¹ mapu jiti ibil pi nira echi nawesami judiosi nira, chaperutami echi ralamuli jiti, echi ko riwarame ju mapuriga isima echi ralamuli jiti ruyema Riosi niraka ,mapuriga binoi nijama wika nijarame, mapu miliruami echi jiti chat olami. ² binoi ko omeri nakiluwa Kili nira echi kie machime Ali ayenacho ikakumi mapuriga binoi ko we chati olami niwami ju. ³ jiti nale, binoi ko anerami ju mapu milinala akami mapu binoi i'chati isisa echiriga isimi ma pu ralamuli we chati olomi ju ⁴ kie chirika binoi nira ju kie chebile chapi jena kalabela. echona jiti, binoi ko raichrame ju, mapuriga inili Aaron. ⁵ echigo riga, kie chiko Kristo kala nira niralitm binoi nira inikuami we bichiwami. echona, mapu echi yuwa chikuli raicha je aneli: " MUJE KU JU NIJE RANALA; JIPI KO NIJE NAJITKEN MUJE ONOLA." ⁶ jeriga mapuriga ani che jaren cho: MUJE JU BILE WE BICHIWAMI SINIBI NIRA MAPURIGA NIRA MELQUISEDEC." ⁷ Ali binoi ko sapala nira, Kristo nijale atanluami, okuana, ali sinaka, ali okuwenka Riosi nira, echi binoi pi ko ma pu kuwima echona mukuwachi. echi ko inamtami inili mapu natemiati. ⁸ Mapali binoi inili bile ranala, bineli echi anamluami mapu binoi we isu ikili, ⁹ binoi ko niwati ne kala Ali nawali jiti, mapuriga kariga inili, jipi ko echi binoi kuwira echi ma pu kala muchuami. ¹⁰ binoi ko riwarame walubela bichiwami mapali aneli MELQUISEDEC. ¹¹ tamuje ko iniwa wika raichali Jesusi nira, we onorli ju anewuame mapuriga emi ko kie namami najit'lampa. ¹² jipi rawe yemi nisa inibot binerami nira, yemi ko cho ji a newale bile binerami echi Riosi raichali. ¡ yemi ko nole chiwaka, kie echi kowami mapu we biwarami! ¹³ chopi pi chuwe bile mapu bajime ju chiwaka kie machime ju echi bile raichali mapuriga kala ju, chopi ali pi ta muchi nisa. ¹⁴ chopi echi kowami biwarami ko ocherami kowal ju. Jena ko ju mapu ocherli iniwa anamluami mapu binertami ju nateami niwama echi kala ali kie kala ayenacho