¹ Chure echoná waruberachi ripari wikachi mapó binoy niwali jú eche kawi mapó machinea baya biji kalá anime eche jare nochame yuwa kúmi kalá ruweli. ² Aribiche kalá natali eche nochami jiti natetama riweli eche onomi bile rawé, ali riwali binoy ichiruwami. ³ Aribiche auchesine machinile echona mulúbé orá bakia sebache riwali wche bilenochami maké nocha asari echona iká namuti raliné wachi. ⁴ Echibela anili: 'Simibiga yemi yenache tami niwali namiti yenacho nekó natetaname naporigá nijé naqui.' Ayibiche aboni simibile nóchasia. ⁵ Né bukúliame machinaleechoná mulubé eche hora usani, né bukulimenili hora quimakowi á echikoriga olali. ⁶ Ari viche pe ariwari ke ayo ku buyáchi echi jaré nóchami. Ali jeaneli: '¿Chu siká pe kili muchú ne sine rawe?' ⁷ Ali echi kó jé anili: 'Chu sika ke wesi tamo riwali.' Ali chaneli: 'We simipika nochasi echomi wasachi.' ⁸ Napo ali ma chonachi, echi wasá niwami ali nulami yu ká nawili: 'Vayee echi nochami ali natetivo winomi, ne juvana jonsa ali vacha ná.' ⁹ Napa ali sili nochami napi rika nulerami nili makoy, ali ivilá natetrami nili. ¹⁰ Napa ali vacha siká nokali nochami, mayeli wika natetivo, ivilpi nira. ¹¹ Mapali nareli echi nocháli we nasinali mapu yuwua nuchukeli aboni. ¹² Anili:' Jena nochami nochali bile hara, achigorika muje olali chopi iri nili tamo yuwua, ayenacho ratali ali wikóta.' ¹³ Achigoriká mapu niali nili ánili, ali aneli ibili nira: ' Kini apanéro, nije ké biiri olani mi yuwua. ¿We ké nata echi wiká winómiwuami? ¹⁴ Muje ko anarema mapu iri kare ali winabi inaro echomi nochami mapu iri mi yaki achigorikacho. ¹⁵ ¿Nijeko ké naki mapu iri yemi niwuama mapu nije naki? ¿We muje bósila ju chati alicho nije kalá ju. ¹⁶ Echiriga manijuba rawe echiriga nima echabó nejuba rawe nima nebacha echaliko nejuba." ¹⁷ Mpali Jesusi moli bileana alulachi chapili ayenacho echi mako oka awienacho buchi awienacho: ¹⁸ "Kalawinesi mapuriga simabo echona wualulachi binoy anili rijoi echikonima nijirame nima bile wualula nulame nibacha chukuame echiko olama mukuawama. ¹⁹ Ayenacho nijima auche jare simarama mapuriga cala olali rusu olami mapuriga kursichi chijonsa bakia chilesa chaliko ku owinama." ²⁰ Chijonsa echi iyela ayenacho ranala zebedeo nawuali Jesusi yuwua waenocho nawali bino ranala bino natali echabeala bikoitanali mapuriga nikurama ali tana namuti. ²¹ Jesusi aneli:" ¿Piri naki?" Echi aneli: "Tami ya napurika jená okua nije kuchuala nimi yua mulipi a najupi muchima echoná." ²² Echaly Jesusi ku nijeká aneli: " Yemitamo ke machili mapu piritamo tami tani echi tamo anachaka omervo napurika nije onachama napualy wave simirami nima risu alami nima. ¿Achi tama anachama napoli mi niruami nima?" Aly boni jeanili ayena omervo" ²³ Echi je aneli: "Wichiwika vajima echi capachi napurika asimea tami yua nije sikalachi vile watoná aly auche vile sikala owiná kesi nije niwala ju napurika yama, echi avoni jiti echona alarima mapuechona muchivo." ²⁴ Napualy auchejare echimakoy discipulos kipuli echi raichali, ke kanilka ripili echi okuanika rijimala yua. ²⁵ Napualy Jesusi vayeli napu vinoy atili jerika anely: "Yemi kó machi echi nulami echi Gentiles risú olali echi ralamuri nateami napurika echi walula nira nima yemi yua. ²⁶ Ke lá echi riká nisa re vá yemi kitra kó.Napi riká, vilekó ne walula nira nilnikó pevla nikurami nisaré, ²⁷ napi ria vacha nira najitanali kó pebla nikuriami nilá ti re vá. ²⁸ Napi ria nawali echi rijoy kuchuala que la nawaliva napo rika kuirtami nirá nima, echi ko nawali kuirmia suwaviká." ²⁹ Napo ali Jericó jonsa sirali, ne wiká ralamuri najatika nokáli. ³⁰ Ali riwali vowichi muchuami Jesusi simirachi, ne sinaka.Je anili: "¡ Rijoy David kuchua, tami kuiri. ³¹ Ayenacho wika jirali ali aneli ke anika, aliko echi minabi wueli sinali anika: "¡Muje David ranala tamo kuiri!" ³² Echaliko Jesusi ma wilibáli ali anili: "¿Piri naki yemi jitra?" ³³ Alikó anili": "Tamo ko naki tamo busili ku iraptami nilsa." ³⁴ Ali ko Jesusi, ma kuirali ali chapili busila ali wesapuko ku machiláli ali ma najatali.