¹ Nakiwisi echi kanili bilena bitichi pireami nira minabi nokisa. ² kie ikabo echi kala iniluami Jare yuwa mapu kie machirutami ju. mapuriga ani nale, echi jare ko kala inili echi Riosi pionala yuwa ali kie machiya chiko. ³ Natasi echi pacha lu'tami, mapuriga yemi echona muchua iyuwa, natasibo echi jare chub olarami, mapuriga yemi nira nisa echona ropokala muchua. ⁴ Mapu okuaka pire ko mina kie tasi ichibi anebo chopi karka. echi kujubeli okuaka muchuwami nisa ni kala nira, Riosi ko chunema mapu olami kie kala mapu ralamuli pi ka chochime ali ayenacho wika yuwa yenami. ⁵ Mapu binoi ko isi kie tasi kalebo wanomi Riosi nalina. kanilika muchubo ma pu aboni iniware, chopi Riosi ko echiriga anili: kie sine ni mi ruwemani.' ⁶ kanilika muchubo mapuriga tamuje omerma aneya: echi walubela Riosi ju tami kuwirami; kie majama ¿ cho tami olama echi rijoi ?" ⁷ Inesi mapu bacha uchuami, mapu echi raichle Riosi raichali, ali inebo ma ni Kala niraga machiname. chigo nokobo echiriga bichiga. ⁸ Jesukristo ko ju echi bile pi mapu paka inile mapali echi a ju jipi ko, ali chulupe ichi a nima. ⁹ ke inibo chati olami chati nijewuami mapu echi siti binerami. ni we kala mapuriga solachi we jiwerami kaniluami, kie tasi chijunabo echi kowami mapu kie kuwire mapu echi aboni nira pire. ¹⁰ Tamuje iniwa bile bachami mapu aboni najuina echona kalirali pacha nawaji kuachi mapu kie iniwa risenci kowawami echona pacha. ¹¹ Mapurika echi akami ala'la, milirutami mapu jiti chati olasa ka, iparami ju echona ne kala, Echali ko echi ropokala ikiorami ju echona machi. ¹² Echiriga nira, Jesusi ayenacho wisu ikili echona machi hierli mapu echona wika rijowachi, mapuriga binoi ko kala niwama echona wika rijowachi binoi jiti la'la, ¹³ simabo, echona machi, mapu binoi chapili. ¹⁴ Ali ko kie iniwa echi wika rijowachi mapu chulupe pirelma. echo na ko, tamuje ko ha' a bile wika rijowachi mapu malube nawamare. ¹⁵ Mapurika binoi, mapali yabo chulupi milirutami echi nawajinika Riosi, nawajinika mapu ju rakemi echona chumula jonsa mapu machi binoi rawala, ¹⁶ Ali kie wikawabo kala olowame ali kuwira Jare cho, mapuriga miliwami ju mapu natetali iya walu nira echi Riosi. ¹⁷ Inampo echi bacha uchuami olabo inali we kanilka mapu kie omonga, mapuriga evhiga nisa kie kaniltma tamuje. ¹⁸ Itanbo tamuje nira, tamuje ko ni bichiwali nira inati mapu ni kala muchua pa'chana nira, ali ko tamuje ko ni naki ni kala pirelma mapuriga kariga nira. ¹⁹ Nije ni mi ane iwerli iya i'emi, mapuriga nije ku nawamare ma mulube kie sañati. ²⁰ Jipi ko, echi Riosi mapu ne kili niraka mapuriga ku owinle mukusa echi walubela bo'wa tibume, tamujelia walubela Jesusi, jena ala'la jiti bile nijili sinibi nira bile ra'ichali katewali mapu sinibi rawe natemare, ²¹ Ali ni kala nisa karka nira kala namuti mapu ola binoi mapu naki. chopi ma pu binoi niwama tamuje jiti nira we kala ju binoi nira, chopi echi Jesukristo jiti, mapu mi'i ju galabela jiwerka olami sinibi mina sinibi Echi rika nima. ²² jipi ko nije iwerli iya i'emi, rijimala, ali nisa echi raichali kala iwerka iya mapu osuruami pi okua'a nira, ²³ Machibo mapu tamuje rijimala Timoteo ali ma'a iliami pi i'ri nira, chikia yuwa nije nawama ali a'a binoi rawala echali ²⁴ sukuirbo kariga pi'e bacha chikumi Ali ayenacho kariga ni bichiwami. echi Italia pirem ko sukuirle. ²⁵ ali echi kuwirali nisa karka iyemi