¹ Jipiko, ni bichili am nira buhuesa, galabe bichika. Echiko ju noprika namuht ketsasi ritihuat. ² Nop jare napka galabe raichala nira. ³ Ni bichika nira tamuje ala moabo nop kara nai cahui nihuarami nili Dios ti a li, nap keht ritihua ketasi nihuarami nili. ⁴ Echrika bichili Abel echiko nijili Riosi yua mi nap ala alin Cain yua, nap rika ni galabe nira nili binoi. Riosi ko rahicha olali nop rika binoi bacham nira nijili Riosi yua, a li ni bichik nira Abel ko ni biji raichi pi ma mukuam atike. ⁵ Ali ni bichili echi Enok echirika wuilas ramnili nop rika, ke nema ech mukuami. Echiko ke rihuati, binoi Riosi chapika olali ni bacha chapiruami nili, binoi echirika anika simirli hue calika Riosi. ⁶ Jip ko, ke bichisa ke kala nisare. Nop rika chuhue, nahuasa Riosi yua bichisa nop rika echiko ni bichili ju ni a labe nira ahuirta nop rika ni asa bacha. ⁷ A ali bichisa Noé nop rika echirika nili echi Riosi raichala nop rika ke riteram na jonsa a li ko ni ala machika ola ni alaberka nira niyu ali echi bili barko nap rika nahuk nima echona bilempi bitichi pireami, echrika olasaka, a li ko binoi o charika olali echona kahui ali binoi kara nihua nira nili, binoi echirika ilali ala bichili. ⁸ A la bichili, Abrahami, nop ali binoi bayerami nili, ali nijeka olali aliko machinli echona jonsa, a liko asali buhueka chapimea. Ruwu napi ki rihue. Ali simili ketasi machika kum yem simia. ⁹ Ni bichika echiko biteli nop echo kahui ni galabe la nop rika pi bile simiram echiko biteli echona ralinelhuachi Isaac ali Jacob, echirika kara chapimea nira echirika binoi nikurma. ¹⁰ Echiko naka simili bachomi nira, echona huika jawas kali ali ni rile nira joka ilali ¹¹ A li ni bichika, echko bara que tabi rihuam nili koch, nap rika Abram nareli bile ta tohui. Echko nili nap ali hue cherami nili nop rika a la olali bichika a li ko echko echika uhuirta nili. ¹² Nop rika na bilepi rijoy, nop rika soki mukuami nili, ocherli chabe rahue. Nap rika sopoli ripa rihuigachi muchuami ni huika nira a li arika sate comich niruami que tabi omerta tarakua. ¹³ Echirika bichika sewuili que tasi naresa echi owirtam, echo na bilempi, ali sukuirka simirli hue mi ka nira, echko a yena nakiram pi enam nira nili kuira nira echo na wuichimoba. ¹⁴ Ech jare ani nop rika ni galaberka olali echko ni asia noka bile ni nateami nira. ¹⁵ Echko echo na muchisaka nantka nokosa echo na kawuirli na po na echko simibli. ¹⁶ Chirika nima rihueli a la omerma nahua. Nop rika nili echko naki bile kawui alabe. Echko ju ni bile hue simati. Nop rika Riosi ko que tasi rihuelka isimare echirika Riosi ti chapiruami nisa.Nap ali echko ku karihueli bile echo na huikabe cali sahuchi. Echi aboy nili. ¹⁷ Echirika bichili echi Abraham, Nop ali anerami, nijili echi Isaac. Echko nili bilepi nop echirika nakili nop echko nareli echi riosi uwirtam nima. ¹⁸ Abraham ka nili nap echi ruyerami nili " ECHIKA ISAAC JE AMERAMI NILI ECHI MUJE YUA ENAMI CHAPIRUAMI NIRA NIMA". ¹⁹ Abraham natka olali Riosi ti, ali ko Isaac ayencho nuilasram, ayenacho omerma rihueli echirika itasaka echona mukuka buhuim. A li rahichka newua nilka, echirika, ku echko auchechko a nareli. ²⁰ Echirika a la bichili, nap