¹ Usani rawe Jesusi chapili echi yua, Pedro, aly Jacobo(Santiago), aly Juan echi rijimala avoni simipli ripa vilena ravó we ripabe wiliami. ² Aly vinoy kuliwami najitali echi yua.Vinoy vanála rapakami nirle napurika echi rayenali aly vinoy sipuchali najitali rapakami napurika ³ Jenay ati echi yuá machinali Moisés aly Elías raichali ehi yúa. ⁴ Pedro jeanili echi Jesusi:"Muje rijoy kalajuko muchisa jenay nakisa muje niwavo vakia kali vile muje niwala, auchevile Moisés niwala,auchevile Elías". ⁵ Napualy echi raichali jenay vile noli we rapakami echi navoli aly kó raichali machinali echona nolirali jeanili: "Echi ju wekalerami ranala napu we kanili echi yuá. echi kipuvo." ⁶ Napo ali discipulo namali, rilé rujili we majaká. ⁷ Ali Jesusi nawali ochonika ku je aneli: "Jaska keé maja." ⁸ Alivche nenli ripari que namuti riwali, vineli vi Jesusi. ⁹ Napo aly rikinali ripá ravo jonsa, Jesusi je aneli:"Muje ke wesi ruye echi napi rika mukuka vuwisa ku asisima rijoy ranalá". ¹⁰ Ali echi discipulo rukeli,jerika anili: "Chu siká echi osami kó ani vacha Elías nawama rú?" ¹¹ Ali jeanili Jesusi: "Elias ne bichiwuali simeáre mapu olasia karka namuti. ¹² Ayenacho aneli, Elías ma nawuáli mápu nakili echi yuwúa.Achigorika echi rijoi Ranála, ayenachó siweka inarma binoi sikala." ¹³ Echaliko echi nawuésami kála kipuká nokáli mapali echi raicha sali Juan Bautista jitra. ¹⁴ Echáli ma sisa wika ralamuli, ali bile rijoi bachami chobka chukubali ali échi, anili. ¹⁵ "Tami kuiri Rijoi nije ranala náyu natake sinibi ali nairali. ¹⁶ Nije pali muje niwali discipulo, yua avoni ké omerali sawé." ¹⁷ Jesusi jeaneli: "Echi jare mupu vinoy vinerali yemi ké tasi kala vichiyami, ¿Churiko jonsa ripima yemi yua? ¿Churiko jonsa nijé anachama yemi yua? Aniná to jenay". ¹⁸ Jesusi jeaneli echi demonio machinali echona jonsa, aly echi towi má sawerami ju echali rawé. ¹⁹ Napualy echi discipulos sili echona Jesusi atili jeanely: "¿Chuala tamuje ké umerli machipá?" ²⁰ Jesusi jeaneli:Napurika niwami nile petá wichiliwami.Napurika nije ani, muje nili echi wichiliami napurika petá niráka napurika vile rakala echi mostaza, muje anema echi ravo:Chakena simika aly ko nokome echi ravó. Kiwesi amerami ju tamuje kitra. ²¹ Echi vile demonio ke machina ke tanika ali que ayunarika." ²² Napa ali muchili echomi Galileachi, Jesusi je aneli:"Echi rijoy kuchla iniarami nima ray. ²³ Ali echi ko milimea ré, ali vikia rawe ku asisima."Ali napi yuka yenli kó we omonika tivili. ²⁴ Napo ali sili echomi capernaúm, jare ralamuli winomi natetia jarali echomi templochi ali simipali Pedro yuka ali jé anili: "¿Moje vineriami ke nateta echomi templochi? ²⁵ Echi chanili: "ayena" Napo ali vakili Pedro kalilachi, Jesusi raichika anili vacha echi yua ali jeanili:"Chu rikami maye mose, Simón? Echi nulami, ¿Echi jare vujeala jenai wichimovachi nurarami, chika nipama avoni? ¿Ke cha nipama echi ache jare isena mika pireami?" ²⁶ Mapali Pedro anili:" Echi Mapu iri pi simarámi"Ali Jesusi anili:Achigorika echi járena pireami a ma simarma mapuriga natetali. ²⁷ Ayenacho echi mapu nipá muchúwi mapu simarbo natetaka mapuriga ke miná chati oláma, ali simiká echona bawirali ali echona páa echi gancho mapu róchi uma ali bacháju mapali muje irapsa echi rinilá ali riwimé winómi ali bakia rawe si atiam.Ali jusa yabo mapu nomi tana muchuwuami echona ayenacho muje si ali nije."