¹ Alí jaré osami alí fariseos (fariseosi) sili echomí Jerusalén (Jerusalenchi) Jesús (Jesusi) yua; alí jeaneri, ² "¿chusika mojé niwala disípulos ké olá tradiciones napi kiyawami olali? Alí echi kó ke paniksa kowa napo alí kowami komeare. ³ Alí Jesús (Jesusi) jé aneli: "Alí yemi, ¿chusika ké kalá olá Riosi nulalila pe echi tradiciones kitra? ⁴ Riosi kó jeanili: moje ko kala bichiwi moje iyela alí onola: alí jaré wé siti raicha yeni moje iyela alí onola kitra, peula suwime. ⁵ Alí yemi ko jeani: chuwe bilé je anesa kemi iye alí kemí ono, "chuwe bile namuti kuirli naresa alí kó we kaniluami yama Riosi" alí ko pe keula kalé reba aboni onola" ⁶ Jenala jití wueni nateame nirali Riosi raichali achigo chu. ^{9 7} Yemi chapirua me nachame kala anili Isaías chokilipi echiriga olama yemi. ⁸ JENA RALAMULI WE KANILI ANÍ RAICHALI. MAPU BIONI SULALA ATI MIKÁ ATÍ TAMIJITI. V 9 ABONI OLA KEKALA CHULÍ JARÉ CHURIGA BINERA NULALI ME BILE RIJOI. ¹⁰ Chijonsa aneli wika jiti: "Ala namsi alí kipusi, ¹¹ ké wése muwinea echona chumurachi mapirika nosóbumi echoná bile rijoi chummura ariché olamini, mapo machini echona chumuláchi echelá jú mapo mosobú bile rijoi. ¹² Aribeche eche nawesami nawali echi Jesús (Jesusi) yuwa alí jeanile: ¿ Ami machi eche Fariseo (Bariseo) wé na alé mapari namili jena raichali? ¹³ Jesús (Jesusi) kó kúmijeka jemili: suwaba sakalá kemi onó selestiachi ké ichali, alí bumuruwami nima? ¹⁴ Aná nibó yemi: echokó jú baérani eche ké machiliami. Eche bile ké machilia yeira auche bile ké machiliami, okuáka rujima riweli echomé jóchi. ¹⁵ Pedro kó kú nijewaka je anili echi Jesús (Jesusi): tamo alá ruwe echi chabewami raichali á tamoje jiti. ¹⁶ Alí Jesús (Jesusi) ko anili: "¿Abijí ke cho kala machika owili? ¹⁷ ¿ We ke ritewua mapu iri kowua alí ma pachona ropalachi simiri alí machi banóchi ti simi alí matí paa echi? ¹⁸ Mapu iri machini rinilachi alí echiko sulala machini. Jena ju mapu iri nachu echi ralamuli. ¹⁹ echona sulalachi jonsa buwua karka ke kala natali, mapu milami jú, alí chati olami, ayenacho wika jubemi, alí wichikoami, mapu ke kala raichami alí chiguntami. ²⁰ Jena ju mapu nachu ralamuli, achigorika ke paniksa cosa pekié anachu echí ralamuli. ²¹ Napuriká Jesús (Jesusi) waná simile echi jonsa aly simili echona Tiro aly Sidon aniliwachi. ²² napuriká biie mukí kananeachi bitemi simile echona jonsa, echi mukí aly we sinaka anile tami kuwire muje David kuchuala; nije kuchuala we risú olarami jú echi demonio kitra." ²³ Alí Jesús (Jesusi) ko ké raichali, aly echi dicipulos kó sile napu oná Jesús (Jesusi) asale aly ko jerika aneli: "na ku julabo napuriká we sinasi inaro tamoje yua." ²⁴ Echi Jesús (Jesusi) nijeka aneli: "Nijé ko kéula jularami jú kiwesí péula ichopí echi bowá wikami nirá echi Israel (Israeli) kalilachi." ²⁵ echi mukí nawali aly rile chokobaka chukubika echi Jesús (Jesusi) ronolacho aly jerika anija: "muje Jesús (Jesusi) tami kuiro. ²⁶ Alí jeanili: ké kalá jú chuwé juso bilé pani alí ná kochi aso." ²⁷ Alí echa nili mukí: "alí, kochi kó kowá echona iamesa jonsa rujiami." ²⁸ Alí Jesús (Jesusi) jeanili: "Muki, ne garami bichiwi. Nijeko nimi wika namuti yama." Alí echali rawé ku sawerami nile. ²⁹ Alí Jesús (Jesusi) ku simili alí mulipi marchi yenli Galilea (Galileachi). Alí ripa rabó simili echomi asali. ³⁰ Alí wika ralamuli sili; alí yuka seuli ké omerami yená, alí ké machiliami, ké raichami, ké sikeami, alí ké roneami ali wiká nayukami. Alí echo ná seuka nokali Jesús (Jesusi) yua, alí kú sawerami nili. ³¹ Achigorika ikili echalí jaré riwualí ku raicha echi mur, achiko ku sawuarami ke kala roneami, alí ke simibami ku yena alí ke machilamí ku machili. Alí echiko we kanilika Riosi jitra echona Israel nirumi. ³² Alí Jesús (Jesusi) ko bayelí echí nawuesami alí anel: "Neko yena kuirnli echí ralamuli mapuriga bakia rawe siri tamo yuwua alí ke niwí mapu komea. Nijekó ke julama ke kowsa, achigorika susaru echomi buchi siraká. ³³ Alí echí nawuesami anili: "¿kumi aabo wika pan, mapuriga koobo jena wika ralamuli jenai ju rijowuachi? ³⁴ Alí Jesús (Jesusi) anili: "¿chikipi pan niwi yemi? Alí echiko anili: "Kicha alí wiká rochi kuchi." ³⁵ Aliko ma aneli Jesús (Jesusi) echí wika ralamuli muchisi rile. ³⁶ Binoko kicha pan rochi ayena natetaraba, mapu roganá li nijili echi nawuesami. Echi rojanili wiká nira. ³⁷ suaboka raramuli koáli simibili kanilika. Ayenachó napabuli mapú ripili bochili kicha. ³⁸ Japi kowali makoi mili ralamuli, kebili jaraka muki toi. ³⁹ chijonsa Jesús (Jesusi) má juli echi ralamuli wiká alí ma simili auche bilena echomí magdala.