¹ ali nili echo'a Ikoniochi echi Pablo mina Bernabe moili napawika echo'ma reobachi echi juriosi niwali mina richali jerika nira jare wikabe ralamuli okua nira, Juriosi mina Griekosi, bichiwali. ² chopi jera Juriosi mapu simibali kie namka ali uwerli aneli ralamuli mapu chati olanla echi ralamuli kie juriosi mina we jobatami najitali rejimala we sayerka. ³ ali aboni ripili pe ili nira, raichka kie majaka ali ni jiwerka Walubela jiti, ali bino iyachi inerli mapu osuriuami mapu kolwami. bino olali jena aka inerlowami mina we suweti mapu olarami nii echi Pablo jiti mina eci Bernabe. ⁴ chopi wikanami mapu ona rijoare ma'a rojonarami nili;jare ralamuli ali kuwana nisa jare juriosi, mina a che jare mapu auche jarena nulerami nawisanla. ⁵ mapali okua nira, ralamuli mina juriosi, nokali ane mapu iki bacha uchuami mapu kie kala nira olabo ruli mina basibu echi Pablo mina Berbabe, ⁶ aboni ko ma'a machili, mina simibali cho'na jare rijoachi echo'na likaoniachi, Listra mina echo na Dervechi mina echo'na karka buchuwina, ⁷ mina echo'na nawesali li onoruami raichala. ⁸ Echo´na Listrachi aniliwachi bile rijoi asali kie jiwrami bino roho´la, bile kie ime kala reneami pi taka jonsa echi iri nawali bino iyelachi mapu kie sine iyenami nili. ⁹ Jena rijoi namali echi Pablo raichachi, bino Pablo riwali bino busulti echi ali riwali ala bichiwami nili mapu ku sawi me riweli. ¹⁰ Ali aneli oweli ni ochaka: "Ku iliska." Mina mi´i rijoi ni chipoli ali mima ku simiami najitali. ¹¹ Mapali ali wikabe ralamuli riwali nop Pablo alali jena, we iweami sinali, je anika mapu aboni raicha echo´na Likanoachi: "Wikabe Riosi ku rilena simibali ali tamuje yuwa nop rika ralamuli nira." ¹² Aboni baneli mi nali Bernabé "Zeus", mina mi Pablo, "Hermes", mapu mi´i nili mu ka inani raichali. ¹³ Echi bacha cho kuami Zeus, ali Reoba ilili pe a machi o suwe nira echo´na wika rijoachi, apali wasi mina mokoweli suwachali niwarami echo´na iyeachi; mi´i mina wikabe olanili aka nira. ¹⁴ Chopi mapali jare auchi bileni juirarami nawisasia, Bernabé mina Pablo, namali jena, chiwanali napachala mina we sapu nira simibalo nop echo´na muchili wikabe ralamuli, sinaka nokowa. ¹⁵ Mina jeanika: "Ralamuli, ¿chokira re iyemi olowa ocho jena iri nanamuti? Tamuje ayenacho ju mapu rika ralamuli ali achiko iyena ine nilami nop iyemi nira. Tamuje mi iyabo re iyemi we kala raichali, nop iyemi ku rowibo re ali ku riwe jena iri namuti kie kala ali najatibo echi Riosi biteami nalima, mapu niwali riwika ali ayenachi kawi, mina ali bawi, mina karka nop kare. ¹⁶ Ali bachanla rawe, bino mi'´i nakiwali karka buchowina nop simama ni aboni kala buchi. ¹⁷ Chopi abiji, mi ko ketasi cho ripili riwrika, ali mi nop niwali kala nira mina mi iyali echi okoi ripana riwikachi jonsa mina ali rakelwachi ayenacho, bochiwa aboni sulala ali iya aliwa mina kanilwami." ¹⁸ Ali jena raichali, Pablo mina Bernabé pe kuli kie nakiwali echi ralamuli mapu ki itakuami. ¹⁹ Chopi jare juriosi echo´na Antioquiachi pireami ali ikono isili mina jeaneli jare wikabe ralamuli. Miko busibuli mi´i Pablo li´mina mina bile apali chakena makie mulubemi ka rijoachi ko kie. Abo ko mateka ma mukuami ju. ²⁰ Cho biji mapu jare bineami muchuli mi´i yuwa ali bino ku ilisali mina bakili echo´na wikabe nijoachi. Ali che sine rawe, bino simili echo´na Derbechi Bernabé yuwa. ²¹ Ali jubami ma nawisasa echi raichala echo´na wikabe rijoachi walo ali binerali wikabe, aboni ku rowili echo´na Listrachi, ali echo´na Ikono mina Antiokachi. ²² Aboni mochili we jiwerka abo aliwala echi bineami mina iwerli iyali mapu bichika nokisma, jeanika: "Tamuje ko mu´ubo ne echon´na Riosi bitelachi ripa chopi ali we risu nilka." ²³ Mapali aboni ucheli raola nop nii ocherami echo´na reobachi, mina raichasa Riosi yuwa ali ketasi ko oka, abo aneli ali walubela , nop aboni ma´a bichili. ²⁴ Ali aboni simarali echo´mi pisidiachi mina isili echon´na panfilachi. ²⁵ Ti ma raichasa echi raichali echo´na perkechi, simibali echo´na Atalia. ²⁶ Ali echo´na jonsa simiba barkochi echo´na Antioquiachi, nop echo´na abo nili iyarami kuwirli Riosi Jiti nop echi nochali nop aboni ma ala karka nali. ²⁷ Mapali isili echo´na Antioquiachi, mina napawili echo´na Reobachi, aboni aneli karka jena namuti nop Riosi isili mi´i yuwa, mina rika mi´i irapli bike iyeachi nop bichilwami mapu echi ralamuli kie juriosi. ²⁸ Aboni ki ripili pe a ili nira ali bineami yuwa.