¹ mina ikili mapali echi Apolo illenali echo' na Korintochi, Echi Pablo simirali jare rejoachi bachami nira wikabe rijoachi mina nawali echo na Efesochi ali mina riwali jare binewami echo' na. ² echi Pablo jerika aneli: ¿illemi chapili echi kalabela wikala mapali bichili? aboni' ko je anili: ''kie, tamuje ko ketasi iri namki echi kalabela wikala ³ Pablo je anili: ''¿ali piri jiti mi pakotami nili ?'' aboni jeanili: ''mapu echi juani pakoli. ⁴ ali echi Pablo je anili: ''juani pakoli mapu pakoli ku rowikoami nira. bino je aneli echi ralamuli mapu aboni bichima mapu echi ku nolinma jubami nira, jena ju,echi Jesusi.'' ⁵ Mapali echi ralamuli namali jena, aboni pakotami nili walubela Jesusi raola ruka jiti. ⁶ mapali echi Pablo uwerli aneli aboni sikala echo' na nira, echi kalabela wikala nawali mapu echo' na muchili mina owinali raicha che jare raichali mi nawesali. ⁷ ali karka nira ko nili makoi okua ralamuli. ⁸ echi Pablo bakili echo' na sinagogachi mina raichali kie majaka ali bile micha nira, binerka mina aneka echi ralamuli mulubemi ripa riwikachi niruami nira. ⁹ chopi ali jare judiosi simibali biwarka mina kie namka, aboni owinali raicha kie kala nira echona buchi isirka echi Kristo nira bachami nira ali wikabe isirachi. ali Pablo mina riweli, mina toli jare bichiwami pe wikabe nira. bino owinali bineria sinibi rawe echo' na bilena bineliachi echo' na Tiranochi . ¹⁰ jena owinali okua bami, mapu echo' na Asiachi pireami nama walubela raichala, ali judiosi mina Griegosi. ¹¹ Riosi we jiwerka olali mapu bino nochali echi Pablo sikala jiti. ¹² alike jeirika nira, mapu echi chulubili mina bachami mapu chapili ku sawiami nili mapu nayukami mina echi nauli ku sawili mina echi kie kala wika mina ku simili. ¹³ chopi echo' na niruli kie kala judiosi simiba isirali echo' na mi mulubemi. aboni juli echi Jesusi raola ali aboni nira winebo mapurika nilbo ruwa jiwerloami echi chati wikala jiti mapali anili: ''mapu echi Pablo raichali Jesusi ruweli. nije mi nakima mapu machinma ku.' ¹⁴ mapu jena ola uchuli nili echi mapu kicha kuchi bile walubela rijoi niwala echi judio, riweami echi Esceva. ¹⁵ bile kie kala wika je anili: a machine echi jesusi, mina echi Pablo allena' cho machine; chopi ¿chika ju illemi ?' ¹⁶ echi ikie kala wika echo' na rijorli'' ni chipoli kie kala mina nuleli mina ipisoli. ali aboni mina jumli echo'' na kalirali jonsa machi sapeami ali mina we risu olarami. ¹⁷ jena machiruami najitali karka buchuwina, ali echi Judiosi mina Griegosi, mapu pereami echo' na Efesochi. aboni we majali, mina echi jesusi raola nili kie raicharami siti nira ¹⁸ ayena' cho, wikabe bichiwami isili mina je anili mina machilla jare namuti kie kala mapu aboni olali. ¹⁹ wikabe mapu olami karunti apali echi osuli mina wikosali machina riwirtika karka. mapu aboni ineli mapu natelwala echi, nili malisi makoi mili nili echi plata. ²⁰ ali walubela raichala chijali walu nira we jiwerka nira. ²¹ jipi jubami mapu echi Pablo suwenali karka bino nochali echo' na Efesochi, bino nakili ali wikala jiti mapu simirma echo' na Macedoniachi mina Acaya ayenacho echo' na buchi jerusalenachi; bino je anili: a'ali mapu echo' na asisa, ayenacho inema echo' na Romachi.'' ²² echi Pablo julali echo' na Macedoniachi okua mapu bino binerali, Timoteo mina Erasmo ayenacho mapu