Capitulo 10
1
Jesusi vayeli aly napuvuka echi makoy aminá okua napu vinoy discipulos nile yali nulakuami echi chati aliwemi napu machi pamá, napuriká sawerami nima karka namuti okokúami aly karka echi nayukuami.
2
Jipi kó, echi ralamuli makoy ami ná okúa apostoles echi ju: Aly vacha nirá ju, Simón ( napuriká ayena riweami nile Pedro), aly Andrés echi vinoy rijimála, Santiago, echi Zebedeo, kuchula, aly Juan echi vinoy rijimála,
3
aly echi Felipe, Bartolomé, tomás, Mateo, napu winomí napavúami níle ayena chó echi Santiago echi Alfredo aly Tadeo wiweami kuchuala nile,
4
echi Simón el Zelote aly Judas Isacariote,napuriká iniaká silé.
5
Echi mako okua Jesusi júli nawesanla eyema echó jeriká aneli: "Ké simasi, echoná jaré ralamuli pirelachi, katasi simavo vilena pueblochi echi Samaritanos pirelachi.
6
Echomi simasi napo vowá ikami piré.
7
Ali simasa nawasasi ali je anesi: 'Ma mulipi ku nolinima echi waluveala riwigachi jonsá.'
8
Sawesi nayukami, ali jawasi suwikami. Ali sawesi vuyanami, ali machivusi demonios.Ali né kanila kú naré, ali né kanila ku yasa ré.
9
Ketasi nare oro, ali winomi, napo iki nateti.
10
Ketasi paveka simavo, ali ke napanacha murutvo, ali ke warachika, ali ké tisoka, ali walú kowami narema.
11
Ali vémi sisa auche bilena wika rijowachi muusaka, ali abo mapu ala nilsa re, ali ripisi echona mapali si simibi.
12
Mapali muuwua siri echo bitichi sukirbo.
13
Achigorika ala nilsako echona bitichi, nákisi echi kanilwuami echona echi yuwua; achigorika ke kala nilsaka echona bitichi, aliko echi kanilwuami kú nakisi emi yuwua ku.
14
Echigorika echi, mapu kie naki yemi raichali; nama, mapaliku yemi ku simibi echona bitichi jonsa, kala japsa echi sate echona ronolachi chukuami.
15
Nebichiwuali nira mi ane nije echali juba wawueko pe risurika nima echona Sodomachi ali Gomorrachi.
16
Kala wine mapu riga bile bowúa echona nasipi basachi, nakalá nateme mapurigá bilé sinoi kalá bineroli mapurigá bilé makawi chuluki.
17
¡Nekalá majaka echi ralamuli!, Mapurigá nigima bileaná, echona reobachi ali wiposóma.
18
Mapu tomea nebachá silimi wualulachi jamijiti mapúriga nijé ikili, mapuriga nijima aboni nirá ali echi ralamuli yuwua.
19
Japali nijisa, ké risut nira nibo churiga raichabo, machuriga animea ali iraptami nima necháli nira.
20
Achigorika ke yemi nima mapu raichama chopi iwigala kini ocho mapu raichama ne bacha yemi yuwúa.
21
Vilé vachiruami winijima raa vonilá napi ria milirutami nima, ali onolá kó kuchuala. Ali kuchrami kó onola yuká nakoma ali milimea kere.
22
Ali yemi kó wé kichirami nima nijé riwala kitra. Napo iki anachi napi yensi mukú, echi rijoy muki ke ré kú katiwaeami nima.
23
Napo ali najatisa echomi wiká pirelachi ná ché vilena simasi; nijekó né vichi wali nimi ané napi yemi ke simarima echomi Israelchi vacha nira kecho ku nawachi Riosi kuchuala.
24
Vilé discípulo ké me nateami jú vilé kalá vineriami kó ayená, napi ria vilé nochami ké siné walula jú.
25
Chopi ne kalá sevali jú, mapuriga echi vineriami, mapu vinertami jú echigoriga nima, ¡Napo rika jare jé ané Belsebú, kaila, ali moje kaila rasirika kalave jú.
26
Ké tasi majasi yemi napuriká ke nurú namuti nasotami napuriká ke machirúami nimá aly viche echi nasotami napurika machivo.
27
Napuriká nijé nimi aneli echona rokojó nira, echirika ne kala rayenachi nira anivo, napuriká sineami echi jaré napu kala nira machimea echi nakalachi, anisare echona ripá kalí poláchi.
28
Ketasi majasi echi napu koaya noka echi ripokalachi, napurika ke omeri miaya echi aliwá. Majavo echi mapu omeri miayá echi aliwa napurika echi ripokala patami nima echona walu rajáchi.
29
¿Ké okúa chulukí nile napu ralinearami nile napurika pé okua winómi kitra? Aliviche napuriká kiwesi wichili echoná rilé napu aly ké machili onolá.
30
Napuriká suaviká kupalá muje mó olachi karka taratami jú.
31
Ke majabo. Yemi we nateami jú echi bile chuluki nira.
32
Echirigacho, mapi bichiwi ko bachami ralamuli nirá, nijé ayenacho bichiima bachami nirá kini onó nira mapu ripa riwigachi atiami;
33
achigorika mapu tami kie bichi nijé kecho bichiima echi mapu ripa riwigachi atiami.
34
Kie natabo mapuriga nijé nawirali pasia kanilwuami jenay kawirali.Nije kie nawuali pasia echi kanilwuami, chopi bile espada.
35
Nijeko nawuaki olasia echi ralamuli sayeraka binoi iyela, ali echi moolilako sayeraka binoi wuasila.
36
Napu kichirami jú ech ralamuli avoni kitra nimáre echoná avóni kalilachi pireami.
37
Echi napu wé kale vinoy onola rasirka napuriká ke kalé echi vinoy kuchuala we rasirka kévla tami wichiwimá.
38
Napu ke matori echi kúrsi aly tami najáta, kévla wichiwámi jú.
39
Napu aly riwisa echi vinoy vitelwami nijé kitra, kú riwimea.
40
Napu tami nareli yemi tami kú nareli, napu tami kú nareli, ayenacho napu tami júli.
41
Ayenachó echi kala nira nareli echi nawesami napuriká nawesami jú, narema echi kalavé nira echi nawesami kitra.Napurika naresa vile rijoy kalavé olami naremaremi kalavé nira echi rijoy kakavé olami kitra.
42
Chuwé vile napu yá echi vile tá, towi vile vaso vawi manimi rulami npuriká vajima echi nije nila discípulos, ayenacho nimi jé anema kevia wesi ripima ké nareka echi kalavela nirá.