibuami yuwua ali machimea ruwua juba rawe nira. ⁵⁹ Ma jipi echi bacha bale karka suwuaba aá muchiwi kaleka raicha sayeraka Jesús (Jesusi), mapuriga omparma milaya. ⁶⁰ Alí echiko ke birí riwauli, echigorika wiká ralamulí testigo kaléami muchili. Alí isili auche okua. ⁶¹ Alí anili: "Jena Rijoi anilí: nije yena omparma kajuna jena Riosi kalila alí niwuama auche sine bakia rawe." ⁶² Bile nulami wilisali alí jeanili: ¿kemi niwua jubawuala? ¿piri ruwua ni mapurika mi sayera uchiwi?" ⁶³ Ayenacho Jesús (Jesusi) ke anika. Alí echi wualula jeanili: "Nije Riosi sinibi biteami, rubo Cristo nilisa ka, echi Riosi ralana." ⁶⁴ Jesús (Jesusi) ku nijeako anili: "Muje ju mapu anili nije mi ane nai bachami riwime Rijoi ranala atiami onola yuwua, ripariwigachi yonsa nawuami." ⁶⁵ Chijonsa olula nikami wikali binoi napachali alí anili: "rawichali kekala ¿riwichali abijiti newuare kala aniami? Inesi, jipi nami chijuntami raichami. ⁶⁶ ¿Cho kipeten?" Aboni nuewana jeanili: "Echi binoi chokila ju maponga miliruami nima." ⁶⁷ Alika aboni kachipli cha´ola mi na pisali,mina ochali aboni sikala jiti, ⁶⁸ Mina anili: "tama ruye, muje Kristo. ¿Chika mi pisoli?" ⁶⁹ Jipika echi Pedro asali echona machí hipotachi, alí bile nochami muki nawali echomi. mina anili: "Muje ayenacho ju mapu yenli echi Jesusi Galilea biteami yuca? ⁷⁰ Chapi bina ka kaleli kara yuá,jeaniko: "Ketasi machi pirti ra´icha muje". ⁷¹ mapu alí echi ko machinli yechi má iwachi, chabile nachami muki riwali alí ka jeaneli echi chojare mapu chumi machili: "Jena rijoi ayenacho yenli echi Jesusi Nazaret biteami yuka." ⁷² Auchecho sine kaleline bichiwali nira: "Nije ketasi machi echi rijoi." ^{73 75} Alika chopi iteli mapu jali mulipi echami isili mina aneli echi Pedro : " Ne bichiwali mujé ayenacho ju echi; mapuriga muje ra´ichali machiró." ⁷⁴ Aliko echi ka winalí chati ísi mina chati ra´icha : "Nije kelasi machi echi rijoi." Mina ke sa´inati kusuli bile talí. Aliko echi Pedro natili echi ra´ichali napa Jesusi chaneli: "kecho kusuchi echi tolitami kalenma basia chakeami." Ali machi ku machinli mina nalali we chanilika.