¹ Jipi bile bichiwala rijoi riwewami Ananiasi, echi Safira binoi opila, ralinewali bile mapu aboni inili, ² ali binoi chapika ripili piokua wanomi mapui inili ralineutami (binoi opla ayenacho machili), ali chibilena choquemi ali ucheli ronochi echi nawesamijiti. ³ Chopi Pedro aneli:¨Ananias, ¿Chorika riabli bochili muje sulala mapu kalema echi Riosi wikala ali ripi okua wanomi mupu ralinewali echi kawi?. ⁴ Mapali mina makie ralineka isili, ¿We kie inili muje a inili? ali jubaka inisa ralinewami ¿Kie muchuli mapu muje kili olamare? ¿Choripa mapurika anatikim jena namuti muje sulal? Muje kie mi kaleli ralamuli yuwa chopi Onoruami yuwa¨. ⁵ Anamika jena raichala, Ananias echili ali iwija binoi sinepi nira. ali bile we najartami nawali echi karka mapu anamli. ⁶ Echi mali isili ni bachami nira, buleli, na mutuli machi ali otori. ⁷ Mali bakia ora inarachi jubaka, binoi opiila bakili, kie machika mapu choikila. ⁸ Pedro je aneli echi: ¨Ani emi rarinewki echi kawi jena natemi nira. ¨binoi anili: ¨yena, inili echiku nateami¨. ⁹ Mina Pedro jeaneli echi: ¨¿Chorika mi anatikitm yemi uche inera echi Riosi wikala? inesi jena, ronochi mapurika otoli muje cunala muchiwi echona iyechi, ali aboni machipamare ayenacho muje¨. ¹⁰ Echi pi yati ichili binoi ronochi, ali iwili pi sinepi nira, ali echi mali mouli ali riwali mukikami; aboni otoli bachi ali otoli echi mulube cunala. ¹¹ Wabe majaluami nawali karka echona mochi ami, mina karka mapu namali jena namuti. ¹² Ko wika mapu bino inerli mira we suweti ikiya inorli echona ralamuli jawachi ali echi nawesami jiti. Aboni mochili napawika bilenpi echona bilenpi mapu niwili echi salomoni. ¹³ Chopi hie wesi niwali ni we nateami nira napawili echi yuwa, abeni we nateami mapu echona pireami jiti. ¹⁴ Ali ache jare bichiwami muweli, wikabe ralamuli ali mina muki, ¹⁵ ali ayenacho aperali mapu iki nayukami manu cho ripo mina bitibali echo´na bilena kujubechi, mapali simirachi Pedro, ku sawiami nili, bino okabali mapu omasa akaba echo´na jane. ¹⁶ Ayenacho napawili wikabe ralamuli ali echo´na wikabe rijoachi karka suwaba echo´na Jerusalenachi pali echi nayokami mina jare we siweami kie kala wika jiti, mina ku sawiami nili. ¹⁷ Chopi echi walubela bacha chukuami mina ilisali, mina karka mochili echiyuwa (piri ju echi Saduceos); ¹⁸ mina bochili echi irokloami mina chapili echi jare nawesame, ali moarami nili bilena pacha kompenchi. ¹⁹ Cho ali rakoyo bile Riosi Kapiitanualu namali echo´na iyeachi ali mina iyurali mina machi nira je aneli. ²⁰ Simibka, jabasi echo´na reobach¨ mina ruyebsi karka jena raichali jena bitelwam¨. ²¹ mapali aboni anamli jena, aboni mouli echo´na templochi ma ni mulube rawema rikachi ali binerli. Chopi kie ni bichika olami ali echo´na muchuli echi yuga isili, ali napawili echo´na bilena napawikachi ali karka echi ocherami echona pueblochi Israel, ali julali apanla nawesame echo´na pacha mowakuachi. ^{22 23} Ali echi onochami mina simibli kie riwali echo´na pacha mowakachi, ali aboni isili mina anili: ¨Tamuje riwakit echo´na pacha mowakuachi iyertami ni kala nira ali echi nochame ajali echona iyechi, mapa li tamojo irapkit, kie riwarit kie wesi echo pacha¨. ²⁴ Jipi ali echi bacha chukumi echo´na templochi ali chejare bacha chuami kie ni bichika olami anamli jena raichali, echi muchuli we natika ripili mina aboni, mina pir machinma jena jiti. ²⁵ Mapali wile nawali mina ji aneli: ¨raramuli mapu yemi muchuli echo´na pacha mowakuachi ali jawi echo´na templochi vinera pi okua rijoachi¨. ²⁶ Echi rika bacha ilimi simili yuga echi nochami, ali ku apali ku kuwana, chopi kie nakoka, mina abonika majali mapu rika raramuli saburame nisa. ²⁷ Mapa ali aboni apali, mina muchuwati ni bachami echo´na napawikachi. Ali echi kie ni bichika olami ji aneli, ²⁸ ji aneka: ¨tamuje ni iyoka nulekit kie vineyla echi rawala ruga, ali chobiji, chopi yemi ni bochila echo´na Jerusalen ni binerika, ali nakitim apasa echi ala jena rijoi jiti tamuje yuga¨. ²⁹ Mina Pedro ali echi nawesame je aneli : ¨Chopi anamsi Riosi mina kie anambo raramuli. ³⁰ Binoi Riosi tamuje onola ilasli echi Jesusi, mapu emi milalitm, ijaka echona rojari. ³¹ Onoruami olali sikala echo´na onua mapurika inima Jesusi walubela nigurami, mapurika rouma echo´na Israel, echi wikawerami mina chati olami. ³² Tamoje ju mapu riwali yena namuti, ayenacho Riosi wikala, mina echi Riosi iyali mapu anama ochulo¨. ³³ Mapu ali ralami napawili inamali bina, aboni muchuli ali ojobatami oboni ku milinali echi nasuami. ³⁴ Bino Fariseosi riweami Gamaliel bile binerami walula, echi inili kalerama echo´na pueblochi, mina ilisala mina oulali mapu otonala echi nawesama bino. ³⁵ Aboni echi aneli: ¨echi ralamli Israelchi pireami, kala nama muchisi mapu iyemi oruabore echi ralamli yuka. ³⁶ Bino rawe, Jeudas bina ilisala mapurika bile we natemi nira, bina wikabe ralamli, inili naociento, aboni napawili, bino milati, karka mapu ala nama muchili inili ke kaletami ripili ketasi iyira nira. ³⁷ Jena echi rijoy, Judas Galiachi bitemi, bina lisala echaliali niwali bile osuli otoli jare ralamli. Ayenacho mayeli nopi karka nopi anamali inili yojonatami. ³⁸ Jipi nije anema, anamsi jena ralamli bino ineli riwe, chopi yena nochali nisa ralamli niwara bino nima ke kalanira. ³⁹ Ayenacho Riosi nira, yemi ketasi inima chati oluami; ayenacho sineami kachi rusa muje iyoami chikumi Riosi yuka, aboni inili chipi oiuarami. ⁴⁰ Aboni echi bayeli echi bacha ochuami bino pisioti ayenacho aneti ke raichanla Jesusi nira, bino nakite. ⁴¹ Aboni simibali echona napawiwachi we kanilka mapu kurua tararami mapu nima riweli resu olarami echi rolola jiti. ⁴² Mina rawe, echona templochi bino calirala, aboni nokusali binera y nawesa echo Riosi bitecha.