namuht simeare, nap Isaac iyaram nili na ali Jacob na Esaú. ²¹ Echirika a la bichiki, Jacob, nap ali mukuhua buwuili, kuirtam kara ibili kuchala nira ech José, Jacob orarka olali, bunaka nuilika echona echi tisola chapika. ²² Ni bichika olali ech José nap ali ma mulip asirli, raichika olali nap rika buwuama rihueli ech Israel kuchala echona Egipto ali ko echirika ruyeska olali ibili nira uchula. ²³ Echirika bichika echi Moisés, nop a li echi ranalti, echirika nasorami nili bakia micha nop ech wuenala a li rihuala huabe baomi nili echi ta tonui. ²⁴ Echirika bichili echi Moisés a li juba a li ocherli ketasi naquili echirika chapiruami echi ranala a li ko echi tihue ech Farahón ranala. ²⁵ Echona echiko chapili risua nilkuami echona wuichimoba Riosi nila echona kanilhuachi chibi ir chaht olakuach pi telui. ²⁶ Echiko kala nira simili Cristo najath hualu nira ni hue niwua nop namuth catihuarimi. ²⁷ Arami ati echona Egipto. Ke majaka echi bile ulula nulami nop rika chirika anachli nap rika rihuali ketasi riterta nira echiko ni bichiki na pa li Moisés simili echona Egipto ke majaka echi walula binoi ko echirika asali naka nop ech ke ritermi. ²⁸ Echirika bichika echirika kateram nima echona Pascua buchuhuina ruhuerami nili echi laka echona kalirli ne a labe nira nihuaram nili nop ni bacha ocherli, je anili ketasi chipika no koboa echi bacha ocherami echona Isaraelitas. ²⁹ Echirika ni ala bichili jiti a la omerli simara echona huala bahuirli sitakam na rika echi kawui wue wuakichami nop ali echi egipto echirika no kali echiko rileht toram nili bahuiht. ³⁰ Ali echiko echirika bichika echi hualu ticorami echona Jeriko wuichili, na pa li ko kicha rahue nokali kulika. ³¹ Echirika bichika echi Rahab echi muki hue huicabe ralamulí yua iyenli ketasi mukili echi jare yuhua ech jare ketasi bichi huami, echiko muki ni kanila isabli echona, sihuech. ³² ¿Chu pir si animean? Nop biji rolmare nap rika raichma echona Gedeón, Barak, Sansón, Jefté, David, Samuel a liko echi jare nahusami. ³³ Ne chirika bichika echiko chapili hualula nulami, a li noka inijika a li ko nareli echi uwuirt nili echiko nili. Echiko mahuhua rinira, ³⁴ Chowuili echi Riosi iwigala, nahusli echi piya hue olami, ali ko ala ku sahuarami nili echi nahuli, a li ko hue humerami echona nakowachi a li ni nahuram nili echi jare sortats yuwua. ³⁵ Echi muki auche sine nareli echi jare suhuimi nap ku kanarami nima a li ko hue risua hularami nili, ketasi nakili huirtam ni juba nira, nap ali echiko ni a la nili echirika kanarami nima. ³⁶ Jare ko iquili chib anerami nira wuipisorami, nira ali ko pacha etka muchuli Karent buluka. ³⁷ Echiko riteti bosiruami nili, ali ko yehtka muchuli okua nira, a li kuruami nili echi piyati yenka nokali echi boa ichila napa chaka chiba. Echiko echirika olarami nili risua charika olarami. ³⁸ Na kawbi ketasi a la nili ech jare nila echiko enka nokali echona ke sakalech bile rabo, ali roschi a li saterli hue rile. ³⁹ Ali kara nali ralamulí echirika riterami nili, Onoruami nop rika a la bichili, echiko ke nareli uhurtant nira. ⁴⁰ Onoruami echirika olali ni minan a la tamuje yua, nop rika tamuje, echiko nima rihueli ni galabe nira.