¹ Ali nije ni echiriga inili'ni machisa ni karuniti simirilini yemi jiti ali ayenacho echi Laorisea jiti ali wikabe echi ke ritiwa ni bachami cho'ola. ² Nije nochini mapuriga yemi sula' la ni' ima ni kuiratami mapuriga ni' ima yemi kanilami nakupa ni kaleka ali karika echi we niwi echi ni ala bichikuami karika echi natakuami, mapuriga natama ni bichili mapuriga Riosi ineri, echi ju Kristo. ³ Echi Binoi karika echi wakuali ju ali echi machimi ju karika echi ti ju, karika ke bi' iri ichipita ju echi Onoruami . ⁴ Ali mi ni ane jena mapuriga ke wesi omerama chakena owa echi raichaka ni suwerika ⁵ Echiriga nije ke atini yemi yuwa echi sapala, echiriga a asisani, ayena ati ni echi aliwa. Nije we kanilini echiriga ine echiriga ni ala olami ali ni jiweraka echi bichiwami echi kristo jiti. ⁶ Mapuriga yemi chapili echi Kristo walula, iyenisi echona echi Binoi yuwa. ⁷ Muchisi achinika ni jiweraka echi Binoi yuwa, nisi uchucharami echi Binoi yuwa, muchisi ni bichiwaka echiriga yemi bineritami ni'ili ali nisi ni ala olami . ⁸ Ala anaka muchisi ali ke wesi kaleka olama yemi yuwa ruyama ali ni kaleka ni raichaka olama mapuriga aboni alanokua echi ralamuli, mapuriga ola noka echi jenai kawichi, ali ke ola mapuriga echi Kristo. ⁹ Ali chi Binoi bite karika ¹⁰ Ali yemi muchuwi karika ala echi Binoi yuwa.Binoi echi ju mo'oli karika omerami ali niwami nulakuami . ¹¹ Echi Binoi yemi ayenacho alarami ni' ili biwarami mapuriga bile biwarami ke olarami echi ralamuli jiti mapuriga echi nakuliwa echi ropoka echi sapala, ali echi biwimi ni' ima echi Kristo jiti. ¹² yemi ni' ili otorami echi yuwa Binoi echiriga pakotami, ali echi Bino yuwa yemi ju ku jawasarami echi jiti bichiwalati echi omeruamiti Riosi jiti,echi ilisali Binoi echona mukusa ku ilisali. ¹³ Mapali yemi muchuwali suwiami ni'ira mapali chati alaliti ali echona ropagala ala biwaliti, Binoi echiriga alali yemi pireli echi Binoi yuga ali echi wikawali karika tamuje niwali chati. ¹⁴ Binoi biwali chati olami natetali echi chati olami echi tamuje yuwa. ¹⁵ Binoi ni kuliwami niwali karika ali michonalati echona kursichi. Binoi ku buleli echi omerami ali karika jenai nulami,, Binoi echiriga bile ni inerali ni bachami ni' ira aboni, echiriga ologa niurali echi yuwa echona kursichi. ¹⁶ Ali echiriga, ke nakisi ke wesi echiriga risu anema yemi mapuriga mapali kowa kerema baji, echiriga sine rawe omowakuachi echi micha kuliwami kachi , echali rawe sawalachi. ¹⁷ Jena ju echi akabili echi kariniti mapu iri nawamare, ali echi ropogala ju echi kristo. ¹⁸ Ke riwesi bi'iri echiriga nakisi pi kili ni'ira ali echi olikuami echi nochami Riosi yuwa mapuriga echi nule anime yemi yuga mapuriga yarami ni' ima. Echi rijoi baki mapuriga ine are ali echi we nochi echi natali jiti binoi. ¹⁹ Binoi ke echi yuwa chuku echi mo'ola.Echi ni mo' ochi jonsa chuku karika echi ropojalachi echona uchuwi ni ala nachuka ali okorami ju echi ninapawika; jena ocheri echi yuwa ala ocherili yarami ni' ili echi Riosi jiti ²⁰ Ali yemi mukusa echi kristo yuwa mapu binoi kare jenai kawichi,¿ Churikare yemi pire mapuriga ni werili anerami jenai kawichi: ²¹ " Ke kowa, ke echiriga machinali, ke nochasi"? ²² Karika jena muchuwi mapuriga sima' ma echona chati olowachi echiriga ologa, mapuriga ju bineratami ju echi ralamuli jiti. ²³ Jena olakuami niwi we natali bilena echona pireachi mapuriga binoi ologa ali ni suwerika ni kili ni' ira echi ro' opogala jiti. Echi aboni ke niwi omeruami echii yuwa sapala.