¹ ki'na simasi Jipi ko, yemi ko we niwame ju, nalakbo we wali nira mapu suriga isime yemi nira. ² yemi nila ko kariga wikali ti yemi napachala ko kowati, ³ Echi oro mina Plata a makie nateami najitali, ali echi wikakumi ko chub olarami raichama tamuje nira ali nosobuma je na sapala mapuriga bile na'hi, i'emi ko kateli aboni inila je na juba rawe. ⁴ Inesibo, echi ichami mapu nateta mapu ku u'wi echo'na iyerali jonsa, mapu kie nate'tli, nalaki wali niraka. ali echi okuwenla mapu i'iwili mapu ichali ko chapili echi Riosi walu omerami. ti emi ko pireli we kala. ⁵ Ti emi ko ne kala nira pire echona wi'erli Ali ne kanilika nira ju aboni nira mapu naki. Ti emi oweli najitali echi sulala echi wika miliboria. ⁶ Milali echi rijoi ne kala, mapu ke anachi. ⁷ Ti emi ko ne buyeme nira nisi, rijimala, mapu yenasi ku nawasa echi walubela Riosi, Mapurika echi bile ichame buye echi ichirume jenai wi'erli, ne Kili nira buyeka, yenasi ikusa biya. ⁸ Ti emi yenacho buyesi, ne kala alarsi echi sulala, Mapurika ma mulube ati echi walubela Riosi ku nawakuame. ⁹ ke tasi na'awisi, rijimala, aboni anakupi, Mapurika ke tasi ku chunetami nibo, Inesi, echi walula mapu echona yelchi wili. ¹⁰ Mapurika, rijimala, ala namsi echi risuniluame Ali buyekuame echi Riosi jiti nulerami raichanla anatasbo echi isu iniluami Ali inachluami mapu echi profetas winili Mapurika aboni raichali echi walubela Riosi. ¹¹ Inesi, tamujeko ko bayeli mi'i mapu iki anachami, "kuwirami." ti emi ko na'ami Kili nira niluame echi Job nira, Ali a machitmo mapu simare Riosi echi Job yua, Mapurika echi walubela Riosi karka bochika iya mina kuwirali. ¹² Ni Karaka niraka, nije rijimala, kie tasi anisi, echi riwigachi, echi wichimoba, Ali ketasi namuti. riwesi mapurika echi anime abe ali kie anime kie, mapurika ke tasi rijupotmo juba rawe kalarwachi. ¹³ ¿A bile niru mapu risu inila? raichasa Riosi yua. ¿ a niru mapu we kanila? nawajima nawajikuame ¹⁴ ¿ A niru bile mapu nayu? bayema echi ocherami echona ro'obachi, riwesi mapurika echi ocherami tanma echi jiti, ucheka echi wi'i walubela riwala ruka. ¹⁵ Ali echi raichakuame bichiwika kuwirma echi nayume, Ali echi walubela wilasma. Ali echi bile rijoi chati olasa Riosi ko wikawama. ¹⁶ Echona jonsa, ku tansi echi chati aboni anakupi, Ali tansi anakupi, Mapurika ku sawerami nima, echi raichakuame ne kala walu niraka. ¹⁷ Echi Elias ko nili bile rijoi mapurika tamujeli, echi ko raichli ne werli oloka mapurika ke tasi ukume, Ali ke tasi ikuli jenai wichimoba bakia bami Ali usani micha. ¹⁸ Ali chusine nira Elias ko raichli, echona ripa riwigachi koluwli echi bawi jenai wichimobachi Ali echi wi'ie yena rakeli . ¹⁹ Nije rijimala, a bile wikasa echi ne bichiwa, bileko ku kuwana rowina. ²⁰ Riwesi mapurika machime towa bile chati olame machi niraka ke kala echi buwe, nu'iuma echi Aliwa echona mukuwame Ali chewma echi wika chati olarami.