nili bino kuwiriami. chopi binoi ko ripili echo' na Asia pe a ili nira. ²³ ali jubami rawe niruli bile pitia nira majalwami echo' na Efesochi mapurika sima re echo' na buchi. ²⁴ bile plata nochami riweami echi Demetrio, mapu niwami namuti kie nokami echi Diana niwala plata jiti, walu kuwirli nili mapu nochala echi niwalwami. ²⁵ ali bino napabuli echi nochami ali bino we niwika nochali mina je anili: ''ralamuli, illemi machi jena nochali tamuje niwa wikabe wanomi. ²⁶ illemi retiwa mina nami mapu, ke tasi chopi echo' na Efesochi, chopi nosoki karka buchuwina echo' na Asia, echi Pablo a aneka mina wanaprami wikabe ralamuli jiti. bino ania chuku kie niru riosi mapu niwarami sikalti. ²⁷ mina kie bilepi niru allena' cho niru majawi mapu tamuje niwala osuli kie newalema minabi, ali allena' cho echo' na Reobachi ali walube riosi echi Diana nisa mapu kie nateami. ayena' cho wikawama walu kuruwa bino, bino mapu buchuwina karka echo' na Asia mina echo' na machi illena mi nawajina. ²⁸ mapali aboni namali jena, we bochiwali iwolwami mina sinakali, anika:'' ¡walube ju echi Diana echo' na Efesochi niruami!'' ²⁹ echona wikabe rijoachi karka nira bochirami kie newalami, mina echi ralamuli we llati ikirka echo' na mapu karunti olowachi. aboni chapili echo' na napawika illenami echi Pablo yuwa, Gayo mina Aristarco, mapu isili echo' na Macedoniachi jonsa. ³⁰ echi Pablo bakinali echo' na mapu wikabe ralamuli mochiwachi, chopi binewami ko kie nakiwali. ³¹ allena' cho, jare bacha ochuwami Provincia ali Asia allena' cho mapu nili echi Pablo apanerowala ali Pablo aka juli echi osoruami tanika iwerka nira kie bakinala echo' na karunti olowachi. ³² jare ralamuli sinali bile namuti, mina allena' cho che jare, echi ralamuli kie kala machika mochili. wikabe echi aboni ke tasi machili piri jiti napawika nokala. ³³ jare echo' na wikabe mochiwachi je aneli echi Alejandro, chika echi judiosi minabi rekibu mochili bachami nira, ali, Alejandro nokali sikala mapu illanli ruwe mapu echo' na mochiwa napawika. ³⁴ chopi echali ali machili mapu echi nili echi Judio, aboni sinaka nokali okua horachi nira: ''¡walu ju echi Diana echo' na Efesochi.'' ³⁵ mapali echi osuli niwami echo' na rijoachi nili pe kili nira echi wikabe, bino je anili: ''illemi ralamuli Efeso pireami, ¿ piri rejoi jenai kie machi echo' na wikabe rijoachi echo' na Efesiosi ju tibume echi reoba echi walubela Diana mina ma rikili riwikachi jonsa? ³⁶ riteka jena namuti nili mapu kie anime kie, illemi muchima re kie anika mina kie niwama we sapinu nira. ³⁷ chopi illemi apali jena ralamuli mapu kie chikorami echo' na reobachi kie tasi raicha charika echi tamuje niwala echi riosi. ³⁸ ali, nisa echi Demetrio mina echi karunti niwami mapu mochiwa niwa bile ichewa a chebile nira. mapu echo na irapta ili mapu echo' na kala aniwachi mina echo' na niru walubela. riwesi mapu aboni ni chewika nokome aboni ibilpi nira. ³⁹ chopi illemi ko aka noka namuti aa che jare akallami, jena' ko aniruami nima kala nira echo' na bile na napawilwachi ineka nokowa. ⁴⁰ chopi ni bichiwa nira muchiwa we majaka mapu ni nichewika anerami nili ali binoi rojanali jipi rawe. kie tasi niru mapu nosobu jena kie kala kare, mina tamuje' ko kie nibo re mapu mi anebi'' ⁴¹ mapali bino anili jena, bino ma kala aneli mapu echo' na napawikoachi.